📌 26歲，3大Mast
共 52 條紀錄
26歲，3大Master，負債近50萬
老豆同老母喺我7歲個時離婚，我係跟老豆住
18歲前經歷過嘅嘢：
1)5-7日先準洗一次頭，慳水費電費
2)洗衫要用手洗，同埋要著幾次先準洗
3)沖熱水涼有限時間，約5分鐘，過咗時間就要沖涷水，有時要全程沖凍水
4）30幾度先準開風扇 只能開1度
5）長期唔俾開燈，Even考DSE溫書都係得好細一盞燈仔
6）少少事都會被屌，例如要簽回條，老豆會講粗口鬧
7)嘈交會嘈到拎把刀出嚟恐嚇
8）中學發高燒接近40度，老師打俾老豆，老豆話阻佢訓教屌9個老師
9）老母離咗婚之後，過嚟同我曬命話自己一年去幾轉旅行，有幾部iPhone電話（但係無諗過帶我逃離）
10）由細都會俾老豆老母打，老母特別嚴重，佢會好大力咁搣我
11）老母控制慾好強，中學個時會用我手機係班group度出聲，搞到我勁7，仲會打俾我d同學
最近無意中睇到TVB套正義女神，有感而發
生仔唔該諗清諗楚
18歲後經歷過嘅嘢：
1）老母要我幫佢供樓，但話層樓係唔會寫我名
2）FG個時，返工未夠一個月，老母叫我每個月要俾一萬蚊佢，話會幫我做投資
3）當年FG我唔肯俾錢我老母，佢影我相話要擺我上Facebook公審我
4）當時啱啱考完DSE，0儲蓄，老豆娶咗個大陸老婆，話要趕我出去（最後老婆飛咗佢就冇咗件事）
5）讀緊大學個時，除咗自己俾學費、生活費、仲要俾家用
6）老母失戀，當時我讀緊大學，一個禮拜10幾20場補習，連瞓覺都冇乜時間，但係佢都逼我要抽時間陪佢，每次都係要聽佢呻，老母有時仲會踩上我屋企拍門
做戲都唔識做
22分鐘前問我飲咩湯
22分鐘後就問我借錢
嗰時我連FG第1個月嘅糧都未出
唔夠天生天養啦
返學校，公眾浴室洗衫沖涼。
飲水去學校水機，公園水機，2公升揹埋返屋企
中3開始可以同人補習。
放假返足咁多日工，一日都唔好休息。
除左訓覺，生活一律痴公眾建築，學校，邊洗交咁多水電煤？
食飯：搵政正苦建築，醫院呀，大學，差館，早晚食cheap飯。減返收入其實仲有大把剩，儲埋買樓。
由於沽9寒，雖然好靚仔，但拍拖一定俾女飛。
由中一著同一件校褸著到中7，由於個人長大左，件校褸披住，唔係著。最凍戈日係混“內功”同寒冷對抗坐課室，全部所謂親人無人記得完來呢個世界有呢個人呢種返學呢種校服。
記住臨尾考埋名牌大學之後住hall。書，2手，汁得幾多汁幾多，成日想住班書商吸血鬼，呃錢。
真人真事，其實唔難，其實唔勵志呀，不嬲人生就應該係咁
（有毒家庭）要離開
我細過，到係比爸爸用
（雞毛掃）衣架打，
說話傷害，話低能百痴這d
幼稚園做功課，
成日做到好夜。
2個妹又欺負我，C爛我
（小學運動會通告）
2個妹想要咩
父母要我比佢哋
我冇自己物品
媽咪到會話，生叉燒好過生你。將我同人比較
到爸爸我（6年級）去世
我個時18歲，媽咪話冇錢用
比信用卡表幾張我簽，
全部自己，分好多期
慢慢還哂
檔電話這d
到仔出世，
我妹可以1把打仔臉
另一妹又話仔曳
2個妹冇聯絡好多年
自己單親湊仔
仔療愈我
慢慢走出返
真係好難
我自己做唔返童年咁
仔代我做
一樣開心
仔到（12歲啦）Sen 小孩
自己湊仔，雖然辛苦
但係到開心
有仔陪伴我渡過
樓主，我有啲懷疑你會唔會有斯德哥爾摩症候群？
其實你好早已經知道佢哋咁樣對你唔啱，你亦都盡晒自己責任，原生家庭咁難，就算而家同佢哋斷絕來往，佢對你造成嘅傷害。可能你要往後好一段好長時間，先可以復原。
如果你容許佢哋繼續傷害你，咁你下半生都唔會有好日子過。我都係一個媽媽，我唔覺得你嘅父母盡改一啲責任，或者俾個一啲愛你
過來人經過, 很想抱抱樓主! 🫂
沒經歷過的人可能會質疑這類型分享, 但別人的不理解不代表這些經歷, 這種父母, 那種"痛", 那些 struggles 不曾存在過! 希望樓主可以正視這些經歷後給過去一個交代, 然後好好告別, 向新方向重新出發!
