📌 忍唔住想分享感受，
共 69 條紀錄
忍唔住想分享感受，唔打字抒發吓怕會有抑鬱——
今早和家人上福田，見好耐冇上過嚟就諗住陪吓屋企人，由到達元朗搭B1巴士，已經見到好多人排隊，嗰陣時係上午10點，見到好多一家大細，年輕情侶，長者群體，新移民家庭，佢哋全部都有說有笑，討論一陣食乜又去邊度玩按摩邊度平，我嘅感受好矛盾，我笑唔出，當時個內心係躺血、憤憤不平、又極度無助，我可以預視到嚟緊呢幾年，香港經濟係會崩潰，店舖無止境地執笠，公司不停結業裁員，失業率不停上升，人工肯定會降返落去，香港人不停用港幣外匯在內地花費，換返嚟嘅係內地人，連幾蚊支水都話買唔起⋯⋯⋯
我近10幾年都少上，見差唔多長假完，諗住陪吓屋企家人，新聞都知道北上嘅人好誇張，上到去係自己嘅感受啫
其實我嘅感受係，一段時間之後，很多實體店都不停執笠，外資國企都唔會喺香港插旗，失業率不停咁上升，人工一定會下調，金融房地產好大機會會向下插，負資產欠債全街都係，但而家真係未到死晒嘅階段，我唔係公職人員冇權決定，但不作為的改變下必定步入死亡，內心真的很無奈，個情況就好似明知父母有癌病你都要帶去醫院㗎，起碼都叫盡力，而家個情況係明知有絕症，依舊日日唱好吃喝玩樂，坐喺度乜都唔做，等待快速死亡，
仲好似講到自己好委屈好勉強咁，其實本身中意到不得了
其實
廿年前都係咁樣返大陸fing錢
宜家個問題唔係班窮人（包括你我）去大陸振興人經濟
係冇左班有錢佬喺香港洗錢
我同你 喺香港咪又係食個40蚊茶記早餐 飲個特價下午茶 食幾十蚊壽司郎 買100蚊餸煮晚飯食 比埋你半年一部新電話又如何？ 你以為咁樣叫拼經濟做實事喇？
=
冇左班有錢佬買田買地起屋買奢侈品
經濟咪衰退囉 走左好多啦
近呢10幾年都少上，係今日長假，好耐冇陪家人就諗住陪吓佢哋
好心唔好講到自己好委屈又替香港好擔心咁啦！真係好鬼假呀！
其實，香港小店做唔住，主因係鋪租貴，成本高。其實天知地知人人知，地產霸權一直無停過。例如領展就係一個好例子，係要加租加到屋村鋪做唔住，寧願丟空都要加租。
當年講攬炒你估流架咩
再加埋班垃圾要刷鞋玩融合
求仁得仁啦 ya
我覺得，人應該係要振作，唔係話呢樣唔得嗰樣完㗎啦，雖然我哋沒有權，但做餐飲零售嗰類係咪需要思考一下，雖然為成本，佢哋好多員工都係外勞、新香港人，工作態度係次一級，業主們係咪亦思考一下，到時連三成租都收唔到，到揸權嘅政府係咪亦都要思考一下，到時連金融房地產都救唔返先開心，係咪真係要等死定嗰日香港人先至後悔
咪發夢，香港收皮係定局黎，其實香港對共產黨價值已經不大，香港人既無權改變，甚至香港兩個字已經係原罪，咪浪費時間諗呢d 無謂野
最怕就係香港啲貴租貴人工支持唔到好耐，到時理想嘅好地方都冇埋
假期呢幾日係香港：
1 去左「うなぎ四代目菊川」 ，個食物質素高，唔洗擔心食到大陸既孔雀石綠😏
2.正斗粥麵 ， 樣樣野都好食，個干抄牛河，雲吞麵水準之上
3. 囍雲軒飲茶 中等飲早茶都過得去😬
4. 日本餐廳- 穴 唔係咩高級日本菜，但味道唔差，起碼食物安全放心
