點解有啲人上到大學都會讀中國文學？
究竟文學有咩吸引到你？
出到去社會，除咗做老師搵食之外
仲可以做啲咩？ 係咪可以出書呀？
認真答你
因為真係鍾意中國文學
畢業出嚟冇教書 做咗其他工 一直都有keep住進修/學嘢
會話感激大學五年讀嘅嘢令自己而家即刻迷失都有啲嘢支撐自己思想
Ps 冇求自己大富大貴 只係想對得住自己咁生活
可唔可以請教下，鍾意中國語言同中國文學，但係冇入大學，三十幾歲，可以喺邊度進修返相關嘅學科？
可能會有大學收你做mature student
但詳情要等其他人答你
再唔係可以上網搵hku中文學院嘅課程手冊望下，每個course都有reference書睇
依家要湊小朋友，應該都唔會再讀學位，都係諗住為興趣讀啲相關課程進修吓，謝謝回覆👍🏻☺️
讀呢樣嘢讀到Master嘅表示：
為興趣，文學世界好大，讀文學唔可以淨係讀文學，要對文化思想、語言、歷史、哲學有所了解，先會融通。 如果以上呢啲範疇嘅知識係吸引唔到你，咁真係好難讀落去😂
的確好多人選擇做老師，但其實都好多嘢可以做，人工高唔高係另外一件事😂 我自己就做緊啲好乞米嘅嘢嘅🙂↕️出書同讀咩係冇乜關係，今時今日，香港出書都好難賺錢，主要都係為興趣
你一定好年輕。
少年，大部份嘅大學生畢業都唔會做返本行，讀咩科都只係一個啟發你思維方式嘅鎖匙，條條大路通羅馬。
睇嚟我認識嘅人都係小數群體，大部分讀完都係做返本行。
樓主嘅問題applicable to 大部份大學科目, i.e. 樓主純粹針對/睇唔起文科人,
香港來講, 大部份大學生major=/=畢業後工作,
就算fresh grad已有工作, 亦唔等於5-10年後仍係呢個行業
文學係讀唔成書嘅人先會揀，中文作為母語個個都識聽識講識寫，基本上可以話毫無門檻，完全唔係啲咩值錢嘅技能
有頭髮冇人想做癩痢，有牌專業科難入難出，絕大部份人都入唔到/讀唔嚟，所以佢地嘅技能值錢
鐘意中國文學，不過讀中國文學之餘，最好搭多個搵食科。
填詞 (林夕2.0)、 KOL (ben sir 2.0)、補習天王(林溢欣2.0)、教授(何文滙2.0)
因為年少，因為無知
但出到社會其實無人care你咩科，你有咩技能先重要，而咩技能同咩科冇直接掛勾嘅關係
中文文膽係技能之一
文膽會係市場營銷，文案設計相關行業
去外國大學教書？好多外國大學都有研究中國語文及文化嘅學科，第二d語言都有，仲可以攞奬學金讀埋博士㖭。
至少可以用自己興趣去取得大學證書，不枉此生。然後可因際遇而去進修其他學科。
自從AI出現咗
「中國文學」呢四隻字可以換成任何一個科目
大家樂個CEO都係英文文學畢業，訪問佢時佢話對marketing PR 同事係會有幫助
以前係香港報 A level, 我最想讀 Pure Maths + Applied Maths + Physics + 中國文學，但係無學校畀我咁㨂。
學習文學是學習欣賞、了解作者當時的心情、背景、遭遇。
這種多方思想、換位思考的意考模式，相對於只有對錯的理科科目，是不同維度，社會上需要不同的人才，才會進步。
我知道文學路難行，而且世人普遍都覺得文學無用，但我都堅持用自己方法保護文學。
唔係每個人選科都淨係考慮讀完出黎做咩，人地揀得，你亦都唔使同人擔心，唔係個個都要讀護士，畢竟人各有志。
即係咁講，而家讀大學都唔一定搵到食，讀文學可以係有興趣讀，又可以係有能力讀。其實科科都係咁吧
深入研究、學習一樣自己喜愛的學科，是滋潤心靈的事。心靈得到滋潤，能夠讓你在遇到壓力時、想有me time時，躲進去休息一下，叉一下電，之後再出來面對現實。