📌 請講出讀女校嘅好處。
共 59 條紀錄
學校會一直灌輸女仔可以獨當一面
冇咩同學會因為發育而寒背
冇人會評論或者議論女仔體型
M 到直接講，唔洗遮掩，冇帶都肯定有人借到
體育堂之後，個班房氣味依然正常
學校每一層廁所都啱用，有廁紙提供，唔洗排隊
冇人會話女仔數學差理科差運動差，勁嘅人大有人在
搬嘢可以自己黎，唔夠力咪搵多個 friend，唔會等任何“男性”去救自己
💁大個入職場初時唔發覺，以為 “個女人扮曬嘢，有手有腳囉，點解要靠人”
所以如果你眼前個新入職女同事若無其事咁肯主動搬嘢，佢 99.99% 係讀過女校 😂
男女校做到，同埋屋企獨女/大女都可以做到
唔同環境都有人做到，但我講緊係整體上邊種環境更容易培養到呢類人 👍
女仔係會笑人身材，但係“女校女仔”好少攻擊人地身材，男女校嘅女仔高機率啲。頂多未發育嗰陣笑人波大，但係呢個攻擊點去到中二三就消失。(女校咁多嘢攻擊人，身材攻擊 nobody cares 😏)
問 “聽落好正”，讀嗰陣可能覺得壞處蓋過一切好處 🤡
啲好處畢業後離開個環境先 feel 到，身在其中就唔太覺，可能因為大部份女校都係有小學部，12 年嘅環境，當咗一切係理所當然
若無其事咁換水，男同事：下 做咩呀 等我嚟丫嘛
女校畢業生：ok ar 搞掂啦
女校畢業生表示最後一句真！！！！！！
屌搬野咋嘛！有次我男朋友同我講有兩個二手木櫃（2.1m高）想拎返屋企用，問我call 車俾錢師傅叫人搬大概幾錢，我叫佢行開，我一個人搬到落貨車度😌
我讀男女校，但鍾意笑女仔身形嗰啲係女仔喎，我記得有個女仔仲話隻腳粗就唔好着裙啦，着褲返學好啦
班房有正常氣味係真係好嘅，啲男仔真係好臭
啱呀
女校畢業
出來做野有次喺office發覺部大printer 冇紙，咪走去搵箱A4紙拎黎入，點知成班男同事好緊張話呢d野等佢地黎做
我果下都R晒頭，換疊紙有幾辛苦呀？😂
我讀女校，我都係真係成左年出左黎先體會到受好心男仔幫助既好。
其實咁都好，女校既training會令女仔做野更獨立更勇敢解決問題，同時會更懂得感恩唔係理所當然既善意幫忙
Btw我都有段時期學習過提自己放手，接受下d男丁善意幫忙😂
因為開始發育，啲仔會笑女仔嘅身材，所以啲女仔寧願寒背同夏天都着冷衫遮一遮
我知夏天仲著冷衫呢個嘅
寒背就。。。
ummm，辛苦了女士們
寒背係一個記號
背負左好多好多唔同族既攻擊
先彎9哂
亦都係認反同族既一個記號
男女校畢業，其他不評論，但最尾個段不同意。Tough or not, 睇個人。
其實由細到大見盡男性的好與壞，對男人的期望值/戀愛值等會好低。
個個係到話男女校啲女都會自己搬重野
不如調反轉講，女校你試下嫌重 嫌攰 想嗲人幫手搬，你睇下其他同學會用咩目光望你。公主病係我學校係唔會出現，愈有錢愈有leadership 個批先係最會get their hands dirty 個批
讀女校的舉手🙋🙌🙌🙌
上體育堂成日都要搬跳高墊，
兩個或者四個人拎一張，
搬重嘢全部都係女仔自己嚟🙌🙌
男女校 上體育堂都係全部女仔自己黎
因為男女分開上堂
女校畢業🙋🏻♀️ 女仔之間一樣有瘋狂評價身材…
身材好嘅女仔有寒背+ 大熱天著冷杉遮住；身材唔瘦會俾人改花名
唔使讀女校嘅，係屋企係大家姐，或者屋企人唔理嘅獨生女，都會訓練到唔需要靠男人嘅性格
所以係女校開女仔不論大女定係細女都可以訓練到，環境塑造
男女校難啲塑造呢個環境