離開可能只會是第一步. 之後可以如何"錫自己"才會是終身的課題. 加油!!💪🏻💪🏻🫂
贊成，一句話，你吾行出第1步，睇吾出前面多暢順，快跑，勇敢
我同你一樣有個toxic到爆嘅家庭，我只可以講，話大家一家人體諒下果d根本活係溫室，從來冇受過咩叫近親傷害，講呢d如同係我地傷口上灑鹽，過來人建議你立即搬去你父母搵唔到你嘅地方，租酒店都要，手機block左佢，whatapps有需要都可以block埋（我因一d原因冇block whatapps但較靜音同封存，得閒睇到就睇）
1，3，4 我以前都係 但我會有自己嘅解決方法。就係帶細細樽洗頭水同埋沐浴露去出面嗰啲更衣室。我嗰度來回行一個鐘可以去體育館就有得沖涼。4 嘅話主要喺我屋企都叫做比較通風 開門開窗，一般都解決到 不過2嘅話系因為覺得用機洗會比較慳水同埋乾淨。不過都係要著幾次先會洗。
Well done, you still got a master degree under all these pressure. Remember you are no longer a 7 year old kid. You are an adult now with abilities. It is time to move on, I mean move away from the toxic enviornment and turn into your own new page. Dont waste time here to talk to some strangers :) You will feel totally different when you have your new home!
支持樓主搬去一個佢地搵唔到你嘅地方，毒親早日遠離。老公同我結婚之後同佢含家都斷聯，依家張張相都笑到見牙，睇返佢以前啲相好似永遠都比人虐咁，過得唔開心係無得呃。
欣賞樓主繼續撐到今日，日後都會過到你想要嘅人生的
咁樣嘅你可以自己努力讀完master畢業仲要三大 崖到今日已經超級無敵勁！ 你第一要事就係自己搬出去住先。 我有一邊父母情況同你類似 同埋我估你都有酒癮 要注意身體！ 我最近開始做gym 會有好好嘅正面效果抗抑鬱 🥰你都可以試下
個人認真認為…
必須離開，否則死係你自己。（唔係講笑）因為我都試過被家人搞到自己好麻煩，後來用最盡辦法令自己走出去。雖然唔算好幸福，但總算逃過一劫。
利申：無惡意，非惡毒。有少少身同感受。
🫂🫂🫂🫂
我父母對我很惡毒
身體加上精神的惡毒
脫掉衣服打
自己脫掉衣服
罵我是啞狗
獨家村
狗口長不出象牙
醫生說
我從小就承受了不少父母的重擔和情緒
其實最應該看醫生的
是他們
我還活着
因為我堅強
？？？
你熬到而家 太強啦吧
仲要係大學生！
佢哋根本冇負父母應盡嘅責任
唔係有地瞓/有飯食就叫父母
仲犯虐兒罪
希望你未來可以快啲有屬於自己嘅人生
走出陰影 唔再受家庭束縛🙂↕️
謝謝你 我好認同唔係有地方瞓/有飯食就叫做盡咗父母嘅責任 佢哋當時就係咁樣洗我腦 仲要好鍾意將我同非洲兒童做比較😮💨
恭喜你成功長大，
無死到，
以後人生就係屬於你自己了。
出生在地獄無得選擇，
但你爭氣讀好了書。
下半生的人生就屬於你自己了，
可以自己選擇，
要好好的過想過的人生。
嘩我明啊，當年同你情況差唔多，
老竇老母都唔係好理我，
唔止鬧我、打我
佢地嘈交仲會嘈到拎把刀出嚟恐嚇，
但係當年我係靠DSE改變命運，你可以參考吓
我哋可以選擇喺邊個家庭出世，但你可以選擇過一個點樣嘅人生，可以的話，離開嗰啲生病嘅人，避免自己被感染🥰
你已經做得好好，你值得擁有更多的愛🥰🥰
1.，2，3:一嚿番梘去政府運動場沖咪有得沖熱水涼，洗埋衫
5:考dse 咪去公共圖書館，大把人咁做
不過樓主都係地獄開局，有毒父母真係早日斷聯絡自己住好過
123大個少少有，不過細個就真係唔識
5有時會去公共圖書館，不過有時放學要去做part-time，公共圖書館已經閂咗就唯有喺屋企做功課同溫書，考DSE最尾嗰個月冇做part-time就可以日頭溫
