📌 Wltf 我同三個女
共 56 條紀錄
Wltf 我同三個女仔frd去grad trip老豆話唔俾
原因係我太細個 遲啲先
???????????????????????????????
我真係好無語 全世界都去grad trip得你一個唔俾
過兩個月都成年佢仲勁撚過度保護
(eg 着crop top露兩cm肚佢話暴露 着短褲佢話暴露 着背心牛仔長褲出面再加件外套佢都話暴露 因為冇拉拉鍊🤡🤡🤡🤡🤡🤡🤡係咪要我着到成個中東女人先滿意)
求偉大嘅threads友幫我諗下點說服老豆
應𠄘佢去到邊都會send相比佢睇
或者裝個定位app
起碼令佢知你喺邊 可能會放心啲
記得唔好先斬後奏！！ 一定會傷感情
不過我grad trip有個friend屋企人都唔放心俾佢去，最尾叫咗佢個親戚一齊去😂純粹係住同一間酒店，行程都係分開嚟玩 ～
男人癲起上嚟完全唔關你外表同衣着事 你爸知男人諗咩先會咁緊張你😞 唔好偷偷地去 佢一定會好傷心 同埋以後有位入你 做咩都錯
唔知你阿爸係邊type 如果佢係會講道理嗰種人 試吓冷靜同佢講點解你咁想去grad trip eg得一次機會唔想冇咗個回憶 有4個女仔其實有照應 再扮下可憐 一定要俾佢睇到你成熟嘅一面 咁佢先會放心俾你去 如果你一嚟就發脾氣佢只會覺得你仲係小朋友更加唔俾你去😂
或者同佢制定一啲約定 譬如去邊度或者隔幾多個鐘影張相俾佢報平安 事前比埋你朋友嘅聯絡方法比佢 或者問吓佢有咩條件先肯俾你去
但如果係大男人粗人 完全溝通唔到嗰種就死咗條心😂😂😂😂講咩都唔會聽入耳
1. 第一段我明 不過我哋唔會去印度或者好偏辟嘅地方🥹🥹同埋我一定唔會偷偷地去我都唔想佢擔心
2. 佢講道理嘅 多謝你嘅advice!! 我會試下的😭🙏🏻
1）你危機處理能力有幾高？在外地狀況，處理問題唔一定容易，如果你係大頭蝦，佢擔心係可理解，幾個同學一齊都唔一定可以互相照應，反而玩到無左危機感。
2）會唔會考慮香港staycation？渡假屋／酒店，在父母能可協助的距離，同成班同學玩到反轉，都仲叫係香港，減低父母擔心
3）爬文見到你只係中學畢業旅行，18歲未夠，在海外有咩事無父母授權，其實好困難。意外入院，父母要即飛過去跟進…
4）飛海外一次平極有限，父母無必要在娛樂上滿足你，自己兼職去儲錢，用自己錢，父母亦無聲出，book酒店豪d都得。
5）會唔會考慮跟團，有旅行社領隊導遊旁住，有行程跟，有自由時間。我覺得第1次自己出國玩，呢種父母可以掌控安心既方式會易接觸d
總結，我中學時代都只係儲零用錢同朋友去唱通宵K，畢業旅行去外地，係畢業後，踏入職場後自己錢自己洗，人有閱歷能獨立處理各樣，唔洗靠大人，佢地就無say，玩得勁爽。令家長放手係一個過程，期間有著不同程度多次既試探，佢地未敢放手，實係有d原因卡住左令佢地唔放心，你需要既係表現成熟既一面，比佢地知你係well planned, I’m ready,千萬唔好以鬧交發脾氣去拗個機會返來
四字頭路過。
當年中學嘅 grad trip 係去離島度假屋，我哋男校，家長都係好擔心要打電話報到。作為家長，十幾歲女仔唔喺屋企過夜都難免擔心。唔係話應唔應該，只係話首先要理解對方先有得傾。
同埋呢，性侵犯未必太關你有幾吸引事。性，特別係性侵犯，相當程度係發洩權力欲。被睇中為目標可以有唔同原因。外遊飲食一定要有人睇實唔俾人行過落藥。
放心，我都冇去因為阿爸阿媽話冇錢以及年紀太細🤡我已經十八歲
諗一個相對安全既旅行地方，eg台灣、日本，講明會隨時報備自己去左邊，食飯都影張相，每晚返酒店都報平安，同埋唔會夜過十一二點返到酒店
同埋你媽幫唔幫到手溝通？
可以 一定會報平安的 亦都唔會玩到太癲太夜返酒店 thanks!
