見到朋友唔開心，想開解佢？
千奇唔好講咩，你唔好唔開心啦，你諗多咗啦，點解你咁傻既？都唔知為咩你要咁！你知唔知幾多人慘過你呀
以上種種千奇咪講，如果你真心係當佢朋友，其實上面一大堆說話唔係用黎安慰人，而係用黎否定他人當下一刻既情緒同感受，呢個時候你其實只要響隔離陪伴，同佢講一聲唔緊要冇論點都好，我響你隔離我會聽你講嘢，唔開心就有得佢唔開心，接受自己有呢份感受

好多時佢哋會拋低一句“平常心啦”
我想講嘅係，有好多時其他人嘅出發點係好，佢係想安慰你，或者咁講佢係想幫你解決當下嗰一刻嘅痛苦，已更殘酷嘅係，有部分人其實想解決你，即係當下嗰一刻成日抱怨嘅你，唔想你繼續煩，但係大家都會好明白，大部分人唔會因為你嘅勸喻你既安慰會變得好咗
所以都係嗰句，做朋友嘅只要陪伴就好，留低一句唔緊要有我嚮度，有乜嘢唔開心就由佢唔開心，想喊就喊，唔好否定當下嗰一刻嘅情緒