📌 真係其實我咁努力讀數
共 47 條紀錄
真係其實我咁努力讀數jm9
真係好L絕望
學校pre開5-5*
諗住點炒應該都5
而家我居然on9到percentage profit simo兩條part a 都錯撚晒
asgs 3d 啱晒有乜春用
要陰嘅俾佢陰晒
仲要黎堆careless
計過得嗰73%我不如咪撚讀
已經0心機溫其他科
而家返到屋企同阿媽講仲要俾佢話
佢係咁喺度嘆氣
係嫌我唔夠絕望定咩
安慰兩句有咁難咩。
bro共勉之 對完答案已經知道炒到pk btw宜家已經冇時間傷春悲秋了 準備chem更加重要 考完先喊 大家一齊加油😭
算啦 喺度開解下自己 都過左去改變唔到啲咩
或許可能無自己想像中咁差呢
太執著一科而搞衰左elective
結果可能擔心嗰科根本就有自己想要嗰個grade嘅 但係因為其他科衰左搞到入唔到大學想讀嘅
應該會憎死自己😁
見到你就好似見到當年嘅自己…
我開考前aim 藥劑，一定要maths同chem兩科拎齊4粒星，但考完maths交卷果刻，我就知自己得一粒星，交卷果刻已經伏係枱面喊緊
唔開心左成晚，但好彩之後清醒返，唔知點解好似有把聲同自己講，呢科拎唔哂已成定局，之後啲科唔可以都衰埋。過左去就真係過左去，後面啲electives唔可以再衰，chem一定要雙星（雖然雙星都唔代表入到pharm
最後3科electives總共拎到4粒星，連埋maths叫做啱啱好best 5 30分，但就算係咁，其實都明顯讀唔到pharmacy架啦。現實就係咁，錯左就係錯左，唔係樣樣野都補救到。
最後入唔到藥劑，輾轉間走左去讀hku 測量，之後先至知min 29，多謝自己當初無放棄，如果唔係連呢科都入唔到。不過命運嘅野話唔埋，到我畢業果時，藥劑好多人搵唔到工，反而測量算係幾好景。
就算入到U grad埋考埋牌，我有時夜晚發夢都會夢見當日交卷喊果下。呢下係life changing，但生命仲有好多野。今年三十，考到個AP牌，開左自己公司，叫做都搵到啲錢。其實路真係唔只一條，希望你sad埋今晚，之後收拾心情，越戰越勇💪
認真咁講，其實唔洗咁驚，一科啫，其他科可以拉返高，除非你本身aim at要好高分既科，唔係既話一科失手問題不大
而且如果你本身真係有料既，其實可以retake一年再考過，唔洗將果一年睇得咁重，其實唔少人係咁，而且人生咁長，假設80歲命，其實都只係用80分之1既時間去換一個更好既起跑點
但如果你因為一科失手，就影響到你其他科既表現，咁你就真係心理方面唔太勁既人，咁可能你要考慮既，唔係點樣考好d，而係點樣強大自己個心態先，因為其實就算dse衰左，將來都有機會可以成功，但係如果係好容易一蹶不振既人，咁將來都幾難成功
心理問題，自己考嗰年一定係歷屆最難，因為入邊嘅新問法你冇接觸過。你哋諗真啲以前高分，係因為學校考試、坊間mock又或者功課唔多唔少都有間接了解過past paper 題目嘅伏位，所以你做落梗係得心應手。
呢份卷作為一個局外人，我覺得係近年比較淺，類似2020 / 2024 年嘅難度。
唔緊要啦
當年我考校內/其他野通常都5** range
然後考果陣竟然錯左一條開頭既簡單long Q，考完返屋企都知無左一粒星，喊左全晚，覺得好對唔住我中學個數學老師同自己既期望
然之後到今日，其實我都唔係好記得條數考咩內容，發現其實唔係咁重要。
我記得我當時都係喊住咁好好溫下一科，最緊要唔好因為一科而放棄成件事
same🫂🫂頭先溫geog嗰陣都喊咗陣😂
唔甘心自己會咁嘅結果 唔敢對答案 已知自己A2炒炒地
學校pre我5 但study leave曾經做過有年pp試過5* 頓時充滿希望覺得可以試下衝星
而家好啦 5都唔知有冇 好驚會4咗🙏🏻（甚至最壞打算係3）
不過唔緊要 都過咗去了 就放低努力溫其他科啦！就當係報仇 加油
老實講句，我個人睇好多勁人嘅都卡住左（覺得今次份卷要靈活運用知識），paper 1 大跌，更何況有好多aim 3-4 更加唔識然後跌，其實cut off 係大機會低過73%。唔洗企人哋嘅上帝視角，佢哋真係好了解課題所以ok，但更多人係唔ok，反而拉低Overall cut off ，諗住自己有5先，Move on!!!
