Halo, 我想請問大家一樣野，初初你地係點樣揾工，我發覺而家搵工好難搵，同返工第一日，係咪直接同其他人講，我第一日返工？然後第一日返工應該有人教？，第一日返咩都唔識，點樣容易將人地教嘅嘢記入腦？

過來人嘅經驗係，唔好漁翁撒網式send cv或者㩒apply，盡量篩選一啲適合自己能力同範疇嘅工，send得多但迴響少，落差會好大就會越黎越焦慮。

返工第一日，通常有簡單自我介紹環節，大公司會有hr/team head帶你認識人，細公司就簡單啲，正常同事自己會approach你。

關於工作，你個post嘅上一手正常會留handover notes俾你或者可能你返工前會約你返一日pick up一下先。自己要寫notes或者ai錄音即時轉文字，方便之後睇返。因為個人經驗係聽完就唔記得😂

希望你搵工順利啊！

補充：個人唔建議講「我第一日返工」
其實你嗰 team 其他人 / 員工好多時候一早都已經知你今日 first day
呢個會俾人當廢話

「你好，多多指教」面帶微笑
然後就可以開工，想認真做又怕唔記得嘢就錄音記低返屋企慢慢聽，唔建議當場抄 notes 容易俾老屎忽背後話你做作

1.第一日返通常有自我介紹
2.教學內容盡量記錄低（錄音俾AI轉文字 或 筆錄）
3.邊學邊做，唔識就煩其他人幫手。補鑊可能比做唔成傷害大。

反緊工最好不好用電話又可以點錄？

可能我返工的環境需要用電話的（當然係喺back office的時候）。而我本身資歷比較深，是做分享過往經驗的一方，咁有人現場dot低某些點都好歡迎的。

你就好啦
好多公司都要系廁所先用得電話