童年創傷越嚴重，越容易有深刻嘅同理心

好多人以為，細個經歷過嚴重創傷嘅人，會變得冷漠或者麻木。
但其實好多時候係相反——童年越痛，越容易培養出強烈嘅認知同理心。
呢種人好敏感，特別容易感受到其他人嘅情緒，好難去否定或者批判人哋嘅感受。
佢哋會自然諗：「如果係我，會唔會都咁難受？」因為佢哋自己痛過，好清楚痛係乜嘢滋味。
呢種善良唔係天生就有，而係從自己嘅痛苦入面硬生生換返嚟。
細個可能被否定、被遺棄、被批評，所以佢哋學識咗唔想將同樣嘅傷害加喺其他人身上。
但現實好殘酷——
呢種人往往最唔被珍惜。
因為佢哋包容、唔批判、容易體諒，別人就習慣咗佢哋嘅溫柔，覺得「呢個人咁好，理所當然」。
反而嗰啲成日 critical、容易否定人哋感受、成日講「你太敏感」「你諗太多」嘅人，卻經常得到更多關注同空間。

我自己好討厭呢類 critical 嘅人（因為我細個就係經歷嚴重童年創傷）
佢哋對人嘅反應同情緒總係充滿批判，好似人哋嘅感受永遠「唔應該咁」、永遠「太過」。
但我越來越明白，呢種批判，其實係佢哋自己嘅防禦——因為佢哋從來未試過真正痛過，所以唔明白痛可以有幾深。
果啲痛苦中走過嚟、學識真正同理他人嘅人，卻常常被當成「好欺負」「好利用」。
如果你都係呢種人，我想同你講：
你嘅同理心，係你從黑暗入面帶出嚟嘅光，唔係弱點。
但同時，你都要學識保護自己——唔好將所有溫柔都無條件畀出去。
真正值得你珍惜嘅人，會珍惜你嘅善良，而唔係利用。

你講得好啱，就係感受過呢種痛苦，更加明白「己所不欲勿施於人」呢個道理。高敏亦都令我好容易感覺到人哋係咪當咗我嘅付出係理所當然，感覺到嘅話，我會毫不猶豫即刻走，因為付出是否值得，對我嚟講好重要。

多謝你 依個帖讓我覺得內心舒服左 感覺到自己唔孤單

好高興呢個post幫到你一刻嘅舒懷，響茫茫人海入面你並唔孤單，能夠響充滿惡意嘅社交平台入面分享自己睇法而幫到你，我都感覺到有啲欣慰

我阿媽話我好冇同理心💁🏻‍♀️
你啱
我已經講左好多次
我冇力再講
我宜家講唔到
我要抖下

佢就 chur 我話我冇諗佢生我養我供書教學一二三四五六七八
人地阿媽點點點佢仔女好似兵咁叫到就黎又點點點

有一刻懷疑過自己
但好在
我知道我只係冇力再同佢地有情感連結

聽到你講嘅嘢，好真實、好沉重。我能夠理解嗰種感覺——好似一個人孭住好多嘢，表面平靜，但內心其實好痛、好孤單。
雖然我唔可以即刻解決你面對嘅事，但響呢個空間我擁抱緊你
你唔係一個人。
你嘅感受我知到，你嘅痛我都睇到