真心好耐冇試過咁躁底，係尖沙咀坐81c返屋企，嗰一家四口不停大聲講嘢，個仔不停喺度唔知做乜鳩叫，諗住巴士多人費事大聲diu佢，眼神啤咗佢提醒佢我想休息，點知佢老母真係講緊個阿媽唔係收斂左，係重大聲咗全程係到講嘢。
包括佢要返教會啦，討論今日新聞出事既係沙田牛大人定山見啦，之後唔知係咪講佢個工人姐姐，叫佢聽日放假繼續瞓街啦，佢哋最鍾意瞓街架？(把口真係衰到爆)，仲有佢個女一上車就除鞋踩上凳，仲要無啦啦莫名其妙搽白花油。
呢啲全部都唔係我想知，真係唔使咁大聲喺度討論㗎！
唔好意思，離題.
亦都證明咗返教會嘅人，內心可以好濺.
本身唔係好舒服，想坐車休息吓，見佢兩個細路仲細，費事佢老竇老母出醜咋
我當時個頭已經好唔舒服，其實有一刻衝動係想拍片嘅，就係有少少衰心軟見有兩個細路喺度，所以先冇拍片
返教會，甚至侍奉，好多為左小朋友入學校多幾分，宗教都係一個互相圍爐取暖既地方，勿認真。
你當時唔出聲，淨係事後上網出post有咩用，下次再忍過囉
比人知道，我返教會，請了個工人，高人一等，其實只是表面風光！
我都覺得佢喺度show off ，但問題影響到人
當然會啦，有問題就要鬧㗎啦，有時好公平嘅，就算我唔鍾意某國人，但係佢哋冇問題我又唔會無端端鬧佢哋，我只對事不對人。
我工作上都會接觸到內地人，有啲都好禮貌同虛心去學嘅，亦都有人喺IG問我想融入香港，我同佢講唔好介意我所講嘅嘢就係，要融入真係要學廣東話，唔可以話人哋唔識普通話係人哋唔啱，大家互相磨合講得唔好至少你有做過，起碼俾人知道你尊重佢嘅同時佢都會尊重你。
所以我學緊粵語，其實我都唔算係學。因為我本身都好中意廣東話。聽就一啲問題都冇，但係因為冇語言環境，所以講就唔得，發音會唔準。正一識聽唔識講。😂
我試過夜晚青衣搭巴士去觀塘，二個後生女一坐底鷄啄5斷咁吹水⋯⋯頂5順話佢「呀姐，你地鷄啄5斷咁傾計就坐後面（係冇人），冇人想知你d嘢…..」
之後自己調位坐