📌 而家用緊CSL，6月
共 61 條紀錄
而家用緊CSL，6月到期，同好多師兄師姐一樣，都係左卡右卡， 喺地鐵load條片都load唔到，痴孖筋..
我見我老婆用緊3HK，都係廢廢地，朋友一啲叫我轉smartone話夠穩定，一啲fd叫我用自由鳥算9數
有冇人最近有轉台經驗可以分享吓，個個plan都好似差唔多咁 😭
我基本上大部份台都用過！
3,CSL ,Smartone, 和記, 有線,中移動！
開頭有用數碼通成日都收唔好, 在地鐵失去聯絡！
打上台講叫我盡量唔去咁嗰地方？
我話屋企嚟, 唔通我要唔返屋企？ 跟住個台都無嘢講！
我之後轉用CSL以為大台都用咗10年, 點知在青衣公司又係失去聯絡, 打上台投訴多次都一樣！
另外 3 ,和記,有線, 就直情可以不理！垃圾！
現在轉用中移動又平又抵用,
幾穩定, 公司屋企地鐵都收到！
我用5GB.plan,經常睇 Youtube,ws,ig,Threads,
google, 上鹹網都無都冇窒！😁
社交網唔計數據內.👍
又可用數據返大陸 ！
用2年, 感覺可能有些地方會慢慢少少,
起碼穩定.
香港5G都係佢第一個行先,
但以這價錢好好啦！
百幾蚊, 好抵用！而家好仲平咗！
最緊要等去啲商場大形Promo Counter,
佢哋會教你嗰期邊個數據最抵用！
利申我唔係中移動職員！
香港上網其實歸左邊
新區地鐵站：中移動（傳係佢起）
舊區地鐵站：數碼通（傳係佢起）
然後就睇你出入多嘅所在地點係邊間地產商就幫襯返嗰間
例如：
1）你去西沙/ifc/新城市廣場就用返數碼通無死錯人
2）你住南丫島/城市花園/將軍澳親海駅，用3一定最好
Ps1. 由頭到尾無講嗰間公司就唔好用啦
Ps2. 所以我主數記副3
當人人都離開CSL，佢就會又快又順㗎啦
當人人都去smt，就會搭沉船行去邊都窒㗎啦
嗱！我係創紀返工用smt，得兩種情況……
1. 行入啲都收唔到
2. 坐窗邊先收到但慢到2-30年前電腦行56k電話線上網咁！
所以千祈唔好過黎smt呀！😂
嗰 d 電訊公司無自己發射嘅話，
即係要租其他公司嘅發射站。
邊個用先用後，唔駛再講啦。
每間公司，都會對用戶設定網絡嘅使用權先後次序嘅。
貴月費咪用網絡先囉，唔駛拗嘅。
咁唔知 電話卡 會排乜先後次序呢 ?
非港島區 好少繁忙時間坐鐵 主要坐巴士
1010 smt csl 中移都用過
4.5G時期 我覺得1010最順但最貴 smt還好無啲人講到咁勁
csl係正常又無其他人講到咁差
但同一個地方 中國移動係明顯收得差d 可能等完約轉番csl算😂😂😂
你既然仲有兩個月走去買儲值卡試下邊個台啱你啦
我依家係主csl副3
之前嘅主用過smt
自己感覺上csl狗也不
smt最好 不過最貴
3就中間
儲值卡嚟講smt可以買valuegb
csl可以買moremobile
3就可以買sosim
cmhk可以買鴨聊佳
1010真心算唔差，我都用咗十幾年，以前返銅鑼灣有地庫嘅地方，公司好多同事用其他公司，完全收唔到，1010仲收得幾好。
地鐵就有啲站會斷線，但我少搭地鐵同少喺地鐵用電話，所以對我嚟講又ok。
smartone新客先平，好多人10年前已經俾緊五六百蚊一個月，仲要完約唔肯減返俾你。我最近都轉左3，覺得淨係港鐵差少少，戶外甚至收得仲好，不過我通常搭車撳手機，所以過完冷河都會轉返
自由鳥 唔洗約。緊係完約先 轉去自由鳥 用返一段時間再睇。
BTW... 我公司電話用緊自由鳥.... 我覺得慢到喊😂😂😂😂 可能個plan太cheap 😮💨
自己用緊csl 又好正常....
