📌 老豆做裝修，過完年都
共 63 條紀錄
老豆做裝修，過完年都無工開
俾外勞搶哂野做，有無裝修巴打講下呢行發生咩事？
老實講，裝修太多害群之馬，爛尾，手工差，中途係咁額外收錢，行業搞死自己，經濟差，冇必要都唔裝修，住多幾年就幾年
政府起左個頭比請外勞
外勞/黑工400-600日
香港師父1400-1800日
D大老闆為左減成本
就有辦法將9成既伙記轉晒外勞/黑工
上有政策 下有對策
成本差咁多你係老闆你請邊個？
以前700呎裝修十零萬好好，現在幾十萬裝修都垃圾，黑裝修比率超五成，新樓原裝好過新裝啦，裝到鬼五馬六
你老豆係判頭定係專科？
本地師傅好多話呢樣唔做果樣唔做，叫泥水找平當耳邊風，一味說個客訂做傢俬鬼五馬六。
呢十至二十年裝修行業好大轉變，廿年前通常裝修屋企都係全包方式，即係十幾廿萬全屋基本要有嘅野都有，例如泥水，水電，油漆，傢俬等等，完工之後有乜唔收貨就包執，即係成份報價得10項8項item個啲。
之後就街邊興起8萬8-18萬8套餐，就算700尺都係呢啲套餐價，行內人就知跟本做唔到，因為魔鬼在細節，跟本好多基本野都唔包，水咗啲客入場先，要就再加錢，但係有啲客又覺得ok,因為覺得啲item寫得好仔 細，後加個啲係因為自己要求而加，其實最後係貴過啲一開始全屋報價嘅公司。
到宜家，以前大工$800/日加到$1500/日，成本一路上到啲客覺得貴，大約$1000-$1200/尺（全包），500尺要成60萬未包電器，啲客就由傢俬落手，大陸廠落黎度尺香港師父裝傢俬，不過呢幾年連香港師父都唔制，因為啲廠亂度尺（因為唔使佢裝）裝好啲客唔岩心水就永遠覺得師父唔識裝。
成個行業都係當客人係羔羊咁宰， 話d 客咩都唔識， 又咩都唔關佢事，唔幫做麻， 俾外勞搶來做了你老母裝修佬， 望見裝修仆街都唔會好似望見其他業下行咁痛心，反而仲開心
我唔係話講廣東話一地係好人，但判頭講 譚仔話，班師父講鄉下話，你都信既，先唔講係咪外勞，反正呢班客都係搵最平，咁遇到最閪既結果都好正常啊
而家裝修界就係咁，客人無錢，裝修工司唔夠價，為搵到盡，用黑工，用劣質料，一層閪一層，無限地獄
嗰啲咩裝修套餐
三至四人單位全屋裝修包傢俬150,000有交易
身為消費者都唔做多啲功課，一味貪平
最後瀨咗嘢又話裝修佬搵佢笨柒
D傢俬都去到110,000啦
得返40,000
泥水電油漆打飛機呀？
去到500,000嗰啲
閪閪地都應該有條靚扮設計師幫佢改下圖嘅
如果咁多年都係有心做，靠口碑fd搭fd一定有工開，完全冇工開可能係自己原因

本人開裝修公司，其實你都講左答案，好多人都係第一次置業，係唔識人既情況，都係俾價錢吸引左，但個類公司多數都係黑工，而家都係只接一D熟客單，好少生客
啲客要求平嘛
咁報平咗，本地人工又貴
自然搵黑工啦
咁質素係點就🙂
講到比貴啲搵返本地實一定好咁🤣🤭🤭實情係香港裝修比成百萬都可以裝到垃撚圾 爛尾中伏～
本身行內優劣參差 貴唔代表好
但事實上近年的確好多公司拉低個價用外勞/黑工
所以原則上你係無錯
同時都有一班有良心同有要求嘅公司/師傅做好緊自己嘅專業
