📌 點樣先可以做到冇咁介
共 28 條紀錄
點樣先可以做到冇咁介意人嘅留言/評價？
其實公眾人物/KOL都好犀利，因為一定有人唔鍾意佢，或者有d負評係指責佢觀點/貶低佢。
我男朋友就話唔應該在意佢哋，而且唔應該分享自己感受，唔好回覆就唔會唔開心（佢T），但對於一個好F嘅我，有d難做到。
因為我自認係一個三觀算正常嘅人，唔係完美但我相信冇「人」係完美。而且我每次寫一d自己心聲時都會思考好幾次，我嘅用字係咪唔啱，會唔會令人誤會我意思。（可能最後都有誤會都唔定）
但係見到有人指責/無理批評都會覺得唔開心。
明知唔應該在意但係果一下會有一個嬲嘅心情。
而且好似冇人支持我嘅感覺再加深咗我嘅唔開心…（連身邊嘅人都唔支持我，覺得我有呢個煩惱好無謂，所以我依家都唔問佢意見了🙃）
雖然我可以睇其他嘢分心忘記咗，但係如果有類似情況發生又會有翻果種感覺。有咩諗法可以令我真正唔好在意呢d負皮呢？真係由得佢哋鬧（當佢哋狗吠咁？）🧐定係比人鬧多d就會冇乜感覺？對於呢d負皮應該唔回應定搞笑回應定串翻佢講粗口低水平？
啊啊🫠sor for 1999
一開始可以抽一兩件出嚟鞭，往死裡打鬧，出咗氣先。「唔應該分享，唔好回覆就冇事」就典型係傻9駝鳥人（對唔住？），佢哋永遠唔係解決問題，而係解決人。
慢慢慢慢，你就會發現呢啲人其實好多，好多人所謂「指責／無理批評」都係反映佢係一個點嘅人。
好似之前我分享話見到有人跌咗錢唔會執，結果就有個人話「有錢都唔識執」。問題唔係在於執定唔執，而係你要有正理價值觀同心態。枉佢仲話自己喺新加坡賺咗啲錢住間小屋，我反問佢知唔知新加坡總理李光耀係一個點嘅人？如果冇呢種高尚嘅人佢今日何來住到新加坡小屋？佢又答唔到。
到最後你會打從心底憐憫佢哋，憐憫呢啲可憐又可悲嘅人。如果活得開心、活得清醒、活得自在，根本唔會到處去否定人、批評人。根據8/2法則，呢80%傻9其實係好可憐。
當你選擇一條同其他人唔一樣嘅道路，當你選擇用更高標準要求自己，你就必然會感到孤單。
「沒有人能準確評價比自己更出色的人，所以我們從來不徵求庸者的意見。」
順帶一提，你活得真實就要同有深度嘅人相處（唔係同你講唔好乜唔好乜），佢哋有能力可以幫你解惑、釋疑，否則你會很痛苦。
知道自己為了什麼而忍受，到最後就受無可受了。
「出咗氣先」我有d保留，因為我之前試過同佢理論，跟住我有少少怕我仲更加在意佢回應（第二次佢回覆我就冇再回佢了）
不過你講得好啱，如果持續進修自己思想，可能有一日我可以做到對住個指著我個鼻話我唔啱嘅人，我可以微笑同佢講「你講得啱」😆
一次生～ 兩次熟～三次冇所謂～
比人鬧得多係會開始慣🤣而家比人公審當食生菜🥬🤭～有時仲用小號第三人稱食返自己🥜～
鬧你因為在意你～有存在感, 有流量～鬧都唔鬧，唔理你仲恐怖～～
有時可以唔回覆～冷處理都係處理嘅一種，但我通常用花生友口敏鬧交🤣🤣
我又唔想為流量而比人鬧，我寧願佢哋唔理我。
不過我都明白可以用呢個方向諗（紅就是非多），咁諗好似可以理解點解有人會唱衰你，可能係唔理解你點解咁多人like。可能咁樣諗會冇咁唔開心。
以前睇李天命講人生哲學，有個概念叫心靈金剛，我覺得好受用。
