考完主科，預測未來dse嘅趨勢
（個人淺見）
考評局「罪行」：

1.防「Tip」題：
考評局有意識地猜測坊間Tip嘅內容，並避免。所謂嘅「大熱」較大機率以「次熱門」取替。
（eg.中文卷出《赤壁懷古》，唔出《青玉案》）

2.新題種/爆冷題型
呢啲題種Past Paper 十分少見。令expect齋操past paper就可以攞高分嘅考生十分痛苦。
同時篩走臨場應變能力欠缺嘅考生。
（eg.Math polynomial b / Eng P1 B2 poem）

3.脫離傳統「遊戲」框架
為咗篩走「死操卷」以及臨場應變能力嘅考生，考評局有意識地改變題目結構，令考生手足無措，以分高低。
（eg.中文實用文243變203，宗旨都冇埋/
英文p3B2 data file 冇咗start with… 考生須自行分data以致做唔晒份卷）

總而言之，目的就係：「玩嘢」，令考生一眼睇落份卷「蒙圈（出自今年中文閱讀篇）」。一步步摧殘信心，令人極度不安。對心理承受弱嘅考生或會影響下一份卷別/科目嘅發揮，形成惡性循環。Why？今年考生數目增加，而Jupas學位數目不變，甚至乎少咗（為吸引國際/中國嘅學生，其學位比例增加），所以要balance 返。

HKEAA想要啲咩？
睇2026趨勢，HKEAA想要嘅係 「分析能力、臨場應變能力、快速思考能力、時間管理能力、同埋知識有廣泛積累」嘅學生。而非淨係expect 補習社「tip題即食」「萬用技巧」就可以一步登天嘅考生。（其實補習老師自己都係跟返啲past paper去制定框架，但係根據現時趨勢，呢啲框架只會越嚟越outdate/不適用於新題型）

所以要拋離「補習萬能」嘅思想。與其一個月使幾千蚊補習，不如自己勤力去學習或者用AI幫助理解基本concept。記住，補習係for拔尖，而唔係for補底。（本人一個月補幾科，前前後後都有幾萬蚊，之後先發覺想靠補習技巧「一步登天」十分之困難，臨考DSE都係靠自己溫返）

如何預備未來DSE？

1.應該要「理解」concept ，而非死背，學識融會貫通，萬變不離其宗。
（eg.數學科唔可以依賴cal機，如standard deviation背後原理都要明）

2.擴闊溫書範圍，唔好淨係溫所謂嘅「大熱」，應該勤力啲溫晒盡量多嘅內容。
（本人冇溫論語。默書、翻譯4分冇埋（抵死））

3.預判考評局嘅預判
佢既然想防止你Tip題，大機會會考返近幾年嘅concept。可以去睇考評會議記錄，明白該科目近幾年考生表現差嘅題目，考評局極會喺相近年份翻炒。

4.認真對待補習社/坊間/出版社唔係dse type 嘅題目。
因為佢未來極有可能出現喺你份dse paper度。
以此磨練處理新題型嘅能力。
（唔好因為啲題目唔似DSE就輕視，因為今年DSE本身就似係九唔搭八嘅mock卷）