俾晒中資公司做，請返無證大陸人做，我送外賣時起lift聽到
深圳設計公司請有工作身分證嘅外勞帶住冇身分證嘅大陸人黎香港做野😹 小紅書好撚多
裝修主要係買樓，開新鋪先會裝修…
都少人做呢兩樣嘢，咪唔夠工開囉！
黑工佔數唔多
早幾星期朋友介紹，1700尺寫字樓，天地牆再加幾個到頂大櫃，報左加埋一球有找都話貴，話七十得唔得，我當然話再平D都仲得，上fb揾啦
其實出面開緊$1800全高櫃價
真心覺得唔知點做
同行出面就係咁鬥平
搵埋d黑工幫手
搵裝修既客人又會搵十幾間報價
輕輕發個訊息就有價錢
價比價 根本連真心上門了解情況既都冇
然後被騙後就報東張
不斷循環
有良心幫你做好間屋既公司
根本連機會都冇
因為頭一round已經比你地話貴skip左
講真 出面裝修人工幾錢大家都知
一個師傅價都$1800-$2000一日
未加埋料錢 10日都$20000
重要基本一間屋 都唔止一個師傅
出面價咸到咁 一係就減料
一係就搵黑工 所以香港人又點會有工開呀🙂↔️
最好大到所有工程嘅外勞都落晒嚟香港，平衡返個市場，唔好俾啲香港老闆開天價賺到盡。
你老豆識做邊類型裝修？唐樓做唔做？
我問吓先，想搵多啲source…
利申：業主
我地。。。。年初八已經開工，到而家日日都冇停過，裝修呢行，貧者愈貧，富者愈富
幫下你老竇宣傳啦，showshow功力，然後攪反D噱頭，準時起貨，假一賠十。早排裝修被條冚家剷開左個盤然後拖左我4個月。蝕左4個月租，諗起都谷9氣。
政府語言藝術，講北部都會，好多建築工程做，原來比哂大陸公司做（中建、中海⋯⋯），點會請香港人，肯定請大陸工人及外勞（人工低，不須福利⋯⋯），香港工人，只係做散工，返二日放四日，豬頭骨才比你做，香港建築公司更加冇生意，香港肯定比哂大陸（阿爺）公司做，你睇吓長江、新鴻基、恒基⋯⋯⋯，有冇請人及判好多工程出去就知道，總之而家益哂大陸啦
太多害群之馬週圍,呃呃騙騙,裝修即係同外傭一樣貼錢買難受,而家好多後生仔曾經做過裝修就話自己師傅,接野做,好好地有一門手藝唔去用運用走去呃呃騙騙,收訂金走咗佬,做得唔好冇返轉頭執手尾
冇辦法
大部份顧客都係睇報價
然後羊毛出自羊身上
死循環
劣幣驅逐良幣
我裝修果陣，唔介意比多些少
不過裝修判頭最後搵咩人做
我做客都控制唔到🤪🤪🤪
（最後個裝修9成滿意，都好好）
身邊既人搵唔同既人做裝修，有平有貴，但係個個都出晒事既...
裝修，車房 呢啲，下下比完錢佢仲要怕比佢呃，
呢啲垃圾行業咁多年都冇啲有系統監管，老鼠屎多到仆街
做生意賺錢好正常
有陣時貴多幾百蚊就會畀人話黑心
個個都鬥平
惡性循環
其實裝修嘅人 多都係大陸人 唔係講緊外勞
而係香港一直都有 如果你老豆手勢係好嘅
自己整一間裝修公司 重點係唔呃人
同埋做嘢好有交帶好有水準 其實喺香港地根本就唔憂做 因為實在太多嗰啲裝修做得太差
加上有呃人
香港地 而家 唔欄尾冇中途走佬 廁所 冇漏水 落下面 已經贏左啦
裝修真係好講口碑，我見到好多裝修師傅如果係得㗎呢，好少話冇嘢做。
各行各業都有外勞，司機，保安，清潔，飲食，地盤都有！