📌 結婚五個月小氣簿｜說
共 47 條紀錄
結婚五個月小氣簿｜說好的賺錢買花戴…
我哋兩個人都有收入：
· 老公：玩trade + 自僱人士，收入時多時小
· 我：打工，50k
老公大我10年。結婚前我不停同佢宣揚「我係賺錢買花戴」嘅概念，務求佢唔好有AA心，不過，講還講實際會出下1/3左右
但婚後，之前應承嘅家用，俾咗兩個月就停咗。而家買餸、食飯、搭的士，基本上都係我出，同我本身預期好大落差
琴日睇中咗隻鞋買一送一，叫佢睇吓有冇一隻啱佢嘅一齊買，點知買完佢同我講：「多謝老婆🙈」上星期先請完佢食餐千蚊fine dine……好似距離「賺錢買花戴」越嚟越遠
我入左去個計較mode，同預期差太遠，將來點算？
#人妻 #呻下 #小氣簿
屋係佢屋企人地方得我地2住，變相慳咗租，但係我哋兩個名下都冇物業。
家務就大部份佢負責，我淨係煮飯。
婚前拍拖洗費大部份佢負擔，平時茶記間吾中會試貴餐廳，吾會叫wine paring寧願買支靚酒返屋企飲，叫做價值觀差唔多，有時我主動埋單送禮物
我既習慣係應洗則洗，慳得嚟又會洗錢enjoy life，睇中名牌隔左5年confirm自己仲係鐘意先買😂呢樣媽咪笑左我幾次，對比身邊朋友唔覺得自己大洗，Engagement ring培育鑽就得，寧願去多次旅行
訂婚後有過傾家庭財政，我講左個數出嚟話婚後夾family fund 比例6:4，佢話ok
不過，應承左吾做有前科
過大禮出過事，佢前一日臨時改禮金數，屋企人覺得佢唔尊重 搞左壇大野 差d結吾成
婚後嚟料
唔係計較mode，係你嘅認知有落差。因為你哋無具體細節傾過何為「賺錢買花戴」。應承咗唔做，已經唔啱。屋企嘅開支，老公畀可以，老婆畀都可以。 但最好一齊商量係各自負責唔同開支，定開一個家庭開支戶口，各自每個月入一筆固定嘅錢。屋企所有開支都喺入面扣。好似學生會會費咁啊….
如果結婚五個月唔解決呢個問題，呢個問題會反反覆覆纏繞住你一年、五年、十年。
現在市况大幅波動，你有冇認真了解過佢自己做trade嘅情況係如何先？輸咗好多？定係hold住好多蟹貨，咁大家兩公婆，應該互相支持，可能佢都好大壓力，你有關心他嗎？應該攞出嚟講。你返工有穩定收入，可以同佢共渡難關，有一日，個市好返，佢賺返多咗，賺多啲，同你分享多啲。所以現在有機會係他自己也控制不到，或者你可以了解吓先。
呢啲唔係計較
佢有可能喺度慢慢探緊你個底：喺你唔離開佢嘅前提下，佢可以攞到幾多着數+ the bare minimum for him to maintain this relationship
如果你嘅所謂離開只係返娘家冷戰幾日就俾佢氹得返，佢應該會對你好少少之後又回復原狀，慢慢地摸清佢要維持呢段關係最最最minimum嘅effort /將你磨到條底線越嚟越低（因為越拖得耐，離開呢段關係嘅成本越嚟越高）
千祈唔好生B, 如果你介意對方唔俾家用。講真，除咗呢樣嘢，其他方面彌唔彌補到？
不過，我覺得作為一個男生、一家之主嚟講，佢個反應都有啲厚臉皮（或者佢覺得自己仲係細路仔）
希望佢將來會改變啦！
（女生的包容能力通常都強，都會繼續俾機會，咁麻煩都留一條後路俾自己，如果經濟方面未去到自己的標準，唔好生小朋友住）