個人經驗比你參考下
我嗰陣同另一個女仔frd一齊去，父母未到你爸爸咁反對，但都好擔心
所以我嗰陣plan好成個schedule，包括每一日唔同時間去嘅景點同交通，promise每去一個地方就影下相（唔鍾意selfie淨係隻手/公仔出鏡都得），或者得閒坐車食飯就text下佢哋
同埋我同行人一定係我父母見過，大概了解咩性格，亦都同frd互相交換對方父母contact，有咩事起上黎可以問
如果想家長放心畀你去grad trip，你可以試下抽時間整一份詳細既行程表，包括航班來回資料/訂單編號/酒店地址/同行者（+同行者家長）聯絡電話/旅遊保險計劃/每日大概行程/預計既財務支出…..你就當依家係做份project 咁去sell 你老豆。唔好覺得咁做好kam，因為當你開始離開學校/屋企人，你就會發現冇人係會無條件去support 你，你阿爸係擔心你未夠獨立出行，又對你既旅程一無所知。想爭取自由，就要畀人知道你地已經準備好做個初級成年人，開始學識對家長同自己負責任…而唔係一句「全世界人都畀去grad trip 點解你唔畀」去說服一個由出世就睇住你大既人。
希望你會成功啦！🫡
我囡當年都係咁，成個行程俾晒我。有時去夜街，都識打咭俾我知係邊。
所以我做阿媽都放心俾佢出去旅行/出國比賽/甚至交流團
你去grad trip時成年未？
唔係我驚你酒店都有可能check in唔到😂😂😂
你諗住去邊？目的地都係父母擔心因素之一，去本地日台同東南亞歐洲完全兩款擔心啊😂
你地屋企有無去開自由行而你有參與planning 先？
如果你無經驗，又好難畀信心你，你基本要plan好，解釋清楚有咩計劃，會咩頻率聯絡屋企，畀到信心佢地你會搞得掂，唔會亂黎先有可能放你出去啦
同旅費點搞先？你自己賺定屋企畀？屋企畀你其實無say😂
出面R 贊助都要寫proposal，仲要可能唔批🙈
加油爭取吧
唔係阻止你去，獨遊撚好贊成成年後就試下自己旅行，但我都係出左嚟做嘢先自己去，中學畢業就去其實難度唔細啦
另外你要考慮就算你哋join團（而我覺得通常grad trip都無諗住join團）
都係一個「集體大型活動」，好多奇怪磨合/突發位會出現
如果你/同學無去開自由行，無plan過點去旅行，好容易變友誼畢業旅行😂😂😂😂
Auntie試過去grad trip因為旅行習慣唔夾+路上磨擦，就咁無左個大學姊妹，所以警世提提你🥲
祝你可以解決以上難題，成功爭取個順利嘅grad trip 🙏🏻
問題係我哋乜都未plan乜都未買😭😭 連去邊都未決定 仲知呢樣嘢
個人經驗淨係可以夾硬嚟 以理服到佢嘅佢就唔會用埋啲咁嘅原因reject你
Dse後同frd玩 去放鬆下 同埋慶祝中學畢業 建立青春回憶
首先grad trip係反智嘅，我見唔少，根本係散band trip。個個腦筍未生埋，淨係見過大家喺屋企外嘅一面，未試過自己出去，分分鐘南丫島都未自己去過。除非你都係屋企人本身係"放養"嘅，中學期間已經俾你自己周圍去，有番一定嘅生存技能。青春🙄
中學grad trip係幾大膽，未夠18歲我都唔會俾你去
Btw 非禮係唔關外貌同衣着事
我建議你試吓提供一啲方案令你老竇放心，譬如打電話報平安、公開所有住宿同行程俾佢知、介紹你嘅朋友俾佢認識、俾定你個朋友父母嘅聯絡方法。
又或者，叫你老竇陪你去，住同一間酒店，但全程唔會參與你哋嘅觀光活動，只係有需要嘅時候先幫手
留言區已經有很多實用建議 我有個提議 如果同行朋友嘅父母認識你父母 你可以叫佢同你爸傾下 大家都係家長 易傾啲 不過人哋末必想干涉你家事
Anyway 樓主加油！
