📌 #hkmusic00
共 53 條紀錄
#hkmusic00846
我真係好過分嗎？
我去老師家學8級，每周45分鐘。老師見我讀緊HKU，自己打工交學費好叻仔，俾我逐堂交錢。
最近3個星期，我都因做功課或返工夜瞓，上課日overslept。第一次過咗兩個鐘醒，第二次過咗四個鐘。上一堂我起身時發現距離上課時間得返3分鐘，唯有同老師講遲一個鐘。去到老師度，老師喺度餵緊自己個仔食午餐，一邊湊仔，一邊教我。
佢個仔突然出現狀況，叫老公幫手。佢老公問點解12點幾都仲未落堂，佢鬧：遲到遲到去咗第二個時區，遲3幾分鐘都仲可以忍下，但遲幾個鐘、搞到我成頭家個schedule亂哂，點搞呀？
我想問老師：我遲到對你頭家係咪真係咁大影響？等緊我黎嘅時間唔可以早點餵食飯嗎？
正常遲到堂都無得上，你老師肯俾你上算係咁，同埋小朋友唔係話早啲食就食得落，你咁大個人未肚餓夾硬要你食都食唔落啦
完全係🙄自我中心
兩三歲幼兒未社會化行為之前就係咁。
完
遲到, 影響到人，無時間觀念。有檢討自己嗎？你係求知識，老師無義務去serve你喎
見到留言區就放心哂
果然係人善被人欺
你嘅時間就係時間
人哋嘅時間唔係時間嗎?
‘等緊你嚟嘅時間早啲餵食飯’
好大的官威😂
我係老師嘅話
一次我會體諒
兩次我會警告
三次我即趕
同意呀，我仲將成篇文睇咗三次 以為係自己錯 睇埋留言區先知原來我嘅諗法都係同普羅大眾一樣 樓主完全冇尊重其他人嘅時間 好似圍住佢轉咁
你錯啲咩：
1. 冇感恩之心。人地善待你，你覺得應該
2. 冇守時觀念，冇合約精神。你地約左時間，人地就留左呢段時間俾你，因此而要放棄其他安排
3. 你冇廉恥之心。自己犯錯/失誤連累人地，唔反思唔改善，竟然仲要求人地全家甚至人地個小朋友遷就你。
4. 你唔善良，即使你唔知以上幾點，你將人擺上網，為求兩個結果：有人幫手鬧，或者有人話你好。
5. 冇啲承擔，冇責任心。
你敘事手法，先暗贊自己再幫自己搵藉口開脫，並沒有描述其他當時或之前發生嘅事，都顯示你明知自己有問題都想賴落人度。
最後，無論邊樣，你都係展示緊自己嘅自私。
掉番轉頭你接受嗎？為何你完全冇尊重老師的覺悟？
仲要讀HKU，你唔試吓返Lecture 堂時遲2個鐘醒，你教授同全班同學要唔要等埋你到先開始上堂？
甘無腦都講得出、毫無負任心同誠信，我係你老師就絕不會補堂俾你，因為你視為理所當然，毫不悔意。
你老師老公當住你鬧出聲
我都覺得唔係咁好。
但係我都好奇一問
點解老師個仔要因為你改變食飯時間？
又一個讀緊大學既巨嬰….
正宗讀屎片系列
老師人好，冇話你，但人哋老公睇唔過眼，出聲鬧都好合理
自己遲到仲怪人唔早d 餵飯😳😳
自己準時就得啦，on 99
遲到4粒鐘仲理直氣壯，真係食屎大
中文有個字眼形容你呢種人最恰當不過：涼薄。希望你是在編造故事。如果是真的，那你真是沒救了。再好的教育和老師，也救不了你這種天性涼薄的學生。你已經自私到對別人完全喪失同理心了。看你最後兩句話，讓人產生生理性不適。you make me sick.