我以前喺掃馬桶Smartone 10年，每次掃馬桶續約都要加價唔肯減，交緊5百幾蚊一個月，所以上年完咗約轉左去CSL，除咗地鐵load 空氣外，我平時搭巴士多，都收得唔錯
我有時一刻都唔斷德因為做嘢.....都無辦法如果要畀貴少少但收得好啲
其實係地鐵問題, 用咩台都無好大分別 🤣
我以前係用HKBN既smartone台, 繁忙時間搭地鐵乜都load唔到
如果用HKBN, 要睇清楚個plan用咩台, 中移動個plan平過smartone
用自由鳥先啦，數馬通網絡，雖然唔係5G，不過都好穩定。最好係唔駛簽約，用住覺得ok咪繼續用囉，覺得唔ok隨時轉都得，進可攻退可守。
都用緊CSL,諗緊轉唔轉去中移動
CSL可能我唔睇片,咁上下網打下機
返工收工都冇咩大問題
驚轉中移動又唔太得
不過都係4.5G轉4.5G
登記 Cosmart 攞 Birdie 免費試用一個月優惠碼，六月尾就完，睇吓收得好唔好，然後再決定繼唔繼續用定係轉去其他台或者儲值卡
我覺得都係睇你用量同地區。CSL近年好似收得慢咗，特別係地鐵同旺區Smartone穩定啲，自由鳥就平。就咁睇我會簡smartone囉
有時IG都load唔到 我都疑慮人生😩 見啲人話Smartone地鐵ok啲，自由鳥平但冇CS～而家啲plan都唔差太多，好似smartone好D？
其實依家香港個個台都一鳩樣！個個台都有佢自己嘅盲點！個要求已經降到低無可低！只要屋企收到就算！
我本身用左1010好耐，終於等到完合約諗住轉台，唔想搭地鐵成日都卡
最後轉咗Smartone，而家極度後悔中😂
1010真心算唔差，我都用咗十幾年，以前返銅鑼灣有地庫嘅地方，公司好多同事用其他公司，完全收唔到，1010仲收得幾好
其實個個台都差不多，客戶服務應該CSL比較其他好，如果壓到個平價通常都算數，費事轉來轉去玩自己。
睇得threads多， 見好多師兄轉完台都一樣會左卡右卡， 幾間地鐵都係咁，特別係繁忙時間
強烈健議你轉中移動， 當你轉完中移動捱完個合約，之後去返咩台都會覺得快😂
如果講5G，數碼通係最廢嗰個台，好多地方仲係會跌落3G，我只可以話你個FD玩9你
我都用緊3hk，喺地鐵某啲站好似入咗結界咁，YouTube IG咩都load唔到，廢到嘔😭
我覺得CSL收得最好嘅地方唔係喺香港😂 佢嘅漫遊係幾好同幾抵用嘅
搭地鐵唔使轉台，轉channel就得，手機set做3G，一個字：快！咩台都啱用
Csl其實又唔覺收得差,係月費貴
(多數係港島同油尖旺,火車就收得差
CSL 我公司都3個人用緊，就到期半年，就開始長期收唔到
傷心
我一去smartone話成日搭港鐵 想轉會
佢就話 中移動過嚟？😆
我用CSL冇問題喎❗只係觀塘區收得差啲，其餘地方都滿意
smartone轉中移動
一搭地鐵就後悔😂
捱夠2年轉返smartone🥲
所有台都用過 smartone叫穩定少少但mtr有時都會卡 但貴囉
公司csl 3 smart 都收1-2格
中移 爆格 所以只可用佢了
3hk夠平又其實coverage ok
簽3hk再買張smt年卡後備
自由鳥用嘅smartone 網絡，都可以嘅，無合約
3,國際卡
99蚊一個月,23:00-07:00完全無限數據
用more mobile都ok，mtr收到，又平$999有999GB.
Smartone 香港--＞南昌 成日load唔到
用value GB,一年200蚊，1000gb全速4.5G
我smartone $2xxplan轉做$1xxplan差左