香港有冇人男朋友、老公都係依種「吃光系男子」？
日本好似勁多，因為睇到超多篇
我真係覺得好不可思議
老實講呢啲人係咪家境唔好細個無飽飯食😹我覺得香港比較多係大家食唔曬互相推多過護食
真，重要法式吐司，2塊都飽。
我覺得無人正常食量咁大，肯定係貪心自己格硬食唔想分比人…
我先生有少少哩個傾向
唔知算唔算自私，但至少我覺得佢係冇心去觀察多啲四周
例如最近有一次，我哋一家坐埋開飯，我要餵bb食mum mum，完全夾唔到餸，只係開頭草草食左1,2舊肉就停左
咁我餵完mum再拎走bb去食奶，返到飯檯，全部餸都被先生同阿囡食晒，真係又嬲又無奈
先生話以為我坐埋一齊時有食，我話有食到1,2啖咋！睇吓我碗飯啦，幾乎冇郁過！😡
究竟係無心觀察定觀察力真係差到咁.........🙄
同埋有時佢剩係會夾晒自己面前碟餸，如果有菜佢又會係咁夾晒啲菜
佢聲稱自己無意識地會係咁夾自己最近碟餸，確實離佢遠啲佢未必會掂
講到尾唔好好地睇吓四圍環境先食係自私定點？
我見日本網民話哩啲男人只係睇唔起女人，如果對方係男人或上司佢哋點敢咁做
問吓先生，佢話以前同上司去居酒屋，試過「無意識」食晒佢上司點個份炸雞🤦🏻
佢自稱懷疑有輕微ADHD，可能係掛🤦🏻
日本同台灣都好似比較多呢種男人
一個人短時間食4,5件蛋糕/廿幾件壽司/全家嘅餸 睇到眼突
先唔講自唔自私嘅問題
咁樣暴飲暴食 餓鬼咁
佢地個胃應該遲早出問題 仲有糖尿😂
呢個叫自私，唔識分享啫🌝我日籍前度就係咁，試過係我買左一個撻，食完飯就放係枱，我去拎個刀叉，佢就自己開始食，最後我一啖都冇得食
但依家個日籍男友識分享，見啲餸唔夠就自己淋汁食，啲餸就留俾我🥹
除左自私，可能係教養同生活習慣啦？
但追根究底都係諗自己唔諗人啫🌝
精神病既話可能要睇返咩病，妄想症既就唔俾佢食？
點會冇，你標題冇寫😂
女版係之後會俾好多說話你聽講到唔係自己問題咁🫣
我老豆 成日食我啲零食
佢會what’s app講
「陳大文，我食咗你啲熱浪」
然後唔買返嚟🫠
零食我會收埋一份比自己
一份放飯廳
你老豆依啲算比較常見嘅自私例子（？）
佢哋尤其係日本嗰啲例子，係完全冇依樣嘢係其他人嘅、仲有其他人要食，連正餐都照係咁，完全不顧他人死活😂
我老公之前都係吃光系男子
食食下會進入忘我境界不知不覺就食晒啲嘢
偏偏我係直接系女子
我會喺佢食超過一半嘅時候，直接話: 記得留少少俾我
久而久之，佢依家永遠記得要留一份俾我同阿囡食
我老公好大機會係亞氏保加症，要佢主動留意其他人嘅需求再調節自己係好難嘅事，但如果以指令形式去要求佢點做，佢就可以好快改到。
佢係會勉強自己食晒面前所有野定係佢真係食量就係咁多？
只可以話: 佢仲食得落就會停止思考咁一直食落去
但我保證本身準備俾佢嗰份餐點係一定夠佢食飽
哈哈，我老公係呢種
我食嘢食得好慢 前排我食咗半個burger然後俾個仔叫我去整啲嘢 咁我去咗幫佢整
返去飯枱發現佢食完自己個burger之後食埋我個burger了........
我覺得唔小心 就算， 但佢會用 "我幫你清"用個清字我就好反感
食物我係鍾意享受慢慢食 用清呢個字好似講緊垃圾.......
佢啱啱放工返嚟洗咗手就坐低食😐
同埋佢食嘢勁快 通常我食咗四五啖佢已經食完
我阿哥就係呢種，佢鐘意食嘅餸會一陣颱風咁食哂，冇諗過留比我地
我阿哥exactly 係咁，細個喺屋企成日食大部分嘢，然後留低更少俾人(一啖)。
佢宜家成日語言暴力貶低佢老婆，成日鬧佢蠢。
呢啲男人唔要得，係自私底。
我明， 我會直接表達。
原因我相信是他們背後有個擔心他們吃不飽的媽，從小到大家裡有甚麼就用甚麼吃甚麼的習慣。 要教育～
我前男友係😂 見我食得慢佢會自己問都唔問就夾埋我果份黎食….
而家果個會分俾我食，好禮讓，食我d野前會問，食野會留返最好食同最大份既俾我🥹
我係包底嗰種食晒，同人食飯對面 / 大家投晒降我先開始隨心所欲去食
我前夫就係咁，夾餸飛象過河，食野只夾自己鍾意食嘅，（細個已經被教育要留返啲比家人）勁冇家教，但佢覺得自己有。次次食飯餓狗搶屎，我食得好慢，唔鍾意狼吞虎嚥，又要先照顧細路仔，到我開始食都已經唔係新鮮滾熱辣。後期我煮飯一律碟頭飯形式，好在而家婚已離，唔使煩
自私
細個食飯我老豆會係我碗度夾走d餸，我細佬枱面有咩就食曬，唔會理其他人食左未
佢連我媽坐月煲湯都飲到一滴唔剩，有時開飯撞啱我媽要餵奶，我老豆會食曬d餸留返d餸頭餸尾俾我媽
看人，要分食物的話，我遇過一個日男會讓我先吃飽才跟著吃。而且會夾餸俾我（日本人唔會，可能通常食物已經分好一人一set），佢係見我會夾餸俾家人朋友先學識咁做。
不過我知道他是少數🤡
我懷疑好多男人係咁，進食時個腦會閂掣，只剩返進食嘅本能。不過老公因為比我鬧得太多而家就好咗啲，食嘢時會諗吓留返啲比其他人
香港我未見識過，唔知關唔關香港人自細去茶樓被訓練睇人數嗌點心事
By default 例如蝦餃燒賣呢啲一人一粒，有人想食多就要問啲高級大人可唔可以嗌多籠
靜靜雞唔講就食的話可能會有人食唔到，然後全枱都知有人食多咗粒🤪
最慘係我鍾意食嘅會留最後食🥲
食完唔鍾意嘅餸🥲隻碟已經冇哂我想食嘅野🥲
我係食野好慢，但另一半係永遠發育期咁，只要開始慢落黎而佢已經食完，佢就會不停望住我D食物，一邊等我開口叫佢食，有時我唔開口佢會忍唔住夾，但其實我未飽
仆街，一巴拍埋去，然後bye bye Thank you next