P牌仔感謝全港各位路面師兄師姊關照

唔想影響人，早排一兩星期都夜晚10點後練習，亦都搵左師傅補兩三次鐘，終於呢幾日假期膽粗粗日頭出車揸，知道自己路面經驗不足，或多或少都會在唔同程度上影響其他道路使用者的駕駛體驗，非常抱歉！

但香港司機都冇我網上見到嘅咁差劣，至少呢幾日都感受到大家對P牌仔既包容，我遇到好多好人，咪錶前後司機讓多啲位我拍、商場泊車搞好耐都冇問候我媽媽、切線讓我、唔推我頭….多謝大家！非常感恩！

請問大家有冇金石良言可以醒下P牌仔？不勝感激

你會搵師傅補鐘，證明你駕駛態度都唔會太差嘅。
加油，出入平安。

多謝🙏🏻