📌 #hkmusic00
共 55 條紀錄
#hkmusic00682
各位老師，你地手頭上有冇三歲嘅小朋友參加彈琴比賽？
話說我之前收咗個新學生，家長一學就已經表明係要去比賽，識唔識睇譜都好，最緊要有首歌去比賽，彈到就得
如是者就一路繼續學，學咗半年左右，就發覺個小朋友應該係遲緩，比起其他三歲小朋友反應慢，聽唔明我講咩，問佢叫咩名都唔係好識答，因為我有教其他三歲小朋友，好多好精靈嘅係已經識得講好多嘢，識得講點樣搭車過嚟上堂
家長講明要參加比賽，點知撞正個小朋友遲緩，我有同家長講過話返屋企幫小朋友一齊練習，但家長婉轉地表示屋企冇琴，亦都唔識幫佢練，即係將個波交返俾我，然後家長吹問左幾時可以比賽？即係個小朋友係要慢慢學，講幾次先明個種，但家長要個小朋友學得好快
#hkmusic00682_1
續上篇
真係教到我崩潰，譬如我叫佢彈C音，用咩手指都唔緊要啦，彈到就得，我講彈3次，撳3次，撳3下，彈三粒，叮三次，叮叮叮，捉住佢隻手彈，我示範彈，彈左3下，佢講極都係唔明，一臉迷惘，佢會跟住我講，但唔識做🤯🤯🤯🤯淨係彈三下C音都唔識，C C C咁樣咋，都唔要求用手指公，已經顧唔到個指法
冇辦法啦，家長落order要比賽，我只係照指令做事，我開始鬧個小朋友，迫佢記，一彈錯就鬧佢，一鬧佢就爆喊，喊左幾堂發現我唔會因為佢喊而唔使佢彈，佢慢慢就唔喊，真係去記彈琴個位，逼佢成長左，不得不承認呢個方法好work，我鬧左佢3個月，佢已經記得晒成首歌，兩頁紙，背到哂，但代價係佢可能之後有陰影
#hkmusic00682_2
最終篇
個小朋友就係咁樣堂堂喊住咁彈，堂堂俾我狂鬧，一開始係會喊到想嘔太激動，跟住我會叫佢飲啖水，我會叫佢自己坐低冷靜，諗吓我點解鬧佢，我要求佢做啲乜嘢，咁當然佢慢慢開始彈到嘅時候，我係有讚佢，最後佢成功3個月記熟到一首2頁紙既一級歌，然後終於到咗家長最重視嘅比賽，佢報3-5歲組別，係打贏埋4-5歲，攞咗個冠軍返嚟，家長好開心！
但我覺得我有ptsd，好辛苦，咁樣迫一個遲緩嘅學生，夾硬拉佢上嚟，學生應該都唔知發生緊咩事，淨係知彈唔到個音俾人鬧，逼佢成長
我希望佢會繼續學琴，其實我都冇辦法，而家一個學生大把老師爭住教，我只能盡量達成家長指示，我其實係主張輕鬆教學，慢慢學慢慢練，可惜家長唔係咁諗
你枉為人師呀！小朋友都係人嚟㗎，三歲細路都有感情有感覺，你為咗錢係咁逼佢，佢肯定一世有陰影
我應該弱智既,或者飲左孟婆湯斷片,我只記得6歲既野,5歲都唔太記得了~
不過我冇學過琴,笑
個人認為你為咗份工
為咗佢老母嘅要求
咁樣迫個細路
你都唔係咩好人
佢有陰影你都係幫兇
仲好意思話自己ptsd
個家長傻， 你又陪佢癲， 唔好賴個家長， 你都有份害死個小朋友
3歲係個大bb嚟架咋陰公。
拎埋冠軍，應該唔係遲緩嘛。。
只係3歲太早學，可能佢未ready
佢老母係咪3歲拎冠軍？ 如果唔係憑乜嘢要個小朋友彈琴拎冠軍呢？
其實精神虐待都係虐待兒童嘅一種
你唔好俾我知道你係邊個
如果我知道一定報警拉你