真，女校全部女仔更加會笑身型，大波會笑要飲奶，係咪塞咗個杯麵係入面
學校老師搬重嘢第一時間都係 call 男仔，唔會 expect 女仔幫手
即係櫃、鐵架、開學一箱全班嘅新書簿、活動重型物資
輕嘅物資先特別安排女仔攞
😂 女校娘娘都要搬嘢
原來女校都有娘娘架？😂娘娘唔係果d以為自己好靚，成日姣仔既人咩？
有！
鍾意照鏡，偷偷化妝，一見到男仔(街邊 or 友校探訪) 就發花癲抄牌 “好靚仔 😍”
只不過佢要扮柔弱，啲同學同老師都會一句 “又點吖”，冇人呵 🤣
一開頭出嚟做嘢
搬嘢嗰陣男仔話唔洗
會feel offended 😂😂😂
+1,一開始會覺得奇怪，心諗：你唔係覺得我搬唔起麻？之後：好，粗重野交晒俾男士，我慳返d力🤭
會咩？我最記得當年我最熟果幾個女仔frd，會主動同我講邊個女仔好大波，邊個女仔專門瘟仔，邊個女仔發姣。連邊個出黎賣搵sugar daddy都一清二楚
仲會自己換飲水機水，問佢做乜唔叫男同事幫手，會講叫得個男同事過嚟佢已經換完水
🤔我讀男女校，但係我以前返office 都係公司搬水個位🙂因為公司啲男人唔會搬水
最後一part真，然後以前公司係全女team加個貴公子gay，我係搬水個個 😌
唔會有人話女仔數理或體能差啲真係好舒服
見有個老豆當住個9歲嘅女面話女仔體能差唔適合玩籃球足球時我真係反晒白眼
+1, 個老豆係咪弱智架？體能好唔好，睇個人本身體質，或日常生活有冇運動習慣。咩性別根本唔關事
高中轉咗男女校，聖誕聯歡要搬書枱，我一嘢自己搬，女同學話：「你做咩搬？男仔搬啦！」我黑人問號
慶幸我男女校，但我應該冇俾人灌輸過女仔弱d嘅觀念（又或者純粹係我冇聽）
細細個就覺得自己做好過等人幫（除非真係搬唔郁，不過我都搬唔郁嘅嘢我諗對男仔嚟講都會吃力）
細個做女童軍個帶隊老師成日叫我be a lady, 但明明童軍去露營啊繩結啊搬搬抬抬全部都係自己做，都唔知lady嚟做乜
咁我係o個0.01% 我係公司搬水 細個男女校 不過打籃球(但都係矮) 由細到大比人讚我好man比人懷疑我係tb 我話有男友仲比人話假的
依家有老公都係靠自己多 上2wk. 自己搬返好個洗衣機(係露台幫佢加高脚)
0.01% +1
單純覺得有手有腳無必要要“男人”幫
冇人會評論女仔體型？你係咪未見識過啲是非八婆有幾八，女校啲女仔先最鍾意品評人哋身形樣貌行頭….
Edit: 小學中學都係同一間傳統女校
真 女校撚真係會自動自覺搬嘢 換水
雖然討論體型嗰part唔認同 女校啲是非多到每個禮拜出到本八卦雜誌
我是女校，真的是開心，什麼也方便！不用扮靚，只顧讀書和玩！之後去美國升學也可獨當一面！
我唔係讀女校都做到獨當一面，反而我聽過讀女校都係有欺凌問題
除咗唔討論體型
其他都認同
女人最鍾意取笑女人身材！
3 are you sure? 一樣係波大人叫乳牛平胸叫飛機場喎
應該係男女校嘅女仔用呢樣野攻擊人多過女校嘅女仔
都好少係攻擊成功，到中三以後就冇人用呢樣嘢攻擊人 🤷
反而可能女校女仔同 friend 之間玩下講
但我講緊係體型，即係生得高大矮小，呢個就冇點見過女校女仔咁樣攻擊同學
我同家姐唔係女校出身，但都係你所講既99.9%😆想講男女校既女生一樣會笑女生人生攻擊eg:矮瘦黑
所以係男女校嘅女生，而唔係女校係女生
呢啲人生攻擊唔夠攻擊，對於女校女仔冇攻擊性 🤣
女校環境特別容易做成，唔係環境獨有
男女校難啲達到普遍性