📌 請講出讀女校嘅好處。
共 51 條紀錄
學校會一直灌輸女仔可以獨當一面
冇咩同學會因為發育而寒背
冇人會評論或者議論女仔體型
M 到直接講，唔洗遮掩，冇帶都肯定有人借到
體育堂之後，個班房氣味依然正常
學校每一層廁所都啱用，有廁紙提供，唔洗排隊
冇人會話女仔數學差理科差運動差，勁嘅人大有人在
搬嘢可以自己黎，唔夠力咪搵多個 friend，唔會等任何“男性”去救自己
💁大個入職場初時唔發覺，以為 “個女人扮曬嘢，有手有腳囉，點解要靠人”
所以如果你眼前個新入職女同事若無其事咁肯主動搬嘢，佢 99.99% 係讀過女校 😂
發現女仔有好多可能性，搬重野嘅可以係女仔、運動叻嘅係女仔、各種唔同性格/人品嘅人都可以係女仔，唔會被性別定型👍🏻
發現男女校原來半夜淨係男嘅搬，覺得不可思義😧😧
我係讀瑪利曼🫢一句總結：
「冇男人既時候個個都係男人。」🤣
你唔好以為好多綠茶，搬搬抬抬嗰陣「唉呀～我冇力～」
反而係「行開。我來。」
讀女校其中一個好處係好快識別到八婆，缺點係畢咗業先知原來八公仲癲撚過八婆
學識呢個世界啲人原來咁judgemental
學識一定要合群如果唔係會俾人話/笑
學識攻心計，點樣扮嘢
學識唔好相信人，就算嗰個人而家同你幾frd都好，幾個星期後都可能唔frd
學識點樣日日俾啲八婆搞到唔開心
學識點樣俾人left out
學識成個frd grp hang out可以唔嗌你
學識原來一個大嘅frd grp係唔可以好好地和睦相處，一定會分拆好多個小團體，然後互相講大家壞話
（利申：初中，身邊啲人話上到高中會好少少，但至少而家呢一刻我頂唔順）
突然嚟m又冇m巾嗰陣直接大叫有冇人可以借m巾，一定會有好多人肯俾
中學生涯7年女校 個人粗魯啲
所以出到社會同男仔玩反而close同易過同女仔玩
比較易俾外人講無邊界感 但自己人反而欣賞我地有義氣值得做朋友
我唔知其他女校係點 我曾經真係被杯葛左3年 真係會有小圈子同陷害
Repeat F.3之後換過班同學 大家同聲同氣 好好玩
(我覺得呢個point真係男女校都有機會 所以唔係女校嘅壞處)
屋企老母好抗拒啲M巾周圍擺
但因為女校出身對呢樣野無傳統思維 唔抗拒 所以會教育佢同身邊啲人去廁所換M巾係正常生理需要同反應
老師話： you can be anyone and you can do anything. 除咗入男廁 😎
中學嗰陣打波碌左波入男廁直接衝入去攞架喎😂😂😂 反正都冇人
我哋有男老師同校工有時用 同埋課後活動有時有男校嘅人過嚟夾orchestra/ drama
但碌入去都會循例叫下「有冇人啊」先入
讀足13年，唔會覺得自己係女人就點點點，女人應該點點點，你會覺得自己可以做所有事。
唯一壞處係坐個姿勢比較衰🤣
坐姿比較衰我認同😂大個咗着裙成日都要身邊嘅人提一提我先識得坐返好😂
響你青春期時，思維會習慣變成「第一性」，諗野好少會比性別影響，無論行事定抉擇都係，會優先評估「能力上做唔做到」。例如讀書揀科，你好少會諗「公開試、大學時期，會唔會唔夠另一性別嘅人競爭」，除非你老師同家長特別同你講依啲分別
女校有女校嘅drama
但一般很少「因荷爾蒙上腦產生的直接或間接影響」，例如：
- 在意異性目光
- 與同性比較在異性眼中的地位
當然一樣會有明戀單戀暗戀，青春期就係咁，但異性戀始終佔大多數，當青春期拎走咗「異性」呢個factor，腦筋真係可以簡單好多
只不過出社會就gg喇…原來其他女唔係咁架？