返大陸食一d 表面好似色香味俱全既食品，其實是地溝油， 一滴香， 灌水牛肉。 大陸人唔怕死姐🙄 聞唔聞佢地身上好多人都有臭味？
囍雲軒我同你講 你都係放緊大陸野入口 😂 吾好懶清高啦（利申 ：識人）
酒樓一定大陸野，我冇要求100% 本港架， 但唔會食緊地溝油既、食得出
我今個星期都有去北京樓飲茶架，但點都有人挑機既
咁掂啦 如果你甘西利食得出有冇地溝油 其實返大陸食野個班人一樣食得出
你可以嘗試下返去食野了 因為好多都係冇用地溝油 放心食用👍🏻
其實我又冇攻擊你、你咩事要咬住唔放？我都係支持留港消費姐。 你唔鍾意，係要返大陸食你咪返囉？ 係唔係？
你都戇鳩，大把人去日本韓國台灣旅行，又唔見你話佢哋😄
幾十萬人攞晒全副身家移民去英國加拿大澳洲，你又有咩意見呀？😄
同感，45歲，公司今年會結業，即將失業，最近兩年特別擔憂
我都係4月2日被做了11年公司抄左，都係同你咁大。 冇辦法，到時咩都試下做或者做part time
奇妙，返日本話自己返鄉下，喺日本消費又唔見你憤憤不平、無奈、乜乜柒柒？唔喺香港消費唔會難受，喺大陸消費先至令小強心理不平衡啫
阿柒頭，我幾時話我去日本，你呢啲視野狹窄嗰啲，就唔好走出嚟柒啦
又係呢啲on9思維，我又要講多次，當99%嘅商人都將生産服務等移去成本低嘅地方，但偏偏就有好多你呢啲on9普通人去擔心商家賺得夠唔夠錢
係醒嘅就利用價差去減低生活成本，將慳返嚟嘅錢轉換成資産，一步一步脫離靠人工生活，再用資産優勢去勞役其他好似你呢啲人
討論一下啫，乜撚嘢on9思維，講到咁易，你有幾多資產啊？而家係個大環境，唔係個人呀，佢你個款都係啲網上懦夫
你鐘意點諗我就點諗我啦，反正我點講你都唔會信，你知個大環境改變唔到就應該更加要改變自己嘅諗法，喺現有嘅環境下去最大化自己利益，唔好咁理想化個社會，無人有義務去配合你嘅理想社會，而無配合嘅人就一點一點去累積自己優勢，到最後好大機會你會追唔到嗰啲人，識玩價差永遠都喺資本社會裏面行得順
我認為出文抒發一下討論一下，兩嘢就話人on9思維，世界答案並冇單一標準對錯，可能你有幾十億身家，請你尊重一下自己又尊重吓人啦
先講對唔住先，我認同世界真係無標準單一答案，但人哋一路慳成本賺盡，你仲擔心人哋賺唔夠，仲以為可以喺人哋手指罅中爭取到一點利益，呢下堅on9
其實你唔好被誤導港人北上消費香港先咁差、如果你真係咁諗你成功比人轉移晒視線、亦係政府最想見到既結果
其實早二三十年前香港人逢假期都大量北上消費、你查番政府資料、其實宜家北上人數都未追到以前高鋒、咁點解果陣香港又咁好景？樓上有人講得啱、香港經濟從來唔係靠班窮人(包括你我)去維持、而係一班中產/有錢佬/註香港外國高層等等去維持佔大多數、老蘭ciubbing人地ibanker做vip開張卡都幾十萬、book張檯玩一晚10萬8萬、呢D唔會係你同我消費得起、香港宜家就係冇晒呢班有錢人撐住先死到咁、樓價舖價大跌亦係因為呢班人賣資產走晒先引發嘅連鎖效應黎
你估政府唔知個原因咩？佢就係唔想承認國安法趕走晒呢班人先搞到香港經濟咁差啊、北上消費果班原本上去都係想洗少D錢但有多D回報啫、唔好太高估窮人可以救香港啦
