頭先食阿波羅雪糕，前面個人嗰杯整得唔太靚（其實又唔係話好醜，只係最後兩三圈唔太平均塌咗啲咁），條友指住個呀姐話佢唧得樣衰，仲要講左幾次，呀姐黑住面叫第個人整我嗰杯，佢啲朋友仲指住我嗰杯話：「你睇下人地嗰杯幾靚，你真係唔好彩啦。」

我一野就篤散佢：「咪又係食落肚，咁多野講。」

買$40杯雪糕咁多要求，幾靚都要食架啦，又唔係唧到倒哂出黎，駛唔駛講咁多次，仲要係個姐姐面前講，勁冇禮貌😑

依啲人好L煩，你話少左2個圈就話姐

真係，佢係直程指住個姐姐講：「唧得咁樣衰㗎你！」

你隊得好，講左阿姐心入面嗰句
大把呢啲麻煩客

我去m記食雪糕，新手吱到成堆野咁，佢仲問我要唔要，我話冇所謂我係拎黎食唔係拎黎打卡

M記嚟講，我覺得只要唔係整到我成手係都可以接受😂😂

冇家教既垃圾 第時啱做某行業

想講佢係三四十歲嘅男人，仲要着住西裝😂

唔關幾錢事
出一件product出得唔好絕對係阿姐問題
無做好自己本份比人屌無得怨

你係咪就係鬧阿姐唧得樣衰嗰個西裝友？😂

佢咁有要求應該買多個

不過D阿姐係好參差, 唔係熟客會比細D
屋企附近以前有間做到執, 就係D阿姐問題

可能間間分店唔同，我食過好多間都冇問題

$40嘅嘢你想有幾靚？
仲要講嘢咁冇禮貌🫩

係咪鮮打嗰種？嗰種機出雪糕係咁，唔一定均勻，有時係斷開幾份咁出，未必怪得店員，何況條友格衰，杯嘢出得唔靚就啱晒佢

係呀

好似 日本 有間7仔 啫軟雪糕 姐姐 就係吱 唔靚仔 而賠罪 客人 而吱大份 變了景點打卡 🙈🙈🙈再對比多人嚟幫襯之餘，有計過同區7仔軟雪糕份量 佢嗌公司攞貨 2倍 ，當逆向銷售🤣🤣🤣

其實都係食落肚，唧得靚唔靚有咩關係

唔知以為食緊米芝蓮