📌 要睇一個男人愛唔愛你
共 88 條紀錄
要睇一個男人愛唔愛你，
唔係睇佢可以買幾多名牌俾你、
可以帶你去幾多次旅行、
俾幾多家用呢d門面嘢，
而是係你生病時，顯示咗最殘最樣衰既一面時，
佢不離不棄，係身邊細心地照顧你。
尋日我食咗一粒忘記放入雪櫃的半熟蛋，
結果胃絞痛、上吐下瀉，成身標冷汗，眼前一黑咁。
係我20年來第二次咁樣痛，
第一次係生咗大仔坐緊月時痛到失禁。
老公好驚，即刻落去藥房買藥，又聯絡東京既同事提供電話上同藥房既即場翻譯，
更聯絡酒店，萬一需要時，即時安排入院。
幸好，最後藥房建議買咗d藥。
餵完我食藥後，老公全程照顧，用手幫我順時針按摩個肚，
好彩2個鐘後順利止咗痛止咗痾嘔。
呢次既小病更令我睇清，
所有錢財、名牌都係身外物，
有個係你生病時對你不離不棄的另一半先最重要❗️
補充：
我去洗手間一向唔會俾老公見到，
尋日肚瀉時，
佢全程企係馬桶前俾我攬住佢個肚借力，
嘔吐時佢係企係我後面幫我拍背，
總之最核突既場面都俾佢睇到。
咁佢都無咩野咁，反而我事後覺得好尷尬。😮💨
個傻佬尋晚話：
老婆，原來靚女都會痾屎架🤣🤣
請呢位幸福的女仔去認領你男朋友，
佢請教緊點愛你啊😭😭👍👍
年輕人，
再教你一招，所有女仔都一定感動：
轉帳心意錢時，唔好只轉帳$50，最少$500啦，
善用備註位：
我上次嘔到靈魂出竅,想call白車男朋友話我濫用。。。唔畀我call😑
我勁委屈喊曬,救護員黎到問我有無受傷
佢地覺得我男朋友家暴我
真係呀，我有藥敏，有一次去咗日本旅行，自駕遊返緊市區時我全程不停嘔，咁啱我果日冇帶藥喺身，就係果日不停嘔，我同佢講我要返酒店拿藥，其實酒店就係附近。但佢堅持話要去買止嘔藥俾我食就算，結果我都係止唔到嘔，仲覺得我好麻煩攪到佢食唔到想食嘅餐廳，最後先至肯車我返酒店拿藥。
真係一病就知個男人愛唔愛你。
慘慘，
咁你之後埋好失望？
有無搞錯，嘔到咁仲覺得阻住佢食嘢！
係老公定男朋友？男朋友飛咗佢
上個月去旅行慶祝結婚週年 第二日我起身沖涼突然m痛 痛到瞓咗係地下面青口唇白 差啲想暈 我用最後一口氣嗌我老公 原本瞓梗覺即刻過嚟上網睇穴位幫我按 按咗大約一個鐘就行得走得 🥹按穴位真係超有效 個陣真係滿心感恩同埋覺得慶幸
m 痛真係好折磨，我絕對明白！
好彩有你老公係身邊，
呢d時候真係幾有錢都無用，有個身邊人照顧自己先係王道👍
病一場可以睇清好多野，有D人既關心只係用口講 有D人既關心 係用行動 會行動既付出先喺叫付出同真係擔心 有時甚至做少左好小既事 佢都會默默咁怪自己嗰次無做好 有人話 你唔開心 有需要 要同對方講出口 但我信呢D係真心愛一個人最自然既表現 一個人愛你愛到極致係你啱啱訓醒 坐起身 一見你就笑 會話點解可以咁好睇 食嘢食到衫又係面又係 佢都可以話你可愛 夏天出汗都幫你抹汗 名牌包包我可以自己買 高級餐廳可以同FD去 但呢D被照顧被愛既感覺一定係嗰個對的人先俾到☺️恭喜你👏
小病中放閃喎✨✨✨
最不堪、最尷尬嘅狀況，只有愛你的人才會不介意，並會大大力撐你照顧你❤️
樹老公好搞笑， 靚女都會屙屎，笑左😂
但好多人未發生過患難，所以只希望對方同自己共富貴。共唔到富貴，就係唔愛
可悲的現象，每對couple都應該從生活小事中讚美對方，放大對方嘅優點。縮小缺點。
只要努力喺現實生活中對對方好，我覺得佢一定知。
佢扮唔知只不過係唔珍惜。
最怕啲負面人，不停呻不停投訴另一半，
講真，另一半係你自己揀，有唔妥就開口講出嚟同對方傾，傾唔掂嘅咪離開囉，自己又唔離開，又不停投訴，又唔檢討自己，同呢啲人一齊真係成世攬住一齊死，冇運行。（唔係話你，係網上好多怨婦都係咁。）
香港地好多人只會埋怨，但唔會檢討自己。唔好講相處之道丫，就算職場上都好多呢類情況
真！
所以我好努力寫threads就係想改變呢種情況，
吸引力法則，你越正面，就越好運；
相反，日日埋怨呢個果個，一定無運行。
哈哈哈 都係既佢仲學緊
佢唔識主動照顧 你痛點樣安慰你個啲
但大事佢一定係身邊
呢d已好好，
有咩好得過你知道有大事時唔洗驚，有人俾你依靠？
其他既慢慢來啦，無人一開始就做得好好
