📌 點解啲男權男一講到男
共 30 條紀錄
點解啲男權男一講到男性本身, 佢哋就會轉換話題想將個focus擺返喺女性身上？
我聽得多男性困境, 其實講多啲作為男性嘅好處，都幾好呀
點解你哋啲男性唔想畀女性了解多啲？
生仔女好自然跟自己姓。
跟自己姓感覺梗係好過跟其他人姓，
咁先似係自己人，自己嘅下一代。
出軌睇女叫雞被列為天性，就算真係唔妥唔啱，都有大把人包容自己，自己唔使出聲都大把人幫自己講埋藉口，做呢啲行係理所當然，仲大把人捧場讚我識玩。
就算老婆都有返工，我肯湊下仔做下家務就有好多人覺得好老公盡責爸爸。當然老婆湊仔做家務就天經地義，仔女有咩，啲槍頭都係指住佢，唔係指住我。
有返工我阿爸阿媽就覺得我好盡責，如果我有乜做錯出軌玩女人，阿爸阿媽只會話老婆唔好，無專心照顧屋企，無滿足我，而唔會話我做錯。
大安旨意老婆招呼埋我阿媽阿爸，佢招呼唔好，阿媽都係出聲話佢，唔會要求我招呼。但我對老婆屋企人又唔使咁好招呼，做返自己就得，反正我有返工，有地方俾老婆仔女住，佢哋無得嫌我。
就算我蠢過我老婆，講嘢無邏輯，脾氣爆炸過我老婆，啲人都係覺得我聰明過佢，情緒穩定過佢。就算屋企搬搬抬抬細微裝修都係老婆自己一個人搞掂，其他人都以為全部都係我搞。無辦法，呢啲係其他人覺得嘅男人天性: 邏輯好，做嘢聰明，體力好，負責粗重事。事實上，我老婆好捱得，反正我似少爺兵，大佢5年都要佢指點教導返我轉頭。
我估計就係如果不斷講作為男性好處既話，對於支持男權既男性（認為在社會上男性比女性有更多困境）依啲其實係一啲不利自己既論點。想自己喺性別議題上有利啲，梗係提及多啲自己既困境同對手既優勢啦。講自己好處對佢哋嚟講冇好處🤣
選你正解, 男權男都知做男性有咩好處, 只係唔講出嚟😬, 唔講出嚟唔代表唔存在
喺未搞清楚作為男性女性 , 喺社會上有咩好處壞處之前, 想要有意義嘅討論都好難😮💨
但係你咁講搞到其他男人唔敢答我😈
你個po無流量啫🤪
講返正題
我講我自己作為男性既好處又可能有啲偏頗
真係要講全體男性相對女性既好處其實大家應該都諗到
生理：小便快+方便, 無月經, 肌肉比較發達（應該）
心理：比較擅長邏輯推理, 情緒波動比較少（應該）
社會：高薪要職以男性為主
等等等等
不過我個人認為就算列晒男女性嘅好處壞處都好難討論究竟男定女「困」啲
因為呢啲嘢好難量化去比較
分分鐘最後可以係單憑「生命至上」
然後剩係因為男性平均壽命短過女性
所以男性比較「困」
又或者因為「金錢至上」
然後剩係因為女性平均收入少過男性
所以女性比較「困」
依個又係一個可以寫篇論文既題目
師兄你既觀點很有趣 , 某程度上係可圈可點, 但係我需要啲時間搵資料去回應, 請你耐心等一等😌
其實人哋已經答咗你，佢覺得男人同男人之間嘅溝通簡單直接，無需多花力氣
但係明顯你冇盡你最大嘅能力去聆聽對方真正嘅含義係乜嘢，你選擇咗去否定對方先，咁你又何苦要去聽人哋覺得做男人有咩好處呢？
唔明你又要問，問完又要賣弄聰明，仲要串人哋表達能力，其實你搏咩啫？
若果人哋好似你咁答我, 我唔會咁嬲, 最少你講嘢on point, 只會議事論事, 唔會扯到去女人身上
回歸正題,除咗男人溝通簡單直接呢個好處之外, 你知唔知道做男人有咩好處？
其實知道異性既好處壞處有咩用？又不會變性成為對方，只會引起男女對立
俗語有講知己知彼, 我可以了解男性多啲, 你可以了解自身優勢多啲, 何樂而不為？
