第二季終極一戰結束，多謝受邀同我哋切磋嘅友隊，標準流浪女子足球隊，所有入場同埋收睇直播嘅觀眾，支持螢花嘅各單位、製作部門，呢場比賽我相信喺球員同球迷心目中，絕對係一場精彩賽事。

比賽初段遇到暴雨，而今季我嘅球隊係未試過打雨戰嘅情況，加上我哋主要係做地面組織，去到中段球場開始積水，從而令我哋組織唔到上去，所以上半場有好多時都踢唔到啲身後波或者猜傳，變相令到後防受壓，導致失咗兩球。

有見及此，下半場我哋都改變咗踢法，比較直接啲踢去前場，加強左中場嘅攻力，希望可以入到波，最後亦都做到我哋嘅部署。

螢花第二季嘅成功，有好多單位都係功不可沒，首先我一定要多謝郭Sir畀機會我 @klkwok ，成為螢花主教練之後我都學習到好多，喺呢段時間郭Sir亦都一直喺後面幫我分析好多細節，令我思考到更多。其中一樣我感受最深係，教練唔只係教波咁簡單，同球員溝通都係一個學問，亦多得我有好好嘅教練團隊，領隊，好團結齊心去為螢花努力同付出，先會有咁好嘅效果。 @keymanma @lo8gan @vickypkchung @daniel.hosk

多謝監製、導演們，所有工作人員，佢哋真係好好，好照顧我哋，我哋需要嘅嘢佢即刻會安排到，加上大家上下一心，有講有笑，喺呢個咁嘅氣氛做嘢，真係可以講係無敵❤️

最後我要同每一位球員都講聲，多謝你哋。

今場比賽我知你哋壓力好大，甚至開波前好多球員緊張到眼濕濕，但成場比賽佢哋無一刻係放棄過嘅，我嘅球員係付出咗100% 去對打乙組上游嘅球隊，而且係入到波，係一件好難嘅事，而佢哋做到！

90分鐘嘅比賽，其中一樣希望嘅，係畀多啲球員落場去表現自己，所以教練團決定係無限換人，但時間依然係唔足夠，即使係咁，每一位球員無論正選後備都係揀咗搏盡無悔，爭取每一分每一秒嘅時間，落去盡佢哋嘅能力踢到最好。

最後要再次感謝球迷，喺短短嘅六個月內，呢一班非職業足球員，由大部分零基礎去到最後一場可以有萬幾人去睇佢哋比賽，我覺得非常之誇張！其實香港足球真係可以吸引到好多人去留意，點解我哋本地聯賽做唔到依樣嘢呢？我哋需要政府，商界，媒體，球迷，教練，球員，所有人都合力做一件事，我相信香港足球一定會有更好嘅一日，一齊加油！We are Hong Kong！
#4月18記得睇最後一集 @viutv.fcw

多謝Ky sir 教識我踢波同享受足球🤝🏻🤝🏻🤝🏻

欣賞 Wingki嘅投入⚽👍❤️

唔怪得最後 @laiwingsumm 忍得住唔偷波！均宜 Sir 教得好呀！

如果有中堅番得切，補時果球真係未必輸架。

2:2 之後全隊已經打雞血。希望入多球。
所有力已經放盡曬，根本跑唔返去防守！
不是Shiho問題！

好鍾意均宜Sir。佢講嘢唔大聲，亦唔惡，但每次一開口，我就覺得佢有一種好深沉嘅自信、好穩定、好專業。講野沉穩、深刻、好值得信賴，有種一針見血嘅感覺。

因為你所以先睇螢花，估唔到咁好睇，大家咁熱血，搞到我長期沙入眼

真係好多謝你同一眾教練團隊，由最初球員唔知點猜傳到今日可以小組推進面對乙二，唔係高Q大棍，大家都下左好多苦功。我而家先知係每星期咁多晨操，厲害!!!😘😘😘節目唔單止令球員更團結，更可能喚醒更多人對女足既關注，少少都好!

就到世界杯，之後再由螢花帶起香港女足熱潮

均宜sir，多謝你🙏

多謝均宜sir，同埋有份參與嘅每一位，俾我知道咩叫團隊精神，好熱血啊🥹🔥🔥

節目真係令好多人學識咗睇波，教練團嘅講解極之有幫助，同平常睇波嘅旁述係好唔同角度，
幾位教練都非常出色，恭喜製造到一場 textbook case, 俾其他人參考 有系統嘅培訓係咁重要同咁大效果！

辛苦晒，均宜sir 🙏🏼🙏🏼🙏🏼

多謝均宜sir教到螢花組織有板有眼，真係好多閃光時刻。

班女仔真係付出好多，令人感動，好多集都有洋蔥。

未必有好人踢波可以遇到踢香港隊既教練 螢花 吾同 應有盡有

Ky sir 應該全新體驗到教一班女孩子嘅新經驗（包括唔鬧得架），哈哈！！🤭

感謝你 🙏！

一個月前節目開始
我係無諗過螢花打到傳控
但你將呢件事由唔可能變為可能
期待下季你帶至尊在港超作賽嘅表現

等睇你下季教至尊踢港超

Thank you Lo Sir! You ar wonderful 💯

螢花真係可以成為足球場上嘅一個奇蹟！全靠幕前幕後所有參與過嘅任何一個人！小D恆心都真係冇今日嘅螢花！

多謝均宜sir咁用心去教螢花，有S2開始直到終極一戰，牽動咗好多香港人，亦都用你哋嘅熱血感動咗好多香港人

螢花們亦多得你這位好教練們，她們才茁壯成長。我集集都唔知點解睇到流眼淚㗎，你哋果份熱血~~

多謝盧Sir，希望你繼續教S3

需然聽講唔係係好觀眾friendly
但下次會去青衣東北公園睇香港女子足球聯賽

盧教練 會唔會建議世界盃期間5月、6月
搞多場螢花女子比賽 直播 畀觀眾留意下？🙏🏻
最好夜晚搞啦 夜晚踢波相對會醒神集中啲
今次落雨佢哋都有遺憾 唔過癮吧

我係一直有留意本地波嘅人，曾幾何時我都因為你同嘉煒，多咗好多入場睇本地波。一個球會，一個組織有冇心攪就算無成績都好，你係感受到的，至少佢會帶比你熱血同希望。至於點解本地足球依家係咁沉，你就要問吓足總了。

均宜掂呀！ 當然 要搓傳 對 初季新手 當然好難！
因為斷欖機會大！ 但睇返唔係做唔到， 我覺得現家已經開左個頭 同s1 有咁大差別！
就算有無S3 有無節目
螢花都係唔應該停！
無s3 都可以組隊玩7人 5人賽！ 提升同保持球員實力， 再係有限資源下 玩下11人 。 咁對其他有興趣但時間未必投入到咁多既隊員 有多個留隊一齊玩既理由！
當然如開到S3 係有資源 條件下！就緊係希望 現有班底大部份可以落去 、成就下一步計劃