第一次擺市集，我就喺攤位爆喊😭

市集第一日，我由朝坐到晚，雖然好多人行過都會停低望兩眼，讚句好靚呀，但轉頭就走咗去。全日得個忙字，一樣產品都賣唔出，我真係崩潰咗，心入面係咁鑽牛角尖，係咪我啲嘢其實唔夠好，係咪 Wax Melt 太冷門，根本冇人明？

點知喺收攤前半個鐘，有一位好溫柔嘅姐姐行埋嚟。佢話自己一向用開天然產品，喺我度逐個味慢慢試聞，最後竟然掃走咗一整套產品。臨走前佢仲眼神好堅定咁同我講：「支持香港人！千祈唔好放棄啊！」

聽到呢句，嗰種溫暖真係一秒撫慰咗我成日嘅不安，我啲眼淚真係直接噴出嚟。原來我努力做嘅嘢，真係會有人睇到。

多謝大家嘅建議！呢兩日我哋喺愉景灣，整咗新嘅擺設同埋產品嘅宣傳圖！

我之前都擺咗幾年市集，呢到俾少少意見你，唔好介意

係VM 上面你可以做以下嘅嘢
第一樣少少嘅方式一定係要有一層一層嗰層樓梯咁樣，要留意返人嘅視線，商品距離太遠，無拎上手想了解嘅感覺。

第二樣係燈光，除非你係D2 Place 有射燈可以自己安裝。如果唔係一般其他場合都應該要自己帶燈光，燈光要由上至下打落去，射燈仲要揀燈光向外散射角度，大角度打散光，highlight成個 booth，窄角度打燈落product。

第三，俾少少心機整一張超大嘅海報，例如A1 / A2 ,企喺度，好似賣珍珠奶茶海報咁咁，有幾件hero product + logo + tagline ，人地行過一秒就知係咩，呢加Ai 同Canva 好易整

第4，展示嘅數量要多，好似係貨架拎野咁，先會引起購物慾

第5 店長唔好坐係入面撳電話，長時間企起身或者行出去，主動介紹，但係唔好一黎就話就自己手做，又或者香港製造，呢兩句對於賣家黎講係無價值。

分享少少自己嘅經驗!!
➰産品放嘅位置有啲令人唔知由邊睇起好 (建議可以根據功效或者係氣味去排列 加返多少少指示牌仔引導返視線✨)
➰如果展示架顏色本身都係白色 可能換過一張對比顏色嘅枱布會突出啲産品
➰我覺得套裝嘅設計幾好!! 可能諗多兩三個唔同set可以俾人買少少去試 又或者送俾朋友都得⭐️

加油喔 每次擺完巿集覆盤一下 到底客人問你邊樣產品多啲 又或者下次可以問吓其他人意見 每次改少少點都會有效果🩵🩵
https://www.instagram.com/reel/DWsq-LuAMCb/?igsh=MTc0ZTR6OTBjeGRodg==

先喺網上做宣傳拍Reel， Facebook instagram 小紅書，唔好只係硬照，最好拍短片，先讓目標客群對產品有印象，然後再擺攤畀顧客親身接觸，讓顧客嚟搵你總比企攤檔等有用。
記住今時今日做自家品牌，一定要主動 主動 主動，善用網媒出擊，諗多啲點子，去吸引顧客get interest，唔好守株待兔。
尤其是係你啲產品咁冷門，絕對唔會第一眼就吸引人過嚟買， 一定係顧客有基本認知，然後過嚟搵你

可能好多檔主同你一樣。覺得擺檔係要開單。當然開到單係好理想既事。但係你唔係擺檔賣花生。唔係個個人知你賣咩。今日既社會經濟狀況。就算你賣花生都未必係有人買。因為花生唔係必須。你不如藉呢個接觸客人既機會推廣你買既係咩。有咩好處。或者做d 小樣送比d 有潛力客人去試下。聽客人既意見。改變市場策略性。呢d先係你擺檔要做既

我會同每個行過黎嘅人打招呼，從中睇得出佢想唔想人理。想嘅我會開始同佢講野，show interest in them as a person. 即使最尾佢冇買野都ok ga, 有時佢地會番轉頭或者唔買都帶朋友黎。 see it as an opportunity to connect rather than focusing on the sales itself
同埋我會企嫁，more welcoming。加油！當去學野，你會慢慢變好

ps* 我係i人。喺英國擺左幾年popup，次次都有錢賺

多謝你咁有心，分享咗咁好嘅建議同正能量俾我！💪🏻

我明你感受，我之前擺市集，我partner一直開單，我都未，然後臨完前，有個女仔過嚟買野，佢話，做手作仔既野要好用心，佢都通常行市集物色，叫我繼續加油。 仲有個小男孩遇上我當時第一次DIY比佢哋，佢想為媽咪做條手鏈，見我$58/1條可以即場定製一條，就揾我做左條紫色手鏈。睇到可以幫到佢，有份禮物送比媽咪，我都好開心😁🌷

