Hi大家 小女子今年23歲
現居加拿大 之後會返香港住
2023確診咗甲亢 醫咗一年多啲 2025 11月又開始復發(我自己覺得係因為生活習慣唔好先咁🥹)
同埋頸部非常腫大 但唔影響呼吸同吞嚥
家庭醫生建議我做手術切咗佢 想問吓切咗或者選擇唔切嘅人嘅意見 想聽吓過來人嘅經歷 🙏🏻 感謝
我本身喺香港斷斷續續食咗四五年藥，成日都唔記得食藥所以拖左好多年。香港醫生全部都係覺得，有得食藥就用藥物去醫，唔建議切。
之後，過左嚟加拿大一排先搵到walk in clinic refer 去專科，被通知加拿大冇香港食開嗰隻藥，咁我都唔理啦，因為我覺得自己冇乜症狀唔影響生活。跟住專科嗰邊又再refer我去醫院做詳細嘅檢查(喺香港完全冇做過任何詳細檢查 除咗抽血)，又再抽血，點知出到嚟話我已經好返。而家三年啦，T4仲係好正常。
所以我覺得你可以食藥就食藥控制住先，因為有時唔知點解身體好神奇就會自己好返
我啱啱都係一個禮拜前係加拿大切咗一半甲狀腺，因為右邊有個4 cm嘅水瘤，暫時一切都ok冇唔舒服，過2日覆診，醫生話可以抽針唔切但抽針會再生
👋🏻好細個確診 10歲到18歲都keep住覆診抽血睇指數食藥但都唔穩定 到18歲到香港醫生建議飲碘水
飲完之後變左做甲減 基本上就係每日定時食番甲狀腺補充劑 好似本身甲亢食藥咁
所以如果本身甲亢好反覆可以問一問醫生 radioactive iodine treatment 有無得諗
切咗，無甲狀線素分泌，就往後每日吃補充劑。同久不久要覆診檢查。 可以再觀察一下先，看看改變生活習慣同少啲壓力的生活，情況有沒有改善，始終都是器官。
19歲確診甲亢，食咗1年幾藥，無好轉，指數勁高，醫生建議做手術，無做到。最後靠針灸同食中藥大概兩年，完全好番無再復發
唯一係眼突無辦法醫好
你有冇需要睇第二個內分泌科醫生拎 second opinion? 我個醫生唔錯，你有需要的話我畀個名你，你叫family doctor refer你去呀
我前後斷斷續續甲亢左五、六年以上，係香港一直想食藥控制病情，唔想切，唔想終身食補充劑。過黎加拿大之前飲左碘水，黎到抽血食補充劑，情況穩定好多，習慣咗就同日日食supplement 一樣，後悔無早啲扚起心肝做咗佢
我都係咁，我切咗了因為我變咗腫瘤啦，第一期所以要切除，不過切咗之後好多後遺症，我有吞咽困難長期都有啖喺入邊，左邊神經線有幾多條斷咗所以長期麻痹
我13歲開始有甲亢，食左10幾20年藥，係會可以好返架😅😅我自己就唔會選擇手術，我而家係完全康復，你有需要可以打電話比我，講多啲你知
家族遺傳，家族內有三個都有甲亢，有人選擇切，無復發。
8年前開始有甲亢，壓力過大導致，好明白你而家驚慌同無助和心理，其實唔需要驚，一切都會好嘅。
我當時指數好高，選擇中西醫一起治療，記得忌口➕健康作息➕少少運動，最後選擇飲碘水，無選擇手術，純粹驚留疤同入手術室。現在變成終身需要終身服用甲低藥，我當每日補充維他命，定期抽血檢查，日常生活完全無其他影響。如果你以後有懷孕嘅考慮，甲亢意外懷孕對母子都非常危險，甲低就不會有危險。
總論而言，正常作息同記得服藥好緊要，加拿大節奏比香港慢，你翻香港居住生活就注意觀察下日常的壓力水平，呢個病誘發因素就是壓力，希望你早日康復❤️
我發現甲狀腺4年，而家都係加拿大，將會6月入院做手術，因為我個醫生幫我check咗我冇抗體，即係暫時都要keep住食藥，因為我食左4年甲抗藥，所以我決定係加拿大做手術
有冇試過係加拿大睇中醫，睇中醫兼做下針灸治療？（或者返香港睇）
甲亢主要係肝功能&急性荷爾蒙。平時個人會顯得比較心急。
保養而言，早睡早起做運動，唔飲咖啡轉飲茶，食壽司野唔好食紫菜，戒加工食品。煲湯：沙參玉竹。清肝散結：菊花煲夏枯草。糖水：浙貝母，百合。
你睇下有冇不良飲食起居習慣，改咗佢啦。睇中醫可能慢，但肯定有幫助先。
加拿大目前只有BC省醫保叫MSP包有限度中醫，其他省份冇包。可能保險公司有，但唔清楚。
我自己都唔知點解加拿大嘅公共醫療冇指定中醫。淨係得西醫，遇到咩事都淨係做手術，有時會有好多後遺症。呢方面我係認為加拿大醫療系統「唔識貨」。
我同你一様，十年內條頸越來越漲，我一直拖，直到醫生警告我 再唔做手術，有可能會夢中逝去！因為甲亢腫漲令我會窒息也有抽針，於是決定做手術！一開有4個好大的腫瘤，幸好係良性！手術完後一世耍食一粒💊，補充番，定期須要抽血，方便藥物調較，生活如常，後 悔唔早些做手術！
食藥控制得好好，但一停藥一陣就高番
切左一了百了，冇後遺症，日日食住補充劑
我個醫生係Dr. Kai-Pun Wong，見佢應該係狂做甲狀腺手術所以都做得幾好，條疤好細跟番頸紋
祝你早日康復💕🙏🏻
我媽咪都有甲亢，好番之後停藥，但後尾復發左，醫生叫佢做手術切左算，但我媽咪好抗拒做手術，同醫生講食藥先，過左一排依家又停左藥，完全正常無事。你問問醫生可唔可以食藥先？或者早d返香港搵多幾個醫生聽聽意見先？
都係23年確診食藥食到而家 不過我今年20
成日都比醫生話叫做手術切咗佢🙂↕️
我自己目前為止個t3 t4都叫within normal range
如果symptoms對日常生活影響唔大keep 住食藥係ok嘅
醫生嘅觀點就係1. 藥有罕見但嚴重副作用 2. 你之後可能懷孕要轉藥 （雖然我冇呢個打算）