📌 168 女仔係香港係
共 54 條紀錄
168 女仔係香港係咪太高？
點解我出街會高過八成嘅人？both men and women …..
仲要成日俾人以為大真實年齡好幾年….
講真嘅 好多時候高過啲男仔 會諗係咪自己太高 有啲唔開心 
我着咗鞋咪above 170…
唔通我個鞋底好似A4紙咁咩😂😂😂
仲未講着高踭鞋
大家啲comment 好搞笑 🤣
我純粹有感而發啫…..
168女仔其實一啲都唔會太高，我係exactly168，你成日俾人以為比真實年齡大，我估你應該只係十零歲，我細個讀小學中學，由於一直都比同齡嘅同學高，所以一直俾人以為我比同班同學大，直至我入咗大學，就開始有人以為我比實際年齡細，後來去咗美國讀書，更不得了，大學時期，甚至出嚟做嘢，竟然有人以為我係中學生，到我結咗婚，又時時俾人以為我係大學生，後來回流香港，一直都有人估我比真實年齡細(最尷尬係有人以為我係我husband嘅女)；到你大定咗，就唔會有人以你身高去judge你嘅年紀㗎啦！而且高人係有氣勢啲嘅，仲有，同一個面容，長在一個高人身上，係比長在一個矮啲嘅身體上，係醒目好多靚好多㗎！所以你唔好自卑，我就不知幾以我身高為傲☺️☺️
香港女性的平均身高大約是 160.6 公分（2022 年數據），比 2021 年的 158.7 公分略有上升。這個高度在全球排名中屬於中間水平。
---
📊 香港女性平均身高數據
• 2021 年：158.7 公分
• 2022 年：160.62 公分（上升 1.92 公分）
• 全球排名：在 195 個地區中排第 100 名
• 比較：• 中國內地女性：163.46 公分
• 日本女性：約 158 公分
• 韓國女性：約 161 公分
姊妹你168係好靚靚嘅身高 我都係168 反而覺得高過大部份人係幾型🤣🤣以前俾fd笑咁高識唔到男朋友 但我依家個男朋友都18x～一對高嘅情侶襯靚衫行出街都特別型（我覺得🤣🤣）仲要168係個著咩衫都好睇嘅身高 以前成日俾fd讚我係衣架 俾啲自信自己😗
如果你係我亞媽嗰代（70+）168非常高,可能太高。如果你係我嗰代（45+）168比平均高但又唔算好高。如果你年輕的話,我只可以話,我最近5-6年返工見到的fresh grad,包括女的在內,無見到矮過170。所以我懷疑在25以下的年齡段,168香港女仔屬於平均偏矮？
我都168又唔覺高過8成人，反而覺得唔高唔矮冇乜特色，身邊D男仔friend都高我大半個頭，男友179剛剛好
樣就應該唔關事，細個果時就會比人估大兩三歲，因為小朋友D人睇身高多，後來三十幾歲人入投注站都比人查身份證，仲問我點保養得咁好
190 男仔係香港係咪太高？
點解我出街會高過9成9嘅人？both men and women .....
仲要成日俾人以為大真實年齡好幾年....
講真嘅 好多時候有女朋友嘅男仔都矮過我 會諗係咪自己太高 有啲唔開心
女仔168唔矮，但呢家嘅後生都好高，根本冇可能高過8成人
而且重點係： 你個樣靚，你幾高都係一個credit，你個樣好遺憾，比你有舒淇同周秀娜個body，啲仔都只會咀賤話你係背多Fun😅
女模身高閒閒地都過170。女人高佻好好睇，係優點黎。你既身高可以同6呎幾高既猛男更相襯，為咩要dup低頭搵男人呢？向前看、望高處，你比人更高一層，你應該開心先係。
我都168
一直唔覺得自己高
但遇到同自己差唔多高嘅女仔，會覺得佢高😅
後生時會著兩三寸高踭鞋（而家覺得著到咁高都唔知做乜）
近十年都係著平底鞋
我男168
十年前已經好多年輕男仔高過我，而家呢一代更多，180以上好普遍
女仔好多都同我差唔多或稍矮少少，高過168都唔罕見
事實係一代高過一代
不是，姨姨我173cm高，早廿年前已經係model一樣既身高，男仔高過我既都唔多，但係喺今時今日我呢個身高已經見怪不怪，更何況妳？
其實我都係，但真心唔算好高
最多叫唔矮囉，所以我都有啲費解點解有啲人會話好高🤷🏻♀️🤷🏻♀️🤷🏻♀️
早幾年重會覺得算高妹，但而家啲人高咗好多😂不過地鐵會撞扶手
顯老又還好，素顏買煙酒都偶然會俾人check身份證
((Same 168
真的，有次返工著左高踭鞋，一路行返公司時，睇住四圍既人群，自己好似變左長頸鹿咁，有好不安既感覺，從此冇再著咁高
太誇張啦，我170，高過七八成香港女仔，但男仔睇落唔高，拼埋其實都172或以上。而家多咗內地女人，其實多咗啲高嘅女仔
我169，年紀一定大你好多，我後生時就覺得自己好高，而家好多後生女都咁上下高啦，反而高嘅男仔又唔係多左好多🤔
你去左邊行 182 好多男人同我差唔多高，亦都好多人矮過我。但你168高過八成人 你係去左邊行？平行時空？🤣
高度同樣貌 令到外表睇落比真實大好幾年係兩回事..
