#求助萬能嘅Threads

2022年末，我租住一間居屋一人單位時候，木地板好醜樣同發霉，單位裡面有塑料仿木地板，征得業主同意後，我自己砌積木甘將膠地板鋪係木地板上面（齋放，無落膠水呢d，遮嗮成間屋地板）

到2025年中，仿木地板開始有一個結合位少少拱起，開始以為係塑膠地板質量問題，不影響居住，就無同業主講

25年7月，樓下向食環投訴我呢個滲水，食環同月份過來單位裡面做色水測試，出信話揾唔到滲水原因，因為無察覺漏水，也不影響居住我就無同業主講呢件事

之後到後來26年1月初，有一日發現木地板下面踩上去有水聲，前文提到那個結合位下面木地板一夜谷起左，隔離嘅踢腳線都係一個星期內慢慢爆開。就馬上通知業主，呢個單位懷疑漏水

退租時候，業主本身答應退返押金俾我，但係佢重新裝修完之後就反悔，既然樓下滲水唔關佢單位事，之前交單位俾我住時候無滲水，宜家交翻俾佢係滲水，係我搞破壞，就想扣我全部押金

又話我係25年7月，食環上黎時候無及時通知佢，滲水拖左好耐，搞到要重新裝修地板同櫃

請大家教路，應該點樣部署？🙏🏻🙏🏻不勝感激

咁大件都唔同業主講？！俾著我係業主告返你轉頭啦

出文嗰個都係蠢人一個，所以我無咩興趣教你點做。

甘你唔識就咪回復啦，費事浪費你時間

咁你呢啲蠢人，睇吓其他人點回應你啦。

佢都唔知做咗乜嘢唔見得光，樓下投訴漏水，又唔係佢負責賠錢比佢，咁都唔同業主講！

係囉 我都懷疑有野隱瞞
唔係點會收信漏水 地板有滲水跡像 仲要比埋食環入屋都無通知過業主一句

個單位又唔係你 只係租客
有潛在漏水問題唔講
仲要夠膽比食環入屋驗
我係業主都一定鏟到你上天花板
點會咁易放過你……

唔係你整壞無責任同業主交代，你唔係負責佢嘅物業監察

食環試水都唔同業主講
你真係會有機會害咗佢
比我係業主都唔順氣
如果我係業主你又夠膽小額錢債
我會claim埋你無合理匯報做成因滲水而樓面結構惡化

食環出結果，話唔關我住嘅單位事，呢個都要通知？🤔

Small claims 佢。

有唸過，不過點都要做好準備先

入稟法庭（完）（連利息追討）

已經計劃緊，主要係擔心唔知會唔會被業主反咬一啖，所以po上黎問下

同呢個單位巿關嘅事就要同業主講，唔需要你去過濾篩選，個單位比人投訴你都冇講比業主知，的確係你有問題

如果樓下隔三差五揾由頭，叫警察黎搞你，到最後警察都話呢個單位有糾紛以後無需出警，就唔係甘講法啦 😂以為樓下開發左新玩法

即係你覺得樓下係因為針對你、想搞你先報警搞咁多嘢，所以你先唔想比業主知你得罪人？

業主都知樓下麻煩，所以之前都有講自己處理左算但無理由下下都同業主講啊嘛……其實都頗煩

小額錢債審裁處直接開Case🫩

租畀你時冇漏，租完畀你之後漏只係表徵，佢冇任何證據證明係你招致

至於食環處上唔上嚟，有冇做色水，樓下滲定樓上滲都好，呢啲因素都同退還按金不相干

所以直接去Small Claims就ok🫩

好的，唔該嗮，多謝指教 🙏🏻

你放心啦🫩

關於樓下果層業主，你作為佔用人已經開咗門畀滲水辦啲人入嚟Test，所以你已經盡咗租戶責任，漏又好唔漏都好，都唔存在你同樓下業主嘅責任關係🫩

關於你住果個單位：
首先，業主拎唔出任何證據證明滲水問題係你不當使用招致，住前冇漏住後漏同你住唔住冇直接因果關係，即係你唔住或者第二個住都可能會滲水