我遇得太多讚到你天上有，地下無，年輕人加油，啲嘢好靚乜乜乜，唔課金就基本架本野(唔講了)，講完一堆tup係連ig follow都話喔~再睇睇啦bye~，擺咗十幾二十次，乜都慣了🤣只要帶著無業績係正常嘅心態去擺，有成交係bonus，機械式介紹，唔投入感情去推自己野(feel到有機會傾成先投放心機去介紹)，個人就會開心好多🫶🏻(起碼我係)

係咪真係全天然，如果係就明顯啲寫到好易睇，就咁手工wax melt我個人覺得賣點唔夠。
因為呢類香薰蠟燭，講究到喜歡手工嘢嘅人，唔止要求手工，個香味點嚟，係咪全天然，會更注重。
跟住再講到點解要用天然而唔用化學香精，就大把嘢同客講，仲可以教埋客。
不過如果賣點只係手工，就都有啲窄～

係市集到，你得幾秒時間俾行過嘅人知你賣緊啲咩同要吸引到佢，仲要一嘢就俾人知道價錢，因為香港人係唔會走過嚟問你價錢，但係同時又驚太貴

所以不如有個大大嘅牌，俾人知係咩嚟，話俾人知有咩用/點用（尤其你講到本身你件貨係冷門嘢），同埋寫低個價錢係幾多，加油呀

真心，我睇擺位同簡介睇唔到有咩吸引點同埋要用錢買既位。我唔係話你d野唔值，而係點令到人行過睇完覺得值得花錢，因為哩d唔係必須品，經濟又唔係好，人心態，買杯咖啡可坐低chill下，短暫遠離煩惱，所以貴少少都願。咁你既產品又行緊咩路線？

喺香港用開eo擴香
但發現點蠟燭嘅人唔多，wax melts更加冇聽過
都係過咗嚟英國先認知呢樣產品，同知道佢係廣受歡迎
所以如果本身香港人唔認識呢樣產品 靠行市集路過幾分鐘，真係未必會入手

可能揀market對象係外國人會好啲

多啲聽客人評語，然後慢慢調校，生意就嚟。客人需要/問題，您去提供和解決。加油！
B to B: 可以賣俾做塔羅牌/心靈治療師/香薰治療師/美容院/按摩師。
B to C: 注重心靈健康/喜歡透過香薰治療的人。

第一次擺市集唔好淨係將生意額成為自己成唔成功嘅唯一指標
吸收到嘅經驗更加有價值

失望可以
有情緒都可以
但係都係時候學下面對唔順心嘅事點處理

估計你應該仲好後生
祝你搵到自己嘅方向

擺市集真係要清晰 + 有價錢 + 大隻少少嘅字。

好多人都唔想一行近望下個店主就出聲，又或者怕問完價又唔想買會尷尬。

有齊清晰簡介 + 價錢，應該會直接draw到睇岩嘅人自己搵你🫶🏽

本身用好多香薰產品，不過真係對wax melts 零認識，或者拍下短片或 reels 介紹下可能有幫助。而家嘅人無耐性睇太多文字，除非本身已經對嗰樣嘢有認識想再深入了解至睇長文。

你諗吓 香港有幾多人屋企有/用開融蠟燈……仲要咁貴，如果sell天然高質高價，有錢人又唔會買攤位三無產品，係都大牌子舖頭買啦
呢啲又唔係必需品，諗吓點令人地停低+想用

試試去比華利山叩門

就咁睇你3張相都唔知你賣乜
罐頭賣貓糧？啲圓碟賣種菌？
我用十幾秒黎望都咁諗
現實行過可能得3秒會點諗
有無諗唔係啲野冷門
係你無考慮過0認知既人行過可以了解到啲乜