零售業差係唔會令香港經濟崩潰，而且數據上增長強勁，香港一年遊客五千萬：統計處19日公佈，整體本地生產總值在2025年第四季按年上升3.8%，與早前預估數字一致。2025年全年，本地生產總值實質按年上升3.5%。從細分行業資料來看，進出口貿易、批發及零售業增長最亮眼。
當然連登仔會話政府發出既數據係假的，香港已死，中國支爆。希望我唔會太認真，你亦可以放心隨便去大陸消費😅
明白你提供的數據，不過當我經過各大區嘅時候，吉舖一年比一年嚴重，我會禁不住問啲數據是不是紙上談兵？個人認為，眼見為真，數字和齋講係冇成本
有時係覺得香港有些價錢比高估了，如果你食香港餐廳，有一半係比咗個租，你覺得你係幫緊香港打工仔定地產商？
一大班唔上大陸玩嘅朋友，都唔係留番啲錢喺香港消費㗎啦！佢哋平時喺香港好慳食麥記茶記，留番啲錢一年去幾次日本韓國大筆大筆咁使。呢班人又唔見有人講。
只可以話呢d係共孽／惡性循環，大家都有責任
的確有一班做飲食嘅不思進取，只係一味靠加價／降低食物質素去維持利潤，咁自然有一班人覺得上面性價比高d，而唔再幫襯本地小店
上去消費嗰班，又無諗過其實咁樣同慢性自殺無咩分別，只係諗住玩左先算
你冇可能去改變呢班人，惟有儘量幫襯多d用心服務嘅本地小店；遇到好嘅小店，記得分享俾多d人知
實體店執笠係因為網購盛行，餐廳執笠係因為舖租人工太貴外賣盛行。不嬲都有人返大陸
咪傻啦，港人上去大陸消費咪最多周六日同長假期，未至於會搞到成個香港經濟崩潰，反而你應該要感謝而家大陸同香港嘅人工同物價指數仲有一段差距，如果唔係一大班低下階層同中產仲點會有咁高性價比嘅消費享受？同樣使一千蚊食飯，香港食到啲乜？而家服務環境同價錢都係深圳啲餐廳贏哂，香港啲窮人都有去享樂消費嘅自由選擇權，香港啲餐廳咪留返比一班消費得起又唔想同人迫過關返大陸嘅人去食囉，冇問題架，自由市場經濟本來就係咁架啦！
政府都講到明要同大灣區融合、啲人睇到嘅係大陸啲嘢平、睇唔到嘅係最終人工物價樓價都會同大灣區一樣.......
一邊屌人哋返大陸，一邊身體力行搭車上去💪
你都good ga
你老母，你條手足就上去吃喝玩樂，俾你水出去嗰啲就坐監，你對唔住得住班手足，仲要牙痛咁聲
你要接受，當香港周街都係北境一樣嘅鋪頭，但收費貴幾倍，坐落限時限刻，又黑口黑面，咁俾多幾十文車錢，換個地方，對好多人來講係超吸引嘅。
有沒諗過點解d人去大陸先？
係香港食野拎杯水 紙巾都受氣
返到大陸 我食完 佢地仲拎住堆糖過黎問我好唔好食 讚好買like 又送野飲 甜品 點解我唔返大陸先？
上面食安頻頻爆雷，唯有在服務上表現好啲，咁先 挽救到餐飲聲譽嘛 ，兩樣都唔掂一早玩撚完啦。
其實錢唔多先返上去消費,有錢唔會介意畀多d留港消費,反正兩地商場d格局分別不大,你估逼過關好過瘾
呢個真，來回都係時間。 反而上哂去 條街行得仲舒服。
不要太上心; 我學會唔理經濟，做返自己嗰份，我會叫人一蚊都唔好投資無法治嘅地方。 人哋有自由去任何地方消費，我一年去一次大陸只係應付外父。 呢幾年衫褲鞋襪我都去日本買，投資就9成美元資產。
咩國家都有富人區 窮人區
唔想努力 唯有認命
認咗就開心啲過活