📌 認真問，同伴侶一齊好
共 50 條紀錄
認真問，同伴侶一齊好長時間之後，真係唔會悶/厭咩？定係其實好多人都有諗過出軌搵新鮮感？
（真係純粹好奇🙏🏻唔係鼓吹/贊同出軌）
我同老婆就黎30年，唔悶喎，仲不知幾恩愛，每星期放假就諗去邊度拍拖添
完全唔悶，平日返工，放工就一齊傾計，傾同事既八卦、仔女既事；
放假一齊去遊山玩水、做運動、食好嘢、旅行，
感慨時間過得咁快，咁就20年！
內心只會擔心，擔心仲可以陪對方幾多年？
冇話悶或厭，但世事如何能知——邊個能保證唔知點解有個吸引力爆燈九成九人都無法抗拒嘅人出現並認真追求時，可以頂得住引誘？
所以更要且行且珍借。同另一半19年。
同男朋友依家都齊左都差唔多5年半，半同居，都冇覺得悶同厭喎。我哋都仲係會有好多野講，冇見面既日子都會face time。
其實我反而唔明點解會有人一齊耐左因為悶同厭就出軌揾新鮮感，根本就係借口。新鮮感要揾其實大可以一齊去做啲未做過既野。
最緊要記住永遠記住有人會更好，但眼前已經係最好。
如果你嘅世界只有對方，咁可能會悶嘅；但係應該係你同對方一齊面對世界，咁就唔會悶㗎喇。
而且世界已經太多嘢可以享受，亦有太多要煩；有一個身邊嘅人提供穩定性係好事。
利申：同另一半27年
我認為情侶之間都需要空間。我同老公有時會有self time，做各自中意既野，例如佢打機，我跑步。間唔中會一齊去嘗試新既事物，增加新鮮感☺️
睇階段吧，年輕時咩都想試下，容易想換伴侶獲取新鮮感
年紀大之後，覺得咁樣帶黎既新鮮感其實好短暫，而且對雙方既傷害會好大，明白到雙方契合度比新鮮感更重要
日日會有新鮮事
日日會傾計
唔會覺得悶
每日都會一齊經歷新既事情～
理性少少，諗下出軌搵新鮮感嘅risk就會覺得曬9氣😂
好多風險，唔知嗰個人係咪真心愛你，因為喺度做緊戲，唔會遲啲做啲嘢傷害我？佢真係好似我老公一樣愛我20年？
我同另一半一齊咗十幾年，呢啲日子裡面我地各自都經歷咗唔同階段，由學生、到初出茅廬、同居、結婚、轉工、出國…
每隔一段時間經歷咗啲新嘢，我都會對佢有新了解，都有新鮮感。加上因為身份改變，又有要磨合嘅時候。
同埋我都一路改變緊，所以有好多嘢要消化、調整。呢啲過程對我嚟講都好新鮮、好奇，所以又唔太依靠佢帶俾我新鮮感。
不過可能都睇個性嘅，我搵到一隻鍾意食嘅餅，就會一路食，唔試其他😂😂🤣
愛情到左某個階段就會變左「友情+親情」
利申：結婚13年，晚晚仲會拖住手訓覺
同男朋友一齊22年，到而家都會傾計傾到對方沖涼另一半要坐喺馬桶繼續傾
有時都會諗吓出邊嘅靚仔，不過出邊真係有好多壞人，喺thread 嗰度見到好多好差嘅愛情離婚經驗，所以都唔敢亂來，應該搵唔到一個好似我老公咁愛我嘅人，佢亦都冇心機再去愛其他人
點唔會,當愛變成習慣同相處上有不平衡,碰到其他有趣靈魂,你覺得呢？
呢個係家人嘅concept
拍拖還拍拖，伴侶還伴侶
你對父母都會有負面諗法
但唔會諗換左佢/加其他人做父母嘛
我同老公17年， 17年日對夜對， 做同一份工，一齊返工一齊放工， 除咗屙屎屙尿，其他乜都一齊 ，我冇厭過，亦唔想搵新鮮感
唔悶喎，以前一齊努力工作，早幾年一齊跑步，而家一齊做gym, keep 住重有好多嘢想一齊做喎。
其實我覺得最緊要有時間有空間
識好多有左小朋友就唔會拍拖唔會獨處分埋房訓 半年都扑唔到一次野
生活淨係圍住小朋友轉
但我覺得結左婚有小朋友都要拍拖 得閒出去食個lunch 間唔中掉低個細出去staycation都好🙏你先係你自己 再係人父母
利申識左10年結婚5年 小朋友4歲
悶就要出軌？問題係你仲想唔想同佢繼續生活落去，溝通真係好緊要，就算大家興趣唔同，都可以大家分享下，或者一齊去發掘新嘅興趣，我同老公相處左 21 年，同佢除左係伴侶又像好朋友，咩都講得一餐，相處舒服
每次看完愛情小說都對自家老公心心眼😍：我的也不差啊！
諗吓都唔會啦，除非你覺得可以唔要另一半，咁就唔該分開先好搞，最憎啲背住另一半攪攪陣，2個人好好用心相處，點會悶
時間係地球人諗出嚟既野 一世都其實好短 悶唔悶好個人既野
新鮮感亦都唔係人哋比到你
其實每一日每一分一秒都唔同，都可以有新鮮既野來體驗
我無悶感覺，日子輕鬆咁過，但老公就覺得好悶，非常悶，所以佢已經做前夫了。
我覺得唔關個時間時，係個對象係邊個？個對象適合嘅話，時間長左你仍然會唔捨得佢返工，成日想同佢喺埋一齊遇到好食嘅嘢有趣嘅嘢咩都想話俾佢知咩都想同佢一齊分享都想等埋佢。但如果嗰個係唔適合嘅人，可能幾個月你已經覺得唔想再用咁多時間見面同相處
睇人，有D人系花fit ge，成分5同，不能一概而論
唔夠鍾意啫，正常雖然你會習慣咗佢，但係你會越嚟越愛佢同埋你會同佢做好多新嘅嘢去維持呢份關係你同你屋企人相處咁多年你又唔覺得悶
我同老公由同學開始識左20年，拍拖開始計到結左婚都有10年，都真係唔會悶架喎🤣一得閒就諗下帶小朋友去邊度玩，一有時間就放低小朋友出去2人世界，仲有好多野未一齊做過嘗試過，其實都好有新鮮感
兩個人一齊生活，一定有高有低，開心困難都會出現，呢啲困難係要一齊面對同經歷。我認為重點係：你揀得呢個人同你一齊成長，一齊變老，就要有責任感，全力維持呢段關係。
愛係重要，但責任感同樣重要。
反而覺得出軌揾新鮮感其實都幾攰。。又要時間管理又要精神支出😂
倒不如大家一齊放假chill下，睇下戲煮下飯仔，簡單啲幾開心，個人又冇咁攰
睇完留言，就好奇話唔悶的男女比例。目前發現女性偏向唔悶多
睇吓你有冇心機啫😂而唔係話下下食同一碟餸會厭，食材可以用吾同方式去煮！唉 明就明 😂
與對的人一起變老，天天都過得幸福充實
那裡還有空間去諗悶定厭？
我老婆日日都好新鮮 🤣🤣
個女都18歲，可以唔洗點理(佢都唔想我地理 🤭)，近年就多左兩公婆去睇戲、睇show。