要點樣做
先可以真正愛自己
我淨係想不停攤係床
我知咁唔掂
但無動力去做任何野
曾經我都掙扎過呢個問題，個個都話要愛自己究竟點樣先係愛自己，個個都淨係識講，但係又冇人識教，但係去到最後我真真正正領悟到咩叫愛自己嘅時候我發現原來真係冇得教，但係如果真係要講我會話我唔會再俾自己去蝦我自己，我唔會俾自己去到一個狀態係自己都覺得自己唔好，而點樣做到呢一樣嘢我覺得係一個真係好深奧嘅議題，唔係單單靠某一類行動就可以做得到，但係某一啲嘅task我覺得係可以幫到手 ， 去一啲平常好少去嘅地方，去食一啲自己好鍾意食嘅嘢，去完成一直得個諗字而冇真正去做嘅嘢，去嘗試一樣自己一直唔敢做嘅嘢，我知道早之前一定會有好多念頭俾藉口自己唔想做，但係當你衝破咗個心理關口真真正正扚起心肝去做，你會發現自己會釋懷咗好多，跟住慢慢你會突然之間有種感覺你會開始明乜嘢叫愛自己，你亦開始會明點樣去轉念，踏出第一步諗吓我頭先講嗰幾樣嘢你有邊樣嘢可以做到先？
其實我都仲有少少衝勁
鐘意跳舞，會去上堂
仲肯返工食飯...
不過突然有d 急病，另到自己又頹返...
同埋永遠唔識解決，人際戀愛關係
唔好逼自己「愛自己」，太難了
改成「唔傷害自己」就得。
抑鬱症會呃你，佢會話你「廢、懶、無用」
記住呢啲係病講嘅，唔係真相。
你唔會鬧一個斷腳嘅人行唔到，
咁亦唔好鬧一個抑鬱嘅人起唔到身。
搵人幫，唔好自己捱
去睇醫生（精神科或普通科轉介）
叫信任嘅人陪你去做呢啲事。
你而家要嘅唔係「愛自己」，而係「放過自己」。
攤夠、休息夠、當自己感冒咁病一場。
你唔係懶，你係生病了。
首先唔好怪自己
你只係一時唔舒服
你休息一下一定可以做到你想做嘅野
冇用！情緒病一定要睇醫生，呢啲係你嘅內分泌多巴胺失調。
揾一個目標,你唔需要考慮佢會成功抑或失敗,只要佢可以緩解你個種遺憾感就可以
首先欣賞自己：例如，今日落咗床一個鐘，比尋日叻咗。鼓勵自己：例如，今日做得唔好，下次可以點做好啲（唔識嘅嘢，依家AI同threads都係好方便嘅參考源），聽日試下。當自己係第三者，不時回顧過去嘅自己，發現越嚟越中意目前嘅自己就係識得愛自己。
無能量做任何事係好正常，係身體話你知要休息。我係會珍惜有能量嘅時候，做多啲想做嘅事。共勉之！
允許自己躺平，允許自己浪費時間
停止批判自己
以靜制動
Google AI
看到你說「知咁唔掂但無動力」，這份掙扎本身就很消耗能量。想讓你知道，當你覺得「支離破碎」時，癱在床上並非懶惰，而是你的身心在啟動自我保護機制。
「真正愛自己」並不是要你立刻變得很積極，而是從停止責備那個「動彈不得的自己」開始。
1.「對不起，請原諒我；我愛你，謝謝你」👈🏻每日同自己講
2.做感恩練習：每日寫低三件感恩既事
3.轉念：每次批判自己時立即將念頭180度反轉成讚美
我所知就得咁多⋯⋯轉念對我好大幫助。 希望幫到你
And… 睇醫生食藥好重要+一定要輔助以其他治療如見心理學家/催眠治療/身心靈書籍/課程等等