睇《再見UFO》會識得笑同喊ge，應該都係上咗年紀的香港人嚟...
就算無經歷嗰個年代，單睇阿Sa嘅內心理想與現實掙扎，都會感動，不分年代
我係睇台灣優先場，係感動的。
但想講ge係好多笑位台灣人未必明。例如其中一幕係演員歐錦棠睇「今日睇深啲」話「做主持好難」。而現實上歐錦棠就係當年「今日睇真D」的主持之一。
呢啲位我知道，當年大姐明同棠哥主持，我有睇，斬件式每日播幾分鐘片段，仍然印象深刻，而《今日睇真D》都係我時代嘅節目嚟。
但我覺得啲「回憶位」只係助力。
UFO嘅最大共鳴位，係三位主角嘅經歷，特別係林可兒嗰段：喺華人社會，好多人都係兒時有夢想，但成長嘅步伐慢慢削弱呢個夢，後來更加被社會嘅現實擊敗，承認自己只係好普通嘅其中一個地球人。感覺上呢段唔需要太有時代背景，都可以有共鳴。
陳子健嗰part嘅大時代背景，包括hidden訊息，可能真係經濟過大風浪嘅人先會有代入感。「陳子健」呢個名就更加係，香港人先會get到。
至於何家謙嗰段親情，我就真係唔sure，聽講現在啲年輕人已經唔講感情，我唔清楚。但感覺上台灣人人情味濃啲，會理解到。