作為男性, 你可唔可以同我分享下成為男性既好處有啲乜？
既然都冇人答你，不如你拋磚引玉講下你覺得做女人有咩好處先？
畀我哋男人了解下你自己覺得自己有咩優勢都好。所謂知己知彼嘛。
想了解什麼？作為男性的好處？
最大的好處就係可以企喺度尿尿。
仲有咩想知？
Give me everything you know
男性最好既地方係少說話多做事，但你地唔識欣賞，仲覺得三個女人一個墟係善於表達，而男仔普遍都想你地靜少少。
有好多野係唔需要畫公仔畫出腸，但唔畫埋條腸出黎，係地唔明，仲會嫌人地講唔清楚，但我地男仔其實覺得好肉酸。
你講嗰啲， 男女都會出現，我歸類係人嘅問題
好多女人都攞你既論述嚟鬧男人
女：點解個男人要畫公仔畫出場先至聽得明🤬咁樣
男： 點解啲女人要講啲唔講啲, 直接講咪得囉🙈
零分！重作！你講俾我聽作為男性有乜嘢好處
三個女人一個墟點樣男性都有😂唉，我又畫公仔畫左出腸，而你又唔明
我都係慳返啖氣暖肚好過
三個男人一個墟男人都有 , 英文叫sausage fest
正呀巴打, 番號幾多？🤭
男人生活上遇到乜嘢困難，得兩個字：「死」「撐」
頂得住，撐！
頂唔住，死撐！
真係頂唔住，死…..💀
根本冇人想理解男人有幾辛苦，你做到係應份，你做唔到只會被嫌棄🚬
我能理解男人死撐既壓力可以有幾大, 我救過係絕望邊緣既男人, 男人更容易比女人孤獨係真☠️但係呢個係社會文化造成, 我深表同情
回歸正題, 除咗淨係講做男人既cons, 其實有冇pros 呢？
唔好意思，喺香港，做男人接近冇pros, sad but true
假設你的「作為男性的好處」是指「在父權社會之下男性的社會性好處」，那麼你的問題本身就不可能能得到一個答案，因為這就是一個偽命題，一個在社會中能得到一般意義上的、父權社會男性紅利的高級男性，他的紅利或權利往往跟他身為男性沒有強相關，而是跟他的資本量有直接相關，只要你把他的性別換掉，他還能夠繼續做他在做的事嗎？大多數還是可以的；但如果你把他的資本拔掉呢？那基本上甚麼都沒了。如果一個男性能做的某件事，不是單純因為「身為男性」這個變因而成立，那麼這就不叫「身為男性的好處」。
如此篩選後，基本上男性的好處就只剩下生理上的優勢了，例如男性的平均體能比較高，能夠因此從事更危險、更辛苦但更高收入的生產之類。
然而些種優勢，通常不是這種問題想問的東西，在男性沒有任何司法豁免權、也沒有任何法定特權的情況下，所有的社會優勢，其實都是「共識」出來的，而這種東西再多人給也好，只要當事人的另一方不給那就是不會成立，那這就不叫男性的好處。像是一般想像中的女性好處「騎士精神」「男性約女性出門就是要
full pay」我也不認為叫女性的好處，因為只要我不認同，那這東西對我來說就是不存在的，而法律賦予我不認同的權利。
男人話自己溝通簡單直接, 但係你要我用傳心術知道你諗緊咩就已經唔係簡單直接😬
我覺得係咁🧐因為男人一直被教育，特權背後就係要付出一定代價，如果你證明唔到背後有代價，你就唔配擁有特權。係男人世界，你就係要證明到你好努力所以先成功，你嘅成功先會被尊重。所以男人先對被指有特權咁敏感
生活wise
大力啲，容易啲練負重
Generally體能好啲
去廁所快啲
直腸直肚，溝通直接
冇咁易成為仆街仔嘅target
唔駛嚟M
已緍父權撚wise
唔駛生仔
生仔跟自己姓
家務照護default俾老婆做