我地一齊左6年 結左婚1年
本身家庭成長好唔同 所以逼唔黎
你20年仲咁恩愛
Can’t agree more🙌🏼
身在外地唔舒服更加會好擔心，好彩你冇乜事，take care🥰
尋日訓咗一日，今日無事啦，
可以繼續去近既地方出動😘
當昤中左covid要申報， 個c6 即話「你中左又申報，你知唔知你連累埋我呀！」
試過去歐洲，突然間手指傷口感染直接腫左又含濃，即刻改行程再問酒店staff邊間急症好，走去私家睇全程幫我溝通同處理手續，人生第一次去外國睇急症，好彩有佢🥲🥲🥲
真！諗返有次去旅行唔舒服係咁屙，男朋友第二朝就去買藥我食，我喺酒店等佢，但個陣出面又落雨又凍，佢返到嚟仲買咗啲嘢我食，又有次喺香港病咗，男朋友有嘢做，但佢去做嘢之前都特登買粥我食 ՞ ̳o̴̶̷̤ ̫ o̴̶̷̤ ̳՞
前兩個禮拜半夜開始嘔到傻，老公起身睇住我，睇下有咩幫手。
第二日全日係屋企昏睡，老公個日化身全能超人，比平時更有求必應🤣🫶🏻
共患難真係好難得架
呢個真係好感動，
好一句共患難，令我想起結婚誓詞！
除咗愛唔愛，仲有照顧人嘅能力。有啲真係覺得遞粒藥畀你已經係照顧🙈
早日康復💐
我病到仆街定m痛都係自己搞掂，羨慕你哋，祝你哋幸福🫶🏻
我自己其實都用咗20年，你印證自己嘅選擇係冇錯
好彩佢一直以來都不停俾驚喜我
我當年都試過同而家嘅老公同未來老爺奶奶去韓國食魚生
我先照顧老公佢又屙又嘔，然後第二日就到自己。。 真係未試過咁辛苦 去旅行唔舒服真係好窄洗
但患難見真情💕 佢見到我最醜陋嘅一面 而從此我哋兩個去廁所乜都見到曬。。。🙊😂
你好好彩呀咁快冇事, 我哋成程trip on and off都唔舒服😁🙏
平安歸來🍀
好似好多人去韓國食魚生都出事😱
咁你老公同你真係可以「坦誠」相對啦！
我諗我冇可能過到呢個心理關口
🥹我都試過腸胃炎發燒 男朋友lunch time 特登返屋企煲定粥俾我起身食。仲要係瑤柱粥😋
識煲粥！好難得！
我果個都未煲過俾我食。
好好珍惜呢個好男仔啊，唔好俾佢走甩！
患病見真情🥹
我諗你老公都嚇親，會驚照顧得唔好，唔知有咩後果
快啲好返呀！
佢真係好驚，見佢手都震埋，
所以更加覺得自己當初無揀錯！
多謝你，已好返～
我有次又係食錯野狂嘔 男朋友即刻早退陪我睇急症 照顧周到
到佢有次嘔到暈低個陣 先發現原來照顧周到同細心唔係咁易 🤭
同意，調返轉真係驚自己手忙腳亂。
你男朋友好好，珍惜啊！
結婚後成世流流長有個真心照顧自己既人好重要❗️
應該咁講 一個人愛唔愛你 係佢最嬲既時候佢對你仲會唔會發脾氣就知
所以啲女性真係唔好再要求埋啲无谓嘢！会照顾你而其他乜都🈚都夠了
咁又唔洗咁極端，
兩個人相愛，除咗係病時會照顧對方，相信都會盡自己能力俾最好既對方，
男女都一樣～
原來被愛係咁樣㗎 諗起ex係我病到死死下嗰陣話：「你知唔知你病係唔可以錫我㗎」🫠
祝福你！
放心，愛你的人在路上，
得閒多d出去走動，唔好留係屋企，佢就會搵到你～
多謝人生前輩 我會好好等待🥹🙏🏻我都祝你keep住幸福快樂💖💖
sweet 令我諗起個次我咳到半死 我自己訓先 由男友係出面打多陣機 但我一咳佢就走入黎 送水 再咳勁啲半夜落左去買咳藥我食 之後訓左我隔離望住我訓著
平時我係好小病 多數佢病多 係我照顧佢😂 好彩都睇到佢照顧病人既一面
佢平時都take care我既 行路都驚我仆親 講到我嫌佢煩😂
曬死人😎
不過最鍾意睇人曬命，代表你幸福，代表你有留意對方既好！👍👍
好過好似怨婦咁日日只係到數對方，
你一定都係一個sweet既女仔😘👍
淨係係呢度見人分享幸福我先會一齊分享快樂 同fd講真係會覺我曬命 你老公更好 勁有愛！！
去旅行最怕身體不適，好彩你有個可以依賴嘅神隊友，就算幾唔舒服都好，個心都定好多😝
我直頭怕咗，第一次去旅行覺得咁驚，
以後去旅行要更小心，
同埋唔好自己一個去獨旅！
雖然我一直好想試下一個去，都係算啦，放棄。
我唔知原來要放入雪櫃，
夜晚老公買返來叫我食，我放到第二日起身先食😭
喺日本通常有病痛都會先去藥局買藥食，因為種類實在多不勝數，而去診所睇醫生，啲藥非常流，又要辛苦住咁等😢