你以想像幾個情況
1。你去教一班幼稚園小朋友計數，但畀個小朋友無端端話你唔識計數。正常人唔會嬲，只會覺得佢唔識嘢／亂講嘢。因為你堅信自己學識比幼稚園小朋友高幾個次元。
2。你喺某方面好有成就，有獎有人認同，某日畀個一開口就知佢只係個一知半解嘅盲毛。你唔嬲係因為你知道佢講嘢冇道理，其實呢個情況，攻擊你嘅人其實同幼稚園小朋友冇分別，只係換咗個成人身體講幼稚園程度嘅嘢。就算大家都係成年人，知識／學養／境界都可以差天共地。你認知道呢點就唔會畀人輕易觸碰到你。
3。對方係同你程度相近又點？當你畀人有理有據挑戰你講法做事有錯，你唔會即時有情緒，反而從佢提出嘅理據去改善，修正自己。去到呢個呢個程度，你嘅自我完善＞保護自尊。世界科技巨企嘅高層都有呢個特質。
你男朋友同你講嘅嘢其實反映咗一個好常見嘅誤解，以為「唔在意」就係最好嘅解決方法。
當你每次見到負評就嬲，然後又鬧自己「我唔應該嬲」，你其實係同自己打緊交。你一方面有情緒，另一方面又否定自己有呢個情緒，咁樣只會令你更加辛苦。
你會在意其實好正常，因為你重視人與人之間嘅連結同理解。你寫嘢之前會諗好幾次，係因為你想被理解，想表達得好。所以當有人誤解或者無理批評，你會唔開心係好合理嘅反應。
問題唔係你太敏感，而係你要問自己點解某啲批評特別觸動到你？
有啲批評我哋睇完就算，但有啲就會好嬲好介意。
通常令我哋介意嘅，都係因為佢哋篤中咗我哋內心深處一啲唔確定嘅位、一啲我哋暗地裏都有少少擔心嘅嘢。
所以下次當你見到負評好嬲嘅時候，試下唔好急住分心或者迫自己唔好諗，而係問自己：「點解呢個評價咁觸動到我？佢講嘅嘢，係咪啱啱係我內心都有少少擔心嘅嘢？」
呢個唔係叫你認同啲無理批評，而係透過呢個過程，你會更加了解自己，更加清楚自己真正嘅價值同立場。
當你開始更知道自己係點、自己嘅底線係咩，啲外來嘅聲音就會自然變得冇咁重要。
唔係因為你扮唔在意，而係因為你真係知道自己係邊個，唔需要靠其他人嘅認同嚟肯定自己。
至於應唔應該回應，我會建議如果你回應係因為想澄清誤會、想表達自己真正意思，咁就回應。
但如果你回應只係想為啖氣，咁就唔好回應，因為呢啲對話係冇建設性嘅，只會令你更加嬲。
祝你更加了解自己，eq越嚟越高。
好詳細！多謝你啊🙏🏻
我諗最初我係澄清嘅，不過都係比人話第二次我就唔想回應佢。但係我就自己反思係咪第一次都唔應該留言呢？同埋d出名嘅人俾人話係點樣可以忍受俾人鬧（因為聽講好多youtuber都會有一段時間有抑鬱症）
但係Threads嘅你地俾咗建議我，都好有用！所以我都諗明白了！✨✨
純粹想講唔關T/F事，我T都會因為人地點講而唔開心
哦 原來係咁！因為我男朋友話佢唔會唔開心。其實可能心底裡佢都係唔開心，但理智洗咗自己腦，所以就同我講唔會？🤔
會唔會令我加涷飲會再加30蚊
唔會理黎做咩
另外就係我知道我係點的人
他人對我的描述只係我的其中一面
不知者不罪
利申infj
我身邊有兩個F人都完全做到唔care無謂人既感受，感性而不感情用事，佢地知道自己目標係咩，只要果d評論唔影響佢完成目標佢係唔會理。
但佢地係取向上本來就唔會揀kol呢d會聽到好多意見既野黎做，越想出名(?) 既人就會越在意人地睇法