唔計有家底嗰啲二世祖或者半個二世祖
香港真做自僱工作、唔打工嘅男人得兩種
一種係好好好勤力，無時無刻都掛住工作，自僱係為咗比打工可以搵更多嘅錢
另一種係根本懶過鬼，唔想長時間返工、又唔受得氣，簡單啲講好食懶飛
你揀個老公係第二種人
你唔使養埋佢都好彩
仲妄想可以賺錢買花戴？？？
因為你已經同佢打開左AA之門，佢咪覺得老馮有你比錢！你洗濕個頭，之後問佢攞返錢，佢就覺得你計較孤寒。
一係就用魔法打敗魔法，先發制人，買乜都多謝老公先。同埋，唔好食Fine dine, 買貴嘢，搭的士，一齊入返慳錢mode, 你忍手唔好幫手比。但個問題係，你接唔接受到呢啲就住就住嘅生活先？
佢收入唔穩定，佢係用緊半間屋既居住權，嚟換你提供既穩定伙食同生活費，即是你幫佢對沖緊風險，咁佢就可以更加唔Stable 。
你覺得值就可以繼續，不過上得嚟講，都大多係覺得唔值。
咁你可以消費降級去到一個你覺得ok既位為止，同佢講冇錢就唔好食靚嘢買靚嘢住啦，睇佢咩反應。
五個月新婚已經老奉你買鞋同請佢fine dining? 佢生日咩？
停咗家用唔ok， 試吓平心靜氣溝通吓。
如果佢拒絕正面回應，咁好簡單，唔會煮佢飯、任何早餐，佢返黎放低個袋，打開佢個袋話無錢買餸，叫佢比錢你，無現金，即時FPS or Payme，無嘅話答佢，咁你自己食，我出去搵朋友。
自己有能力，財政獨立，做乜去負擔人哋個仔，仲要老你十年！
樓主有50K收入，應該唔係初出茅廬，當初揀呢個男人嘅初心係乜？應該唔係貪佢靚仔一時衝動攪大咗甩唔到身！
建議分手享受人生，佢再老啲病痛多，你仲要照顧佢，好攰
咁不設實際嘅想法呃住自己去結婚都有嘅🙄...穩定收入至係家嘅基本維持，而加係靠妳，佢仲可以安心生活，因為有妳頂住，角色一早就定位，除非妳好愛好愛好愛佢，否則下一步生小朋友生活洗費全自己食，仲勞氣，同單親無分別
老實講，如果呢啲咁嘅小錢佢都唔出，你都唔使旨意有好日子過。你與其介意嗰一千幾百，你不如儲定錢第日幫佢還債，全職炒股我見好多，10個有9個都係磨爛蓆要老竇老母老婆幫佢找數。保重
雖然我唔明點解大家都有搵錢，但男既要比家用？出街食飯男既比錢係風度，女既間中請下係體貼，家庭支出就大家都有份，應該大家都有份出，唔分彼此，你地咁樣長此落去會為錢日嘈夜嘈
你老公已經覺得老馮係你埋單
你扮又好，真心又好，問佢「你呢排係唔係好唔掂？ 」 「見你俾得兩個月家用就停左」
而家你哋係一個家庭，要知道對方嘅財務狀況好正常
對方收入越係唔穩定，
你就越要要求佢每個月俾一條數你做家用又好，儲起又好，
因為佢先有個底，知道投資trade唔可以太博命。
襯仲係新婚，快d坦白講自己既需求。
根本一開始嘅時候佢就已經有你搵到靠晒你嘅心態。你嘅情況最好有共同戶口，每個月叫佢擺相同份額嘅錢入去，目的只係逼佢搵錢。如果佢唔肯將來你嘅路好坎坷。
😂😂😂男人講嘢不嬲信唔過
冇固定收入嘅男人 講嘢更加信唔過
呢類男人 有小朋友
倚賴你嘅成數更加多
加上見你有搵錢能力
你又肯比 佢就會要求越嚟越多
最老土嗰句，愛係驚俾唔夠對方，
兩位都係愛自己多d，不過人之常情。
你同佢講，你打算辭職，睇佢嘅回應對妳有幾負責任，定係純粹搵個女人攤分開支阿～
