📌 香港真係一個好富裕嘅
共 66 條紀錄
香港真係一個好富裕嘅地方。 復活節出國旅遊香港機場人山人海，就咁睇訪問呢位小朋友嘅言行舉止，應該係一位中產嘅小朋友。 佢已經可以好霸氣亦都好真誠咁同全世界講，去旅行去得太多已經冇乜感覺。 年紀小小，真係世事已被佢看透😮💨
須知呢個世界，就算係美國日本先進國家，都有好多成年人從未申請過護照，即係成世都冇出過外國旅行。 只有喺香港，一個細路已經可以喺出國旅遊老江湖，香港人真係應該驕傲㗎🤫
之前我睇中東嗰度打仗，香港有一團好似係小學六年班嘅交流團，去咗杜拜嗰度搞學習團差啲滯留當地，真係犀利。我哋香港小朋友嘅環球視野，即使中學都未畢業，隨時已經去過幾十個國家，呢個世界上有乜嘢地方會有呢啲咁嘅高層次教育？ 所以話香港生仔，少個錢都唔好生，如果唔係你細路點同人競爭？點樣贏在起跑線？
大家點睇，不妨分享吓☺️
其實咁係咪好事？我覺得唔係，帶埋仔女出國旅行，其實一家人玩係好開心嘅事。 不過如果去得太多，你會令佢將來對旅行嘅興奮同埋渴望，大幅減低，變咗好似呢個小朋友咁講，去得太多已經冇感覺😮💨
香港嘅中產，真係會同仔女去好多地方旅行。不過好多香港嘅中產，其實心入邊係冇乜安全感🤫
其實有時放假真係唔使出去旅行，旅行反而仲頻頻撲撲個人好攰。 喺屋企睇書打機睇Netflix完全躺平，都係一個唔錯嘅休息。我鍾意睇歷史書，可以發掘好多從未聽過嘅歷史故事，有時同出去旅行嘅新鮮感都好接近👇

放長假就算唔去旅行，留喺香港匿喺屋企睇吓書睇吓Netflix煲吓日劇，都係唔錯嘅休息；睇咗咁多日劇，我有以下感想👇
香港小朋友去咁多地方旅行，屋企點都要係中產啦。 其實而家真係幸福好多，你睇吓下面篇文章講述清朝末年陝西女首富，就算佢幾有錢都好，成世都冇出國旅行，我懷疑佢泰國都冇去過🤫
而家 21 世紀去旅行，同晚清時期出外旅遊嘅成本，似乎無咩可比性 …
咁我摷吓床下底，睇吓有冇收埋以前細個儲埋嘅Pokemon咭先，中唔到頭獎都希望中返個安慰獎，話唔定而家值一兩萬蚊，即刻賣咗佢攞去旅行☺️
下次出去旅行如果玩潛水或者浮潛，你或者會撞到聰明嘅魔鬼魚，游過嚟同你打招呼㗎🤫
有個錢比多啲資源小朋友先好生，所以呢件係好事。
窮到瞓劏房耒啲就真係咪鬼生，累埋下一代。
其實美國和日本地方大，资源豐富，根本不用出國也可游山玩水，香港人要出國旅游，因香港细，要去另一個地方才可放鬆
因為香港本身都冇乜野玩啫 有一部份人企硬唔會返大陸 加上普遍鄰近東亞國家嘅消費物價都比香港低 先多人出去玩 日本美國可能人地本身國家都多野先可以唔使出國都開心放假
中國地方都好大，不過啲人都係好鍾意出去旅行。以前好景嘅時候，全世界各地都係中國遊客
我反而會鬧點解而家香港仲係上世紀80-90年代嘅邏輯「搭飛機等於有錢」
呢個係香港嘅問題
搭飛機本身應該係=坐直通巴返大陸咁平/普及
喺英國歐洲人地個個 £15 已經一張機票，坐飛機去旅行根本唔係啲咩，直程只係茶餘飯後消費
亦唔覺得去旅行有何原因可以代表「有錢」
至於美國/日本人哋根本大把資源喺自己國家旅行，都唔使去外地，但人哋境內都已經搭飛機十分普及
講到尾都係香港邏輯畸形
其實依家去旅行嘅成本無我地細個時咁貴，好似我咁，係上一代小朋友，長大後搵到錢想去多啲，有小朋友後就自然想帶佢哋去多啲
但我自己都唔太想比貴嘅遊學團，比小朋友去一啲離地地方，好似去咩瑞士／南極考察，等等
感覺要留返啲地方等佢哋長大後自己探索會令佢哋更難忘
但一般家庭遊我一定堅持最少一年一次，暫時大仔15歲仍然每次同我去旅行都係開心期待嘅
係呀，我自己都好期待架
真係唔知要去到咩情況小朋友先會講，覺得無咩野
時代唔同，宜家香港好多小朋友一兩歲已經有得坐飛機去旅行…. 比著以前真係出嚟社會做嘢搵到錢先至有機會第一次搭飛機去旅行…..