冇人會提住你what girls should and should not do。
幼稚園+小學+中學都係女校（小學有4年讀過男女校）⋯ 唔係好有資格比較男女校有咩好/壞處，但幾肯定嘅係：有問題出現都先分析如何解決，懂得親自解決問題
出嚟社會工作好常俾人問係咪讀女校😅
本身冇乜特別覺
呢排碌threads多左人講gender issues先發現原來真係喺女校我係人，喺出面我係女人
女校畢業後識咗幾個男女校嘅人 有男有女：
-會比好多定型/框框自己
-又無自信+頭耷耷+寒背
-間唔中有啲奇妙發言「男/女仔唔應該xxx」
-搬張凳都奉旨/覺得只可以靠男人做
-避忌談論日常生理狀況
女校無咁嘅人🙏🏼
我覺得係會教到個個都係同等嘅人
出左社會可以話
見到好多男人唔想女人成功
但係你個mentality係女人自己都可以成功
提早經歷各類鬥爭
令到你覺得職場鬥爭根本上無咩大事
女校女仔更加會embrace making yourself better
唔會覺得搵伴侶係一生中最重要嘅事
然後覺得伴侶可有可無哈哈
無咁多女生應該blablabla嘅框框，同埋會自信d
中史presentation 我個topic係古代妃子驗身嘅方法，個Miss好感慨咁講咗句：好彩係女校😂
女校人，一定試過暗戀女同學，又或比女同學暗戀/明戀。
一直都想讀女校，因為本身對男性有陰影，但係我阿媽話讀女校男校容易變成變態😅我而家讀男女校被同班變態佬跟蹤
女校女仔自信啲叻啲
有Safe place 去試你想試嘅嘢
嚟m 發育冇需要收收埋埋
學識冇嘢係女仔做唔到
唔會怕出風頭
唔會畀世俗定型
利申: 13年女校，大學男女比1:9, 返工啲office 都係女人多
小學讀女校 啱啱開始嚟M 唔使驚尷尬 反正大家都女仔
中學讀女校真係可以令人早啲realise同埋適應社會嘅勾心鬥角 （正面啲 可以話係好處嘅🤣）
諗返起讀中學嗰陣 唔止宮心計 仲有甄嬛傳 日日上映🤯
M到一定有m巾，可以周圍大聲問人
漏m冇人會笑，學校有準備一堆校裙比你換（我嗰間）
M痛有止痛藥有暖水袋
高矮肥瘦冇人歧視/笑

超級獨立
個個都會自己擔擔抬抬、基本煮食、換燈膽換插蘇（學校有教）
唯一缺點就係容易比男人呃（大家大個咗回望都咁覺得）
出去讀書+做嘢好易分到
要爬高拎嘢/換下紙整部photocopy machine restart /paper jammed
拎啲delivery (小小大嚿eg 3-8kg/ 外賣幾袋) 個外賣(送貨)員已經喺門口等你嗰隻，你只需要出閘去攞。
讀男女校嘅女仔第一時間會講搵男同學/同事幫手啦
讀女校習慣自己能力範圍內做到就做。
可以全班一齊在課室裡換PE衫，唔洗去廁所排隊換🤟🏻
果時做野冇理過男人點諗/點處理/要男人幫手
淨係以一件事黎考慮
大家都係女仔 大家平等
做唔做到係個人能力既問題
fun day上至搭棚下至小手工都係自己做
所有決定都唔會因性別而有分別
出黎社會先發現會要d女仔冇咁叻
能夠一個人撐起半邊天 又會比人話太強勢
以前從來唔知男人咁玻璃心
諗返先覺得女校就係比自己感覺到安全
至於勾心鬥角 我冇讀過男女校
唔知男女校d女仔賤d定女校d女賤d😂
總之我冇比人蝦 亦到冇見過人蝦人
小圈子一定有 但唔會欺凌人
最好既姐妹由中一識到而家 bbf
我聽d讀齋校既男仔fd講
再比佢地揀都係讀返男校
人生好難再識一班咁既兄弟
so do I