記得細個老闆好Nice 之後轉左一次手 新老細好似當全部人係賊咁😂😂好大壓力
嗰個老闆 唔知係咪新嘅, 然後我買咗佢嘅嘢 ,之後發現係爛嘅 ,然後我過去同佢講啦 ,佢就畀返啲錢我 ,之後無啦啦同我講 “你以後都唔好嚟呢度呀 我認住你個衰樣” 嗰陣我只有小學二年級。後尾先知原來佢係成日睇唔起啲細路 人哋睇太耐佢間舖啲嘢 佢就會趕人走🙄😮💨
呢間嘢終於執😭🙌🏻轉咗個新老細之後 細個小學比佢屈我偷嘢 仲叫我打電話叫我阿媽嚟定係話要報警 嚇到我喊到傻 從此之後對呢間嘢就有陰影 到而家20幾歲人都唔敢再行入去…完全童年陰影
建議受過妥屈既師兄約埋一齊去同老闆好好say good bye, 以德報怨🥹
我讀小學嘅時候好鍾意嚟買嘢
不過呢間嗰個老闆零舍奇怪，之前我入去睇咗一陣冇買到嘢，然後佢就好大聲講話“唔買嘢就走啦，阻住曬”。跟住有一次我買呢度嗰支原子筆啦。然後係爛嘅，喺我心中已經標記為劣質文具店之一🤷♂️🤷♂️
不是，據悉管理公司唔肯減租，要加租數成，令部分商戶不滿，管理公司寸步不讓，部分商戶坦言，若要加租就不做了
入佢間嘢買文具個老闆娘昅到實一實，當我係賊咁款
舊老細個伯伯好nice
新老細對夫婦個老公就成日覺得啲客會偷嘢😂
講緊屋企人由三四期起完就第一手入住到而家，轉咗老細之後我哋如非急用都唔會喺呢間嘢買
中一嗰陣我孭住個書包入去諗住睇吓同買少少嘢，點知撞跌咗佢少少嘢，佢就即刻同我講「你都係唔好掂啦等我嚟啦」，自此之後幾年都冇再入過去，費事又俾佢鬧😂
呢間嘢係買咗筆先至俾試筆，慌死你用晒佢啲墨咁
我以前住嗰邊已經唔係成日去，係有次要急住影印，問兩句已經態度勁差！佢啲野又賣得貴😑抵執啦
我小學嗰陣去買野個男店主態度勁差一入去冇一兩分鐘就會問揾咩呀（惡語氣）然後全程行都跟住我 個女店主就喺收銀度昅下昅下😂反正就係360度監視你。。之後就好少去買野
但我上到中學個男店主都係會企入面個角但冇兇人了😂我諗佢應該係覺得小學生唔會真係幫襯佢而中學生會掛 ´ᯅ`
其實附近已經冇文具舖，唔係幾想佢執，不過每次入去買野，果兩公婆都好似當我係賊咁，感覺好差，已經好耐冇去
未見過舊老細，但係之前去拎lingu interview嗰陣搵咗呢間文具公司幫我印身份證副本，好撚串
中學時lunch time日日去睇玩具嘅舖頭.
喺度見過皇帝龍裝甲嘅魔神英雄傳五機, 仙魔大戰閃咭, 當然仲有高達.
為咗儲錢買, 唔食飯去OK食杯麵.
變成叔叔, 終於見證佢結業🥲
係咪樓梯旁邊果間？如果係既我當年為咗抽EVA透明凌波麗卡，供奉哂全日食錢🫣
睇完d comment好似覺得大家應該特登入去恭喜佢收皮🤣
雖然呢間文具店啲風評真係麻麻，有啲師兄講過嘅問題我都有遇過，但係我最後買咗嘢都係冇事發生，但係如果佢執咗想搵間文具舖真係越嚟越難。
未去過呢度買嘢，齋睇comment。但係點解好多文具舖都咁撚串？
我以為得我一個比佢屌過 🙏🏻 中一入去掂佢啲嘢 佢係度話而家啲人無錢係咁掂人嘅嘢💀