📌 真心不明，如何留港消
共 59 條紀錄
真心不明，如何留港消費會被俾人標籤為交智商稅，我咁問，因為好多時撐北上消費者好講到留港消費各方面好像差到不堪入目。
我會反問，香港如何做才不會被標籤為交智商稅，是否需要有如內地般，中價食店可以做到有近乎一對一的招呼？燒肉火鍋鋪需要有專人代燒服務，入座前有極大量的附加服務、需要有極大面積而好包羅萬有類型的商場。是否香港做到便可除去留港消費=交智商稅之名？
老實講，香港有啲大型商場真係冇得同中國大陸比。就算空間大，設計都係完全冇乜特色可言，又少綠化空間，設計都係簡單為主唔會花心思。
講餐廳服務都係一樣，大陸真係比較講儀式感，體驗亦都真係好好多。有啲嘢本身香港係弱點，但係有班人（管理層）又唔肯改變下，結果咪冇進步。
簡單啲講，其實係人哋進步緊（包括其他亞洲地方）
香港仍然都係自我感覺良好，食老本唔太肯改革
唔係話冇差嘅服務，我覺得係有啲人將香港食肆嘅差無限放大，坦白講，你可能話我要求低，服務真係令我不可接受嘅餐廳真係好少，我夠聽過有人吐嘈酒樓嘅不愉快體驗，聽啲罪名以為係香港，點知佢話係深圳，唔通我又無限放大話深圳服務差咩
亦有個別網絡輿論場以踩港為榮, 嚮Threads/Fb 演算法下形成迴音谷, 尤以外移港人圈子為甚。
呢樣我好有懷疑
唔通大陸冇人有資格用蔡司鏡？
香港樓上鋪買假眼鏡框，我就親身用中過招
無人話大陸無人有資格用蔡司鏡
只係最大嘅可能性，有班香港人以為上到去，就可以用$1嘅價錢，買到一件值$10嘅貨物
呢班人自然最容易成為被騙嘅對象
香港的確有d 位可以改進
例如明明無人都要你搭臺（純粹係唔想執枱）、外面無人排隊都限時、或者限時長度唔合理個d（酒樓食飯60 分鐘個類）
但唔認同係智商稅
智商稅只係踩到盡但唔將問題點得清楚之舉，但第二段正正就係好多舖頭趕客嘅原因
香港食飯問題係壓力真係好大，由排隊開始去到食完我完全唔覺得係享受，係似打怪😂
你話以前生意好我可以理解，問題生意已經唔好仲唔改善，人地都幫你唔到
交唔交智商稅就留港人士自己決定，首先政府應該增收遞增式陸路離境稅。
香港無論做咩生意都會比人屌
加上有堆害群之馬玩死個市
香港商場近20設計就是 如何用盡所有地方搵錢，從前有既 噴水池 ，休息既坐位都清走 ，設計有幾簡單得幾簡單，就係要放滿鋪頭收租，而且所有商場鋪頭都9成一樣，行一個商場= 行香港8/9 成商場，咁我行完一個就得啦...
最慘係你有野要搵果d 大鋪一定無，細商戶交唔起貴租，慢慢街鋪都變網上，我就迫住上網買野（ 我中意睇過實物先買既）
但近一兩年，有些商場有所進步，好像希慎廣場，他們可以夠膽將五樓中庭中空，做一個半戶外的滑板場
一間餐廳 好食行先 唔好食 咪強調服務囉 我每次返香港食飯 都食得好 服務好好。 有錢既走左 經濟又差 洗唔起錢/唔願洗錢 咁岩大陸平 人人都上去 順勢屌香港囉 。 真心唔希望個啲攬炒唔合理減價來香港 價減左 冇得返轉頭 為左慳成本 真係唔知會食左啲咩落肚
其實係香港文化出左問題，乜都智商稅，贏左99%，點解係要我贏你輸，呢個case樓主開心響用左就已經是開心。世界好大，百貨應百客。
香港食肆個思維係每日追幾多生意
就要定每個鐘要做幾多台客
於是迫d客一個鐘食完入新客
服務好，環境好d客會想坐耐
咁咪同自己盤生意作對
佢地從來唔會想辦法去吸引d客洗多d錢
因為咁做太煩
好啦！到d客頂唔順你d態度
少左客番唔到台
就cut成本 預製菜化學檸茶乜都出齊
咁d客就更加唔做水魚
講到尾食肆唔改下個心態
只求番台減成本
而唔去想想點叫d客洗多d錢就死路一條
去過深圳一間米芝蓮推介嘅餐廳，竟然係允許客人喺室內餐食煙，員工當睇唔到，結果有一半時間食緊二手煙，大陸好多習慣仲係好唔文明，我又唔覺得餐飲服務比香港好幾多，食過一間頂樓旋轉餐廳自助餐，冇人收碟自己每次完要將啲碟擺出去😂 喺香港，你一食完嘢隻碟5秒之內就已經有人過嚟幫你收。出到去食物枱啲嘢食俾人夾到亂晒飛埋出張枱，爭先恐後，食相好差，好似前世未食過嘢咁。有一次仲有幸見識到喺大陸五星級酒店嘅餐廳有兩台客喺度鬧交，勁大聲講晒粗口想郁手，冇員工阻止…好得人驚。
來回坐車都舊幾水…時間都係返度，冇咩事我落樓下食下野算，想玩就坐飛機去旅行
留港消費就後話啦，講真，我放假唔係香港都一樣要消費，日日係度生活，乜都係香港買。但放假就係想行開下，去唔同嘅地方行下，香港又細又逼，我都唔知可以去邊度。唔好成日覺得返大陸就係貪平，其實唔係真係好平，但至少體驗係舒服啲，我唔想打個邊爐你限我時90分鐘，食個飯5:30就開始排隊，最少排90分鐘，放假比人抖抖得唔得？
把口喺人哋度無得阻止
車用燃料貴 飲食 睇戲 睇醫生 ...