我諗冇野絕望得過為自己嘅on9而絕望，我考listening前一晚溫哂書、準備好晒，諗住今次冇5都要有個4，結果第二日我10點幾先起身，絕撚哂望，趕到學校所有要聽既都完晒，全份part a靠撞，part b又miss咗好多，屌今次真係玩完，我驚自己overall連level 2都冇
作為過來人，建議你考完就拋諸腦後，集中火力對付黎緊既科目，唔好俾已成定局既野影響自己💪🏽
再講，如果題目真係好陰濕，有機會好多人都攬炒，所以都係嗰句，唔好俾已成定局既野影響自己💪🏽
過來人的建議：
忘記背後，努力面前，向著標竿直跑
考完嘅科已經完左，無論你點胡思亂想都唔會影響到結果
將目光放在其他仲有可能拉高的科目
我知道忘記很難，加油👏
祝一切順利，樓主直入A1
😭我今日做都好絕望 做完paper1真係好想喊 平時操咁多卷 自己亦都鐘意數學 以為自己點都穩5*啦 但係考完真係好崩潰 呢份卷真係唔係特別難 但係就係陰 就係玩緊我心態(╥_╥)
雖然好明白你失望嘅心情 但係放棄其他科都唔明智 得益嘅只係其他考生 一係頂硬上努力埋落去 一係下年繼續努力 自己洗個面諗清楚 你嘅人生係你嘅
我都係 你話出得好難我唔識咁唔緊要 我認。但係錯埋晒啲自己識嘅野🙏🏻🙏🏻我都本身aim 4。而家得high4 我一邊做一邊喊🙏🏻🙏🏻🙏🏻
唉 本身aim 4 做完都覺得還好 點知對完答案之後發現勁多careless mistake 好灰 原本想瞓陣覺唞吓 結果成個腦都係諗緊會唔會跌落2 超唔開心
same😭 cls勁多careless 仲要係已經check咗一次 當時眼盲到咩地步 明明都係識做嘅 平時考試高分 就dse攞硬4甚至3 讀嚟為咩 😇🫠
唉當年我考完數學都係崩潰。paper1識曬但係最後一題抄唔切上答題薄，paper2得30條識。嗰日夜晚翻屋企真系好撚崩潰
冇事！就算而家再諗幾多都改變唔到之前嘅嘢 不如忘記佢溫未來要考嘅科
加油加油🫵🏻你一定得
唔使咁灰住 我當年都LQ腦抽筋 最後一題part a perfect square計錯左 最後成條可能得1/2分 最後都5到
我都想有啲希望… 但係睇A12已經扣左10幾分就知無希望😭
Part b 做到cii已經無做 仲要計錯左 前面都有錯
真係好唸sad 數學最差最careless係係dse
真係好唔開心 搞到想retake⋯
平時操卷都5/* 今次就lv4😅
當係一個機會鍛鍊下自己個強大心臟🫀 點樣係情緒低落既環境下繼續努力👍🏾
sameee 我做完先發現用咗右邊cumulative frequency 個表上面個啲數計mean🫥😭
忘記過去 準備下一科 到時你數學拎5 但反而後面d科低分 你仲後悔
考完就係既定事實 再諗都無意思 Keep Calm and Carry On 💪🏻💪🏻
就算幾失落
都要溫其餘嘅科
努力攞餘下科目嘅每一分
加油
same aim 5-5* but now lv4
但後面個幾科一齊加油啦
唔好放棄住🫠
加油 結果總會比你想像的好 focus on嚟緊要考嘅科啦💪💪
same ，計過都係得74%🤡已經0想溫書，仲要過幾日考chem
真係😭 好需要搞chem但係無乜心情🥲
一齊加油啦捱埋佢
唔緊要 我平時都係aim5* 今次mc33/45希望cut off低啲啦
無記錯個range好似係-1000.xxx<k<999.xxx咁樣
所以max value 係999