阿媽冇say? 其實你30歲嫁埋出去你老豆都會覺得你細路女。你哋會唔會諗住clubbing飲酒? 我雖然唔同意你老豆嘅fashion sense，但係我都覺得而家嘅世界好複雜，好多壞人。🤷♀️
我諗起嗰陣時候我去台中畢業旅行😂最後係我阿媽同我一齊去book酒店同埋機票 (嗰時候仲有去旅行社買自由行套票呢樣嘢)，最後佢先俾我去😂 但係畢業旅行得一次 去近啲囉得唔得呀爸爸😂咁樣保護個女都唔得個喎 始終都會長大
如果大阪東京的話，穿著短袖衫薄長褲這些，商場位置要穿薄外套應該唔算暴露，我係男姓的，當然我都明冇得grad trip都係屋企人想保護你，雖然唔知你地想去邊，但可能見你地太善良，怕到旅行地方被打劫或其他事情變難求助，其實你試下同你老豆溝通下，點先可以批准旅行會好d，你上面的可能衫唔好露肚，著返正常shirt衫，天熱地方穿薄長褲，加取風扇散熱，應該難被不法之人有機可乘，其他可能你要問清楚有什麼條件比較好，雖話過兩個月就成年，但可能都有人向就成年人士落手，有機會會覺得就成年人士保護意識還算薄弱，嘗試溝通一下，看能否每人各退讓一步，達致雙贏局面啦🙏🏻🙏🏻每位家長要求不同，希望我個意見幫到你少少🙏🏻🙏🏻
有個post有3條pk就咁剩低個女仔係出邊自己走左去，你要諗下有咁既情況你自己處唔處理倒
試下互相溝通下，明確講出「妳心目中grad trip對妳人生既重要性」，睇下佢擔心既係乜，然後再提出雙方都接受既解決方案。
希望妳可以順利並安全地去到grad trip
我係老豆會覺得你同男朋友去呃佢同女仔friend 去😂
你老豆係講道理嘅話，你可以試吓同佢討論「太細個 遲啲先」嘅定義係咩，「太細個」去旅行會發生咩事，從而去了解佢擔心啲咩，我相信佢其實唔係好清楚自己擔心啲咩，你同佢討論都有助佢更了解自己同了解你。
出國旅遊要注意嘅事項其實唔難搵，問AI都有一堆，當你做足準備去同老豆討論，佢會發現你留意嘅事情同你嘅準備嘅事前功夫係仔細過佢，應該就會比較放心？
重點係自己做足資料蒐集，再去同佢討論，如果你旅遊知識豐富到導遊級數，佢嘅擔心根本多餘🤔
睇咗少少其他cm, 嗰啲咩非禮根本唔合理，要非禮留喺香港都會比人非禮😂
唔比你去好大嘅原因係你平時既表現比唔到你老豆足夠信心，完全唔關著衫事。首先你真係好想去，叫你班朋友上黎屋企比老豆見下，等老豆知道你同咩人一齊去，第二講清楚去邊度去幾多日大約行程會去邊度，同埋你可以同老豆講每去一個行程地方影張風景相比你，一般家長好少會唔比去
想當年我講緊14歲（200x年）去大陸玩完返黎冇大人自己回程返香港，返到屋企我老豆不知幾定個人，重話你咁大膽自己返到落黎（雖然事後打電話返上去鬧人）
我覺得你有個詳細plan再同你父母傾啦，去邊都未決定，嗰陣我grad trip去台灣旅行有晒planning 住邊去邊，自己返pt搵錢，去到當地定時同我媽報平安，去左7日乜事都冇，我覺得最好係幾個同性既fd，去啲近啲安全啲溝通到既地方，例如台灣，新加玻，我諗你父母會容易接受啲
未夠18歲，不如去離島先啦 、一係澳門 。到上左大學，儲啲錢，先同朋友去grad trip 啦 。我係你老豆都唔會比你飛 。
未夠18我都唔會俾，成年先啦
同埋最好頭幾次去2日1夜近近地嗰啲，等父母安心，之後先再去遠啲
你爸爸都係擔心你，始終香港係世界少數可以放心獨自夜晚出街嘅地方。用iphone嘅可以剩係出國嗰期share location、比個旅行plan爸爸、中午晚/返到酒店 影張相報個平安。慢慢佢就開始放心...
我當年都冇去過grad trip，係自己出來做野會賺錢，先去旅行
成年係成年，未成年就係未成年，差一日，你老豆 都有責任保護你，就算成年後，你係女仔，老豆都特別緊張，距驚嘅係外面嘅世界🙂