有一個唔低嘅份額係
承擔緊地價呢個間接稅
祗係傳媒都撥火
離境消費點樣點樣
岩！你講中左，不過要做番好，最重要係要有香港特色同人情味
香港消費係貴小小，但所入口有品質監控，加上你有很多地方消費也不貴，只不過你地有無做資料搜集，就咁walk in行入去就係交智商稅
點會 返大陸先會俾人話係智商稅 又話食元素周期表又剩
想做到大陸咁 就要連人工鋪租 政府收既稅 所有支出都要同大陸一樣
先有機會做倒
好簡單
1. 我唔需要食超過 300per head都只係期望佢味道正常
2. 無服務唔緊要 收你老母加一
3. 唔好我食幾百蚊野限我坐90分鐘
做到呢啲會久唔久係香港消費 無嘅話 我日日都兩送飯 有咩留返大陸先講
2月新年後近10年第一次返去玩 到依家已經落訂租左間屋準備每個weekend都返去 缺點優點都有啦 但係係舒服 開心 好食
宜家subject係要整死香港原有既野，等中國野全面入侵香港呀，親
北上廣嘅零售服務業有公司潛規則係唔請本地人，就係貪外地人好操控，仆街還仆街但真係有效，從消費者角度嚟睇，大陸嘅服務業服務質素的而且確無得輸，咁依家以往北上然後對香港左屌右屌堆師奶咪可以開始理解吓點解大陸可以做到咁好服務
對我呢個澳門人嚟講，留澳消費先係智商稅
香港消費反而有少少性價比可言
主要服務業質素太差，貼錢買難受，就算唔返大陸消費，都真的不想在香港消費，儲返啲錢去旅行好過🙂↔️🙂↔️
加一服務費已經係智商稅啦，如果個服務費係俾番啲伙記慨我好願意俾，但事實就係啲仆街老細巧立名目向顧客再收，呃完個客再去屈伙記
如果俾多幾倍價錢食喺大陸運落嚟既預製點心/餸菜。。服務員態度又閪。。咁係咪交智商稅⁉️🤔
食客角度：嗰啲咩一對一、代燒附加服務統統唔使。只要畀我慢慢食，唔好未係客時歡迎光臨，係客時60分鐘90分鐘急住趕我出門就ok了。
大陸餐廳我可以一邊食佢既野，唔想飲佢d野可以叫廢水飲。
大陸d商場成日換唔同既食肆保持新鮮感，由其係d小食店。
香港就不停咁打壓d小店。周圍d大商場都係copy&paste 同埋買衫褲網上買折扣更多，我使乜去行商場。果d乜野 百份百，敏記真係你食埋佢。台蔡賣成舊水一碗魯肉飯，你覺得值咪去食。我認為比幾多錢咪食到d咩，座銀一舊水一碗麵係值，銘興一碗刀削麵都係60蚊係值，一碗3餸車仔麵50蚊係值，一串燒賣成15-20蚊就唔值。
啲人成日屌態度差，其實個問題係服務緊你個個人就係香港人😂
我諗好簡單，態度唔好西，啲野食份量要合理，唔好下下45分鐘就問人食完未趕人走
唔緊要 我夠覺得北上消費d人先on9
你明自己原則同要咩就得
香港敗在租金過高, 如果不用租鋪位, 做online shop其實有得爭🤔
？？我覺得任何消費得返嚟嘅服務體驗，只要你真心快樂同享受，就冇人可以話你交智商稅
自己鐘意就得，唔使理人。可能我有啲反骨性格，越多人做越多人鍾意嘅事，我就反而唔做
Sorry 我幾廿歲食一餐少一餐，唔想邊食邊驚，上面越平越好食越驚，寧願留港比智商稅。