話說假期去睇戲，突然聽到有人慘叫…
轉身見到有個著住人字拖嘅男人唔好彩踩到嘔吐物 🤮🤮🤮
場面極恐怖… 佢隻腳….
佢跣跣下咁行走咗，之後有人叫「拎啲紙巾舖咗先，唔好比人踩」
本來以為告一段落…. 點知又聽到有個女人大鬧 「你無鬼用㗎！你話你有咩用吖！」 之後一連串爆發鬧個女仔…. 遠睇大約小學2-3 年級，見個女仔目光呆滯應該嚇親同唔舒服….
好慘，相信好多人細個都試過唔小心喺街/ 學校嘔… 尷尬到死同唔知點算… 仲要比阿媽當眾鬧… 真係陰功！
無人想病，個阿媽無同人講唔好意思，無叫職員嚟抹（其他人叫咗） 只係鬧個女… 其實最無用係佢阿媽… 鬧有用咩？

梗係要鬧 唔係點會引到你講句算啦
同埋將成個責任完美推比個細路到
唔係我冇教佢呀 佢衰炸

😱😱😱😱😱😱😱
原來係咁！
真係咩父母都有… 的確係，大家見小朋友咁慘都唔會講咩嘢

個男人都幾慘下

最慘係人字拖🤮🤮🤮🤮

呢啲阿媽唔該拎去掉咗佢，鬧鬧鬧，煩。

唔明點解要鬧個女

鬧係要鬧，但唔好喺大庭廣眾鬧囉

鬧個細路女？佢唔舒服喎，又唔係特登整污糟地方。

我睇一日舖 每日都至少有見過幾件咁嘅港媽 年中都見成千件 心諗可憐個小朋友 又覺得啲港媽影響街外他人

港爸都見 坐麥當勞整到成地六個位地下都非常污糟 又朱古力又成包薯條跌曬係地 唔係倒瀉 因為我坐佢地附近望到 而且唔話俾清潔姐姐知幫手 粒聲唔出走人 媽寶巨嬰成長後產卵後嘅恐怖災難

純粹想講我仲係戲院見過有人lur痰...

嘩!妖!😑