之前聽bad girl有個類似case，森美提議整個pool，兩公婆每個月月頭入筆錢（eg每人萬五），之後果個月所有家庭支出都係個pool拎出嚟，咁就最均真啦！
咁你要提醒佢，5個月仲係好新婚，
唔好一年後先提醒佢
我呢個路過的人，十年冇收過家用，上一年先發覺唔對路，先醒覺要提，唔好咁豬呀！
如果租金唔使你比嘅話，咁已經好好啦
間唔中自己俾下買餸錢，我又覺得OK喎。
至於買鞋，有時我都會送俾老公。老公又會送電話俾我。
雖然我唔應同你喺婚姻上對財產既概念（人人有唔同is fine）
但無疑佢係好L醒無比你洗到腦之餘，仲諗住食番你夾棍。簡單講，中左伏。
你企硬追番家用。呢類男人好精。識個細十年易控制。結婚了慢慢顯型。
我建議你留私己錢不要告訴他。財政獨立，預備自己買樓啦！
其實你係仲衰過 AA，AA 都叫一人一半，用者自負；你依家係養埋成…
如果婚前有溝通清楚財務安排，你真係要認真同佢坐低傾一傾…
其實可以考慮離婚，住處男方家人提供，但你就免費保姆+出錢
佢只係正常清潔自己屋企好正常，嗰個又唔係你屋企
佢0成本拍拖結婚
其實兩個結咗婚合埋一個戶口兩張卡一齊用，咁就冇咁多嘢好嘈
結咗婚財政同埋將來嘅預算都係要align, 一日戶口分開一日都Align唔到
你點宣揚先
呢啲野應該結婚前傾好
如果你淨係諗住係咁講邊個邊個係咁呀果啲
作為男人係唔會覺得呢個係一個承諾
做得兩公婆
呢啲嘢一定要拎出嚟講
如果唔係情況只會愈嚟愈嚴重
可能佢呢排真係輸多咗
收入又唔穩定
關心下佢先
佢一個都係住屋企人層樓，佢得到左一個工人同免費伙食，佢屋企人得到左人地個女黎照顧自己個仔
你得到左愛情
係嘅，其實根本唔需要結婚，呢d拍下拖咪一樣，依家想走好麻煩
佢大你十年
佢大你十年
佢大你十年
但財務都咁
屋係佢屋企人嘅
嚴格黎講佢只係負責左做家務
真係需要擔憂下
佢真係幸福賓周
搵個嫩妻仲要倒轉食返佢軟飯🤣
想問下佢咩本事可以氹得掂你咁樣養佢？ 我都想學下🥹
有咁嘅諗法就盡早提出，唔好忍到自己頂唔順先講
我拍拖時期同居已經有家用了
愛你既男人唔會想你洗錢
佢自僱+trade 平均收入幾多先？
過十萵嘅話，咁樣做就有啲過分，如果得嗰幾萬蚊，不要學人賺錢買花戴
點解會停左家用先！佢撞車整親隻手停左玩trade就話姐，如果無原因建議分開，因為會同你期望愈來愈遠
睇中咗隻鞋買一送一， 係咪即係買左腳送右腳， 香港人好少講睇中左隻鞋， 通常都係睇中左對鞋
佢話佢「賺錢買花戴」既意思唔係就係你養佢，然後佢有錢就買下無聊嘢取悅自己咁解咩？🤔🤔
兩個都有收入點解要俾家用？
利申：一齊打工，每個月一齊拎一筆錢入戶口，洗費就喺入面扣
每個月幫你慳番屋租 但樓豬就做左免費…. 大你十年 本身出面就難搵女人 難得你肯中伏
你宣揚嘅嘢佢當日有冇應承你呢？ 我覺得佢無囉！但佢應承會比嘅家用係應該追嘅
Why make u feel he is able to make your life 賺錢買花戴？ 洗佢腦同佢有無能力做到係2樣野
家用多少可以協商，但家用就係家用，唔理邊個搵得錢多，唔好混淆。
利申：男
我另一種睇法、你哋無小朋友，家務佢做，屋又免費
點解仲要比家用你？😅