📌 求助有睇開嘅都
共 52 條紀錄
<求助>
有睇開嘅都知我有位80幾歲嘅鄰居，係一個好善良嘅老人家👵🏻
尋晚去佢屋企傾偈，因為想慳屋企電費，所以夜晚會坐喺走廊。今次講起佢有更多嘅故事，包括屋企關係、信仰、生活，同佢傾一個鐘頭計已經有六隻大曱甴🪳由佢屋企走出嚟，仲有隻會飛嘅，平時有少少怕曱甴嘅我，都忍唔住踩死咗五隻，仲有一隻逃跑返入屋。
閑談間知道佢有意清理佢果間充滿雜物嘅屋，只不過年紀大實在冇能力處理。難得佢肯斷捨離，我梗係開心啦，所以我大膽地問佢如果我揾到人幫手清理，佢o唔ok。
我邀請現實世界認識嘅朋友幫手清理🧹婆婆嘅屋企。
人數：5個左右
日期：再夾，一日一定唔夠。
條件：男女不拘、最好大隻，夠細心，有愛心，識清潔，唔怕異味，唔怕曱甴。(講到徵婚咁😂)
如果會有第六個識拍片記錄呢件事就更好。
夠人我就會同婆婆夾時間。
1）首先跟婆婆講清楚及勸諭先通知婆婆家人到場溝通。
2） 如婆婆有什麼 ［陳年］首飾金器，現金，存摺，應該交由她的家人保管。
3）< godlovestephen> 出文幫助別人是一種美德及功德，但自己沒有 *法律* 上認同及保障。唔係將來婆婆年紀老邁記憶力衰退，將來需負上責任，到時［羅生門］事件。
4）就算交 ** 關愛組 ** 同樣地要找婆婆家人出來同意才可進行。以免將來錢銀瓜葛，誰來負責任。
唔係話唔想幫
但有d位企返中間d保障自己先。
1. 係點confirm 佢有冇家人，小心家人突然出現，話屋企有d咩值錢野
2. 如搵到家人就同家人夾點幫，家人主導啦，法律上你只係no body
3. 冇家人就搵關愛隊或義工隊處理，一陣有價值連城既野，轉頭話唔見左真係煩
4. 郁老人家d野d 大小強或有大米奇出黎，事前要同鄰居同房署夾好點善後同保護鄰居，唔係去左人地屋企煩死
報房署和區議員吧！之前東張幫個人執屋，點知屋主，搬在一大半，突然話唔搬，還投訴又報警，最後他又再執東西塞爆間屋！其實要揾心理輔導，疏理屋主情緒，建好良好心理狀態！屋主失安全感和内心凌亂先造就現況！對答是正常架! 因為咁樣東張先無再組隊去清堆積屋。
有時唔止係屋企裡嘅囤積，而係心理上都有囤積。所以就咁搵人清有可能變左好心做壞事，例如有機會唔小心掉左啲婆婆覺得好珍貴嘅嘢/執嘅時候婆婆樣樣都話唔掉得/執執下婆婆悲從中來等等。建議搵返啲有社工跟進嘅處理囤積嘅機構會好啲
很欣賞你的熱心，唔係唔想幫，都係搵返有經驗的師兄師姐一齊做。
還有要考慮到萬一長者投訴個人物品不見了怎麼辦？
這些因素也要考慮？
如果長者有家人或有社工的也最好通知一下。
知道你心地善良，但婆婆背後可能有其他。上咗年纪好多時人前人後一套，不要理太多要自保找關愛隊社署會好些。有心買個飯，天氣冷比件外套佢就已經好好。
I agree with you.其實垃圾屋非一天建成，阿婆可以有其他精神病無講出黎
建議要揾d有滅蟲知識嘅團隊問吓意見，見過屋村有類似咁嘅老人清屋，一清果吓d蛇蟲鼠蟻鳥獸散，走哂入同層同上下左右嘅住戶果度...
佢屋企咁多隻大強
應該仲有生左蛋喺佢屋企
要徹底執乾淨大清潔
老人家俾陌生人入屋前收埋重要錢財物品
避免俾人有機可乘順手偷野
怕曱甴，有無d野係後期做我可以幫忙，油油、搬野、執屋、揾二手傢俬、申請平安鐘、申請呢樣嗰樣，我都ok🤗
其實可以申請義工隊上門幫佢清要婆婆在場跟住會有社工同其他人在場幫佢睇有啲乜嘢要有啲乜嘢係唔要嘅
建議搵返地區社工，佢哋仲可以幫婆婆睇有咩其他後續支援幫到佢
一個人囤物多少關心理/精神科事
純粹想講即使搵到第6個人，都要尊重婆婆其實都無義務比你影，唔好網上share佢啲私隱。
抱歉未能幫忙，留言希望更多有心人睇到呢個po！❤
祝po 主同婆婆生活平安，身體健康
真係要揾社工；關愛隊；議員。免有爭拗。另欣賞你熱心助人；鄰舍守望相助的精神。
會唔會考慮問下你個區既社會服務中心有冇提供相關服務？可能有社企可以幫手
幫唔到手但欣賞你🫡無論係搵專業嘅社工定自己落手都祝你地成功 好人有好報+
到時就會話你偷左佢啲野或者唔見左野瀨你哋
仲要係唔見左一啲從未有過既野
怕曱甴幫唔到
想留個言表達欣賞你用咁多時間同長者傾計再行動幫忙
推推
電費係有低收入家庭補助..水都有..補助完應該係俾少好多的..可以留意下
如果最終冇人幫手 建議搵建祝團隊，東張幾單囤積個案都係搵佢地搞～
各位自發性義務清屋嘅人
記得著長袖衫褲，帶口罩以及手套啊🙏🏻
「不法的事增多，使人的愛心冷淡」
支持樓主的愛心服侍，加油💪
可以揾建祝義工隊幫手，佢地有做開清囤積屋，有經驗同工具
搵該區關愛隊，議員，議助。
使政府錢幫助市民，天公地道
自發義工隊係香港風險好大 叫關愛隊做啦 一年cap一億