儲多幾年子彈，我就會遠離佢哋
我都經歷過類似嘅嘢
唔肯定你而家大約有幾錢收入
但係可以睇吓會唔會考慮去租嗰啲青年宿舍
如果真係決定繼續留喺度嘅話
忍多幾年 儲夠錢即刻走
地獄開局，但練就咗地表最強嘅人類。
香港唔俾開冷氣，大癲，再加日夜交替、無限輪迴嘅身心折磨，師兄有冇諗住參加歐美嗰啲荒野生存遊戲嬴佢幾百萬？
26歲仔，第一件事先解決好負債問題，否則未來幾十年只能活在地獄當中，首先斷絕同所謂親人關係吧，佢地都無當過你係仔，由今天開始，為自己而活。
哩完你18歲前同後嘅經歷，真心講：你好叻，辛苦晒！但亦好想同你講，請唔好再比家用，請離開有毒的人和地方，好好過新生活，好好療傷。🙂↕️
你要讃你自己，你真係好叻，原生家庭你選擇唔到，唯有好好忘記，唔好帶著佢哋比你嘅䒷走埋之後嘅生活，你值得擁有更好更開心嘅日子，加油👏🏻
你要感謝自己，盡咗自己最大嘅努力照顧自己同埋長大。
咁艱難嘅時候都過到，以後無嘢難到你。
危害自己嘅人同關係，早斷早著。
祝 安好！
我有個朋友又係有病態家庭⋯最後選擇一個人移民去另外一個地方重新過生活⋯
佢後尾喺新地方結婚，有自己事業同小朋友，一切都好好
呢啲咁嘅情況，
我情願瞓街
都唔會返去
你睇吓啲工廠大廈啦，
有啲$2000一個月
住住先啦
以你呢個學歷啊
就算返深圳做嘢
都唔怕冇嘢做啦
抱抱樓主，嗰啲老母老豆唔要都擺！
我明白你感受因為我也是地獄開局的人
被人恐嚇過如果殺人合法既話會第一個殺死我兼起難聽既花名
所以幾時都話生仔唔係咩成就
成日講到生左出黎有幾偉大
照下塊鏡自己咩料offer到咩比個細路先
不過呢d垃圾識反省就唔會有悲劇發生
真心覺得你好叻，咁嘅成長環境都可以讀到三大Master ，人只能活一次，希望你早日脫離，留返啲愛俾自己同埋將來真心愛自己嘅人
樓主係咩地獄開局，第三世界長大🥹
其實有冇得告虐兒😓真心覺得跟啲咁嘅家長大，仲不如做孤兒，等社工安排人道啲嘅生活環境
睇咗Thread之後真係發覺世界之大無奇不有，電視劇都出現唔到嘅情節會喺現實世界出現。
樓主加油，希望你可以盡快脫離苦海。
盡快遠離呢啲有毒父母，我有時都唔係好明白呢啲老豆老母個心諗咩，唔鍾意小朋友咪唔好生囉，點解生咗出嚟要咁對佢哋呢。
🫂想攬下你
唔好俾呢兩條一心諗住靠你防老嘅pk得逞🙏🏻愛自己。唔好再理佢地，佢地對你無責任，你都對佢地無責任。
26歲開竅都唔算遲呀，絕對有能力自己照顧自己，呢刻開始為自己活下去，唔需要理嗰兩件之後， 500,000應該好快還到，加油。
好勁，咁惡劣環境下都可以三大master 畢業。係我就飛外國避開佢哋🤧
希望經歷咗地獄童年既你，會有幸福快樂既將來。💪
你戰鬥力好強不過太善良，我有個frd同你好似，但係佢大學有做pt有錢之後就日日屌柒佢老母，然後佢老母就成隻狗咁 😆
嘩，你個friend好正，
不過我老豆老母係兩件世界級極品
戰鬥力極強 屌完都係曬氣
佢哋永遠淨係相信自己嗰套😮💨
上一輩好多都唔會思考自身問題，就將啲人生問題綑綁喺婚姻同下一代身上，根本上一代好多都唔適合婚姻同養育家庭。
你咁既環境成長都可以讀到master
以後靠自己努力一定有好日子過
以前既事就唔好諗喇
亦唔好俾家人知你搵幾多錢
🥹🥹🥹 好殘忍😭😭😭
希望你可以遠離毒品⋯⋯好好的自己生活，余生請好好照顧自己，一定要幸福😊
既然你老母咁唔愛你....何必勉強去維持呢段所謂嘅親情😌
早d放手脫離....俾自己一個屬於你嘅人生吧😌
好辛苦嘅童年 😟
希望你捱過呢廿幾年之後一切會順利
最緊要同父母斷絕聯繫
一定要有決心遠離佢哋
你真係地獄級開局，D牌咁爛你都考引三大好叻架啦！你一定要遠離你D咁toxic嘅父母，走得快好世界！
你真係好叻，咁既環境都讀到書入大學，其實佢地唔like小朋友，可以送你去孤兒院，點解要咁虐待你
睇怕我同你只係劇本唔同，
不過我果個尚可以叫唔識教、惡意冇禁嚴重，雖然花兒都差不多凋零了。