你留意下， 搭地鐵搭巴士， 好似個個女人都拎住個 chanel , LV , Celine, 閒閒地都兩三萬以上， 好普遍。
香港人有錢全世界都知.
全球百萬富翁(美金) 排行榜, 香港已經好多年keep住喺 top10.
我以前個中學同學住house , 屋企有部lift😂
其實係咪老一輩先覺得旅遊搭飛機係好大件事，啲傳統電視台每逢假期都報道港人外遊情況，將件事放到成新聞，而家飛台北都係一千，飛轉外國有幾難？有幾大件事？
報道香港人長假期外出旅遊，已經變成咗行禮如儀嘅新聞
係咪佢老竇老母成日都係去日本所以冇感覺咋，我細個都成日同父母去旅行，依家大個咗一樣咁鍾意去旅行。
香港真係好兩極，好多人個個月豪遊，又有人話兩餸飯貴？
而家啲家長好多覺得小朋友去旅行喺屋企經濟有能力嘅象徵, 其實你帶小朋友去郊野公園效果差唔多
好多小朋友根本唔鍾意同父母去外國旅行，24小時管住晒
使乜中產？而家新界公屋街坊小學都大把歐美澳紐遊學團。例如你講嘅差啲滯留中東嗰個小學遊學團，係沙田禾輋邨嘅小學。
以前中小學生旅行，就係去郊野公園Hea幾粒鐘，最巴閉就係小六畢業營，去海洋公園都已經係想像唔到嘅終極天花板及奢華。
所以點解有啲傻閪仲話以前小朋友幸福過而家，而家就慘過梁天來….🤦🏻
香港收入高+假期多，港元又掛美元，所以兌換外幣有優惠
所以有錢人先唔會細細個㧬個仔去外國，如果有錢、有外國國籍，培養最醒嘅小朋友非喺香港莫屬
美國唔知，日本人好多都唔太喜歡去外國玩，原因是語言同性格問題，而且自己國家咁大大把嘢玩
以前泡沫經濟嘅時候，全世界到處都係日本遊客，其實佢哋不知幾鍾意出國旅遊。 而家日圓跌到咁低，加埋泡沫經濟之後仲未完全恢復到，所以世界各地日本遊客先少咗咁多
香港好多小朋友
一年出過四次
10歲隨時已經去咗四十次旅行
何止旅行，香港有好多遊學團，交流去歐洲。小朋友好多經常飛，都真係富裕。
20 年前annual income 1mio 也沒有膽量去生😂 no kidding
我諗好多香港人鍾意去旅行減壓，到結婚生仔後順理成章帶埋小朋友去。小朋友真誠分享去到無感覺，父母要諗諗點樣令到旅行同平時生活唔同啲，每一個旅行都可以整到特別啲，考父母啦🤣
應該諗吓，一啲旅遊目的地小朋友會鍾意嘅，例如日本嘅迪士尼樂園啦。 小朋友未必鍾意去景點影相或者淨係食壽司㗎
最理想個行程岩小朋友又岩大人🤣或者叫小朋友一齊計劃行程，令佢覺得自己有份去計劃旅行，俾佢發言權😛
去到外國，咪又係係酒店餐廳到飲飲食食買嘢。問佢地香港有幾多區，佢地應該都唔知。