第二，佢已經搵咗人嚟裝修，更加重現唔返裝修前嘅原貌，正正因為宜家業主點講都得，所以喺處理上業主點講都冇用，舉證責任喺佢到，你唔需要搵證據證明唔關你事🫩

第三，既然都冇證據，邊個知實際滲嘅程度同滲咗幾耐？所以佢係Claim唔到你因為冇同佢講而令到時間上延誤咗維修令到滲水程度惡化而要做維修🫩

第四，佢既然都冇證據咁就唔可以扣/押住你個按金，唔洗理佢有冇裝修單果啲，佢冇權喺呢刻押住你筆錢

第五，業主可以事後民事索償你裝修費用，不過又係另一單新嘅case，佢要自己搵律師同證據，不過佢索賠又好唔索賠都好，佢宜家要退返按金畀你先🫩

不過當然係法律上你可以放心，道義上你可以做好啲

明白，多謝你啊，唔該嗮 🙏🏻

咁大件事唔通知，早搵到早處理，已經浸咗成年，地板同櫃基本上要報銷，同埋你已經知樓下麻煩，隨時仲會追討業主過去1年漏水造成嘅損失，佢淨係扣你按金已經算係咁

樓下之前試過小額$5500，不過被食環兩次打回左，話呢單嘢唔關我事（見配圖）

仲拎按金？業主可能要你索賠都似！

樓下漏水 源頭唔係你租果度
但佢個地板同樓下個天花係同一塊，咁請問係咪只會樓下有事 而樓上無事
而家唔係講邊個漏水，係講你租果個單位有冇受影響
結果就明顯有 你唔一早通知，等到人地地板爛晒先出出聲
只係殺你2個月按金 比著我條氣都唔會順

真正漏水係去到26年1月，個陣即時通知左

你都係揀留言睇😂問黎有咩意思呢
圍爐取暖

其實係唔想俾個業主有藉口入 🤔因為查過法例同其他case，好似同評論區有出入

封信一直都係講緊未能確認源頭，無講到無問題，同時係唔關你事，不過關業主事，就算未搵到，都應該要通知業主再通知法團去檢查公共地方，你自己認為小事，但其實漏水問題愈拖愈大件事，你當買個教訓，個單位唔係自己，應該要知會或處理既留番業主去做

色水剩係check到去水有冇漏
唔代表來水冇漏

呢個情況其實係咪應該係個業主小額錢債返你，咁大件事都唔通知，真係多得你唔少

食環兩次出信通知，最後都係終止調查close file，你係業主見到無事仲會走上黎睇？

嚟個係你以為咋

點解要害業主？

如果你已經退左租交左樓還哂匙先追按金嘅話基本上都係任人魚肉冇仇報，比你小額贏左都係打返個和。

大家平時都係拎翻押金先交鑰匙？因為佢係WhatsApp打字同我講，俾翻鑰匙就退押金，所以我俾左鑰匙佢先

幾份租約都有寫二按一上比現金退租按金都係拎現金，唔收現金都要出張支票唔好比佢轉頭再過數比你，交樓果時就驗好所有野，交左匙後再有問題都唔關我事。

甘樣子～明白嘅，唔該嗮

你責任 你無通知業主

大佬你有無睇翻我配圖封信……

你唔好再果幾幅屁啦
你係咁撚肯定自己無責
就唔洗擺上嚟問啦

甩漆有裂紋我都通知業主，我換支光管都要通知業主，叫佢黎比錢🤣
其實一開始就唔應該租，木地板好地地點會發霉
有心入你，咩都係方法黎

等睇比人告番轉頭

你想試下俾人claim返轉頭咪入small claim囉🤭
你對自己咁有信心
輸極都係五萬 怕咩😌

配圖封信，係指話單位有漏水嗎？謝謝

租樓一收到咩投訴都要即刻同業主講叫佢跟啦

係你拖到佢嘔突好多錢 咁你覺得關唔關你事

但目測無漏水，上黎檢測都要講？

你覺得自己啱曬
人哋講乜你都聽唔入

唔信佢問黎做咩！大家講佢又唔信，反駁性人格！大家幫業主部署好撚過🤣

等睇你比人claim返轉頭