我諗我唔係想出名，但點解我會太在意人嘅睇法？我諗我係有d性格缺陷😔希望人地理解我諗咩，如果有人認同，我會好開心（呢個係我分享寫嘢嘅目標）。如果唔認同並理性分析我都Ok，但係如果嚟同我對鬧我就會有d嬲（溫室的小花？）
希望我好似你d朋友咁可以搵到自己嘅辦法啦，多謝你🙏
咁你會重辛苦，人地想出名係為左賺錢，只要有部分人認同肯比錢就ok。但你毫無目標寫野上網，網上就係咩諗法咩層次既人都有。唔認同你係常態，智商相差30以上就直頭無法溝通，即係佢覺得有理有據既反駁，你會覺得佢九唔搭八。
簡單啲講，如果有人毫無理據咁攻擊你，你要知道佢係弱智
好明白 我自己都成日會好在意 我覺得好難做到完全唔理 因為至少我做唔到 但我嘅做法係嘗試分番開有理同無理批評 真係無理嘅我多數會同朋友講完or做其他野發洩咗佢就算
同埋都要分清楚個個留言/評價嘅人本身同你嘅距離 如果佢本身唔太熟悉你嘅話其實好大程度佢嘅評價都好難真係好合理 尤其係網上嘅 大多數都可能係佢自己嘅情緒宣洩 當然我自己都好難做到每個都可以咁樣無視 如果真係冇辦法就唯有睇少啲
希望幫到你🫡🫡🙏🏻
咁又唔係唔可以無視嘅，我可以做其他嘢分心，跟住會唔記得🤣
不過我當下嬲，我諗緊可唔可以避免埋呢種（比人話有d似火燒心）嘅感覺。所以就覺得KOL明星之類好叻。
我覺得好難 始終人點都係會有情緒 最緊要明白自己因為咩而有咁嘅反應同識得點去面對就已經好足夠🙂↕️
佢哋批評你，係因為佢哋只係睇到表面，唔認識你嘅全部😊 
我都會在意別人嘅評價🤔 但只在意真係認識我嘅人對我嘅評價，因為佢哋認識我亦真心想我好，所以評價先有 value、有份量，先值得我去重視😊咁諗會唔會好啲？🤔
好！每次我見到/聽到人地對我嘅評價我都會咁樣諗一次，希望我之後都會記得，多謝你！✨🙏🏻
寫多幾次
在意多幾次
然後就開始麻木
再然後就開始睇唔入腦負皮...
呢啲係自我保護機制
如果你有需要面對
就自然會發展到出嚟
如果唔想面對
其實唔寫咁多感受
唔上咁多網亦幫到你
衰人都唔係好多姐，起碼threads嘅你地都好好，幫我諗辦法。☺️
不過我希望有一日我唔係慣，而係學識應對，真正唔在意呢d同我持相反意見嘅人✨。
其實你會唔開心係好正常，
因為你在意自己講嘅嘢同別人感受。
有啲人係為咗流量係鬧你㗎，因為你有流量😂
唔需要逼自己完全唔在意，但可以簡單分三類：
1️⃣ 有建設性 → 吸收
2️⃣ 純發洩 → 略過
3️⃣ 惡意攻擊 → 當噪音 block
就其實唔會唔在意，純粹係搵唔同方法發洩，無人鍾意比人誤會🚬
尤其係大家都對唔同事情有不同理解既時候，好容易會出現好多落差。
我自己會分返清楚邊種係用情緒dum你，邊種係真係想理性討論。
重點係，無人可以做到面面俱圓，都同時無需要取悅所有人。可能係我咁諗所以幾難聽既說話都暫時可以過濾到😂🤌🏻
喂我明你喎，啱啱先人炸完😂
唔需要冇感覺或者麻木，回覆可以搞笑又得，理論又得，得啖笑又得，甚至hea佢都得，覆咩都唔係重點，重點係你唔會因人哋講咩就影響到你，你唔係引戰，你做你自己認為正確嘅事就得，be firm to yourself