其實下面都有人問
呢個係咩嚟

如果你意識到呢件事可能係冷門嘅
講多少少 介紹多少少

“點解人哋要買你呢個產品”
“點解唔買其他人 要買你”
呢兩條問題慢慢思考下

我好鍾意買蠟燭，唔點都買，香港又會買，外國又會買。as一個客，就咁睇你檔口張相，我應該唔會行埋去。擺設又好，包裝又好，都冇精緻/美觀嘅感覺……

Wax melts 係乜？ 你做乜將Off Lab放到咁大？佢係乜？

一眼望落去又係啲香味囉，天然嘢囉…. 對消費者嚟講有乜咁特別呢？ 我諗要做啲吸引人啲啲子大嘅牌

少少建議，可能好多人對wax melt都陌生，經過睇到又唔知乜嚟，又好難係咁示範，如果你影過d靚靚效果相可以曬幾張出嚟放入相架展示，俾客人睇吓效果

做市集賣慘
之前有幾件有版你睇
唔係俾人屌就俾人周到淘返黎
好心啦，做生意唔一定賺架大佬

望下你張相
賣乜？唔知
幾錢？唔知
你點說服人停低？

香港生意好難做，D人連豉油都夠胆去淘，就知咩料，無錢無品味無安全意識，做小眾生意是困難。看完我都吾知你賣咩同價錢，靚但是吾清晰，要改善

最初是被清而不濁的香氣所吸引，看到精緻嘅外表就買咗。用後就知是自己茶杯，加埋盞溶蠟燈領空間增添咗不少氛圍感。加油，努力是不會白費的。

多謝你鍾意！你整嘅袋都好靚！

睇得出你啲香薰蠟燭磚真係好用心做。加油，順着走，在對的時間就會遇到懂得欣賞她們的人。

D comments 都有insights , 每次擺booth 要多d同停低的人傾偈 買或唔買 的 儘可能了解他們的想法 呢d feedback 係最真實, 可以adjust 你個brand strategy

我都試過呀 坐一日 你去介紹產品啲人仲好嫌棄聽都唔想聽咁一件都買唔到出去🥲🥲🥲 不過我最後有個婆婆居然幫襯嗰一刻覺得好感動

第一次係攞經驗，然後不斷進化，如果認為人地唔買就等同“質疑你”“否認你”“個天點解咁對我？”既受害者心態，好難有進步。

我諗街檔問題都係，我要每個檔位都問下價，如果唔係有心買又好似白撞咁，倒不如你寫明三幾十蚊一個試用裝，啱用再黎幫襯。

租市集檔仔只可以當畀錢買個位坐全日消磨時間、搬貨搬出搬入當免費健身，想賺少少錢真係諗多咗，今時今日得收租先係賺

無標價錢 真係連行都唔會想行過去 最驚香港d市集一行埋去 無價錢就博你問 就開始狂sell 越sell越想走 (利申有用開蠟燭)

做生意一定有大起大落 要夠厚面皮去r水吹 有d rapport sell會有效d 通過累積經驗會進步 相信自己 加油🫶🏼

第一次擺攤都係會咁😂😂😂慢慢黎, 不過你可以襯而家呢個post有流量，快啲補下啲產品宣傳圖個啲😂

其實你呢個產品idea好好，尤其是而家大家都比以前重視家居安全，出多啲廣告啊俾多啲人知道👍👍

咦！真係一個好好既selling point !! 家居安全😬👍🏻👍🏻

我睇相完全唔明你賣緊乜，然後你個品牌logo亦都唔知寫緊乜。就咁睇好似賣緊貓罐頭？同埋番梘。

Threads年代閒閒地一個post都幾十個cm俾到有用既生意經/customer feedback
想做小生意真係要上threads😂

做得好靚，但有啲似試食攤位。圖二顏色太似曲奇餅了，如果可以調整顏色會更吸引，加油 😊

冇睇出係咩黎，連價錢牌都冇個，我放大張圖都睇唔出賣緊咩賣幾錢，咁樣好難有人想幫襯

之前有個係Lanham place 擺檔賣布甸既都係咁啦，邊post邊改，最後都賣得哂d貨。宜家唔知佢點

你第一次擺有人買已經好好啦， 我擺過幾次，每次都係0收入架，未必一定有架，當拎經驗

路人+I人答
因為就咁望梧知賣乜又見唔到價錢牌
所以唔會走埋去睇

希望路人答案有幫助

係thread 唔好賣慘
128多士哥已經係示範
擺多啲detail出嚟
等多啲人認識
先可以長久做落去

賣慘都仲行得通..暫時衰左都係比人踢爆左啲野….佢現在過千like..應該過到第一關👍

暫時唔擺detail…食左第一浸賣慘先..然後先第二浸…detail反而風險高啲…因為賣慘無價..detail就有人人唔同價🫠

原來可以逆向咁玩
多謝師兄教路🙇🏾‍♂️

大佬你個回覆4百幾like.. 我跟你學野至真🙏

其實你行下市集好多都係望下先，產品吸引既仍然會有人買既，放鬆d, 調整心態交學費

全球經濟唔好，純粹靚，d 人唔買。買一樣野一定要有功效或者可以炒賣，先會考慮。

三秒內要行過嘅人知你賣乜、幾錢、有咩賣點。做到，啲嘢又吸引嘅，會多啲人停。

我曾經密集擺市集一年
生意都係拉上補下
只要肯努力，我相信會被看見💪🏻

不如你話俾我知我咩時候會用到呢件產品? 點用? 同埋點解我需要用呢件產品。