165表示 想再高d都高唔到🫠🫠
全家最矮係我。。。。
168咋啫 168cm?
我公司40個女同事 有9個over 170cm
小姐 你眼睛係咪天生斜視？ 🤣🤣🤣🤣🤣🤣🤣🤣🤣🤣🤣
我170其實係街都唔係好高
只係朋友都矮。。。影相好Kam
題外話，今日係𨋢
有3個婆婆到我心口😂😂😂
168 唔矮…… 但未至於‘’太高‘’ 高過8成人下嘛…… 我係女嘅，高過你都未覺得自己高過8成男女😅
177路過⋯唔覺香港少，上次返香港見到好多學生都生得幾高，喺加拿大我就都高過街上絕大部份人🥲
🙄新一代d女仔都唔矮。
雖然我大部分時間著平底鞋 …
有同感著高少少會好似好大份🙂↔️
你係啱啱好 我高過我crush 為咗就佢 我出街唔着有踭鞋 唔着高踭鞋 連air force都唔着得😔
有時可著住短褲襯短靴照塊鏡,望下比其他女生行得快一步的長腿,其實會有自豪感☺️
173cm路過 以前返工關係要著高踭鞋， 著左就唔會坐巴士上層 因為要耷低頭行 好痛苦
巴士上層企起身會hi 頭 要耷低頭先講啦😑😑, 暫時都無乜見過女嘅上層需要咁做
女仔173路過…都唔覺高過8成人，而家香港男同女都高咗好多。女仔175+都見唔少。
我得166，都鍾意身材高嘅女仔，覺得好型😍168-172好好，冇問題，自信咁企直就好
175
不過反而我覺得香港都會有好多嘅高人 男女都係 淨係遇唔到咁解h h h
屬於高，但絕對唔係「太高」啦，身高係優勢， 要多謝阿爸阿媽生得你唔矮
香港女仔黎講係，我都係168，係香港要搵個高過自己半個頭嘅男都唔易🤣
點解我覺得而家啲人越嚟越高，利申米7up，經過見到啲中學生閒閒地都米8
我都168，但我唔覺自己高😂
只係正常，唯有𠱁自己著埋鞋都有171😂😂
170路過
我都唔覺自己特別高
其實依家物質營養豐盛，好多男仔女仔都高
我都咁樣諗左好多年
最後發現係啲人太撚矮
屌你老母著對襪都高撚過佢
其實係你體感判斷錯，我個同事163行埋去180嘅同事隔離話覺得人地冇180
一車車，有時上車會覺得啲人好矮，有時覺得正常，好偏差。
我186😂
唔會，168有點矮，最好出街再著高跟鞋，否則仲爭我半個頭。
利申186
去外國情況就會調返轉🩷啲人會覺得你中等身材，仲會覺得你好後生
我都169，以前就會有呢種感覺
但依家好多女仔都生得好高啦👍🏻🥳
我都168我唔覺得自己高，有D嘢想攞嗰時覺得高多2吋唔洗攞梯就好了
168cm係好多人既理想身高呢㗎，當然唔會太高! 我171cm 不知幾開心🤣
睇地區，返工係港島唔會，
我168去荃灣葵芳就感覺高過8成人😹
唔好話168,我160都見好多頭頂....發覺香港女仔好似越黎越矮咁....