正常遲到，或冇預早一日告假，人地真係可以唔補時同照計錢。你個老師算係好人。。咁大個飛機，仲係到話自己hku..你讀u大晒咩。。你果d係時間，人地果d就唔係。你遲起身無問題，人地個仔扭食野就有問題。🤭
樓主啲行為真係大開眼界🤡🤡
最大問題係佢竟然覺得自己冇問題🫰🏻
唔係第一次wor 你老師太好人，第一次遲2個鐘已經抵鬧
其實呢個係責任感問題，你唔係第一次遲係慣犯😂照俾你上係人情，唔俾你上但照收錢都係道理
係，你好過份！我個仔之前學琴（30分鐘）姐姐唔記得左出門口，去到已經25分鐘，最後學5分鐘就落堂，我無奈但我無怪老師，因為老師有自己嘅schedule ，自己遲到自己承擔後果！
你可以overslept人地就冇得跟原本個schedule，所以你仲未明個問題喺邊？
你影響人地個schedule仲影響人地個細路進食呀仆街
遲到一個鐘？你冇嘢嘛？？？
我教緊第三個學生啦！
冇時間⋯⋯其實學琴唔係必須。
咁你番工番學會唔會遲2個鐘或4個鐘？ 你係睇人嚟蝦，完全唔尊重教琴老師！
其實遲到一個鐘，你係唔駛去上堂，但嗰堂係要照交學費
而前面嗰兩堂你放飛機都係要交番學費
你啲時間係時間，
老師嘅時間不是時間？
你唔喺HKU走左堂/遲到，問佢點解唔可以等你遲一個鐘先上堂？
阿叻仔
係！
你唔止影響咗人哋嘅生活
你影響咗人哋全家嘅生活
你係咪認為遲咗兩個鐘、遲到四個鐘，你都冇錯？
你都真係幾過份 老師補比你係人情，扣堂係道理
完😊
世界要圍住我轉
我是宇宙既中心
遲到少少就嘈嘈嘈
傷害我既弱小心靈
打擊我對學琴既興趣
細路食飯食遲d會死咩
客人永遠是對的
我咁可愛，唔鍾意我既都係壞人
我返屋企話俾媽咪知。。。。。。
。。。。。。。。。。。。。。。
😂😂😂😂😂😂
支持你唔好學，老師咁衰，換左佢喇！🤭😂😂😂
要個bb因為你遲食飯？
Bb生活時間好規律
飲左奶食左早餐，午餐太早食會食唔落、食唔好
為人父母一定最錫仔女，尤其係年幼仔女 必定優先考慮其需要
你咁大個人了
要個bb就你？
你係真心唔知？定太自私？
其實我覺得你應該要檢討吓自己😓睇完你講嘅嘢，我覺得你個老師仲肯幫你上堂真係好好人
Dllm space就space啦，扮乜L嘢hku，space人係真自悲同kam L到仆街
我都教左20幾年琴。 我未生小朋友時是星期六朝8晚8，連教16堂每個45分鐘。 如果你係厘16個人其中一個， 咁你諗下會點？ 人地就你你覺得自己岩哂仲要全世界圍住你轉？ 夠膽深深不忿仲寫使咁大堆嘢上嚟圍爐，證明你底能唔係扮架喎
重點
「老師見我讀緊HKU」
一方面要講自己有幾叻
另一方面又顯示到啲人自大到自私
兩個鐘四個鐘一個鐘
零頭唔計你都夠衰格啦
一啲反省都冇仲鬧返人轉頭
雖然我唔係你老師呢一行，你要知道守時係一個人應盡的責任嗎？
所有預約制都有時間安排才有預約制的，不要講你遲到2個鐘。即使15分鐘，30分鐘，可以令到人地之後嘅安排會唔同咗，例如佢因為你1個遲，令到後面嘅學生或客人遲晒。
背後可以因為一個時間延誤，令到一大棚人受影響。
做功課是你的事，overslep是你的失誤，守時是你的責任，人家沒必要向你的失誤和責任埋單的。
你可以叫人點解唔早啲餵個仔，你唔問自己點解唔早啲到？
有一句請你記住，
你自己嘅時間係時間，人地嘅時間一樣都係時間。
阿姨我見到自己遲到還責怪人嘅真係火都嚟 🔥🔥🔥
係咪老作 讀緊HKU 仲未考8級
以一個讀緊HKU既香港人黎講，通常
1.精英教育，做升學其中一個加分項，8級呢啲中學已經考完，如果考唔過一早就轉跑道
2.陶冶性情，咁通常都係有空閒先陶冶，唔會迫住自己又忙又窮去陶
似係大陸人/AI 文🤡
你知唔知小朋友食飯同瞓覺嘅時間係每一日唔可以改，直到四五歲
一改咗，全日都會亂咗，作為家長係真係會癲！
因為嗰日改咗，之後嗰幾日嘅時間都會好亂
細個嘅小朋友個時間只有少少咁多多亂咗，佢就會全日勁容易喊
如果你睇到呢度都唔明，真係祝福你千祈唔好有小朋友
既然係大學生，用腦理性啲計一計數：你學琴一堂45分鐘，而你遲到1個鐘先去到老師度，其實嗰堂等同「臨時缺席」，完全唔需要補返俾你。你上堂嘅時段已經完咗有突，你仲好意思走上去，阻住人哋行程仲要問「我真係好過分嗎？」 難道你真係唔覺得自己好過分？😂
成件事拆開咁講：
1） 你唔知醒遲到再有苦衷，都係你嘅問題。
2）第三方肯遷就你照同你上堂係情份，跟返原定協商時間要求你改期或者計你no show照收錢係應份。
3） 你老師嘅伴侶作為一個毫無關連人士因為你嘅行為直接導致佢嘅家庭工作量及家庭時間成本增加，罵你係合情合理。
4）你仲細未清楚一個在職家庭要係一個星期抽到一日出黎進行親子及家庭活動需要幾繁瑣嘅規劃唔怪你，但你只諗住用區區小錢就要求人哋一家去遷就你失去紀律嘅個人行動就有啲過份。
你唔係遲幾分鐘喎，遲成幾個鐘個老師都照同你上堂你執到啦。我唔知遲到對佢頭家有幾大影響，但你遲到都仲要覺得自己冇問題呢下好嘢👍🏻
HKU？ 得寸進尺仲拎出嚟講🤭 呢個世界唔係個個老馮對你好，你有你難處，老師有佢嘅家庭責任。 你遲到個一個鐘係原本嘅上堂時間，你大小姐終於嚟到，個個時間理論上已經落堂，老師喺原定上堂時間之前落定米蒸定飯餸，你上完堂一出大門，佢就可以餵飯俾bb….因為你，打亂哂佢地，仲喺到聲大夾惡…..
老師內心os：逐堂交學費仲咁串，欠你咖？
鋼琴八級，人品負八級，宜家HKU啲學生連咁簡單的人情世故道理都唔識？高分低能？