3歲就算吧啦，其實5-6歲先開始先至最好。
香港老豆老母個個都以為自己個仔係神童。呢啲家長係平時聽得太多人講個仔好有天份就當真。做過教育就知，實際係蠢、學習障礙佔多數。
如果唔係好缺學生就放手啦，呢啲家長唔肯接受現實，就算你點樣講道理都無用，只係想有人講佢想聽嘅說話，市場會有老師滿足呢類家長。
多謝分享，真心覺得勁，發展delay都可以3歲3個月靠強迫拿冠軍
自己做唔出，亦做唔到，但原來真係可以work🤣
呢個行業就係因為愈來愈多老師好似你咁
將金錢和保住份工priority 擺到最高
將孩子的福祉放到最低
然後啲老師切頭切尾咁推話自己幾快教幾細嘅學生拎到最勁嘅獎 考到幾高嘅級
咁有乜嘢意思？
3歲嘅小朋友仲要SEN 做到完全係因為高壓下死背而彈到
之後你叫佢睇譜彈返同級嘅高 你咪又要重新教一次 根本不是真正學識該級數應有嘅能力
然後家長們因為大勢所趨和一知半解
而選擇你這類嘅老師
其實你唔只影響緊一個家庭
仲影響緊整個行業⋯⋯⋯
係宣傳？如果係真我覺得好折墮。俾我就唔收呢個學生instead of跟家長order折磨個小朋友。仲要得3歲。係win左個比賽但兩個都有陰影就唔係好結果啦
唔好話人地遲緩啦，會唔會係係其他3歲特別叻咋？因為唔叻既正常都唔會浪費錢學琴😂 同埋男仔和女仔發展都差好遠😂
拎哩個冠軍個小朋友係咪真係開心？
你並唔係一個好老師
你只係為咗錢乜都會做嘅社畜
唔好將自己責任用一句「我都係收order做嘢」就卸走哂
你賺少一個客錢係唔會餓死
你教佢彈琴理撚得佢係咪學習遲緩啫？ 佢自閉又好 白痴又好 弱智都好，做返本份咪夠囉
Sen點解要讀，要有專業知識先可以教…
就係因為有你呢啲一味就淨係識得鬧，唔諗吓教學方法同方向點改變，為咗錢、為咗自己利益仲好意思話自己ptsd,亂咁教有特殊需要嘅小朋友，某程度上你害咗佢一世
佢自己教落覺得小朋友係SEN, 而且自己又無呢方面知識，仲要繼續發癲咁鬧話自己教🙄
讀完SEN嘅老師都唔係全部SEN問題都拿手處理，更何況佢呢啲門外漢
屋企琴都無仲想去比賽…
其實你係幫凶，3歲堂堂喊住咁彈，你仲好意思話自己為人師表
3歲講唔到名唔出奇，男仔女仔都可以差好遠，佢能夠攞到冠軍証明個小朋友跟本冇遲緩，有問題嘅只係圍繞住佢身邊嘅人事物
我勸你唔好為咗呢個家長，整臭自己個朵
你自己都知道練琴呢家野唔係一嘢就好叻
何況小朋友有學習遲緩，得3歲詐
同家長講，有遲緩問題及早搵健康院做評估，唔洗錢㗎
我以為你話無接到。。。 我覺得係個小朋友PTSD多啲
無琴都贏到 咁勁？大佬呀 屋企無琴練又無人幫，隔左一個星期，上堂時一定唔記得上一堂嘅野，3歲做唔返好正常，應該唔係遲緩。返去要每日起碼練一次
屋企無琴就唔應該收呢個學生
學生平時無練琴
又唔同家長講有遲緩跡象（雖然家長多數唔接受承認）
呢種老師咪誤人子弟囉！
嘩，咁勁嘅，得3歲學幾個月屋企冇琴淨係靠上堂都可以贏冠軍，你叫嗰啲努力練習嘅5歲小朋友情何以堪
無教導 ‘’遲緩學生‘’ 嘅專業知識同技能唔係你嘅錯。
你錯就錯在無如實同家長講小朋友問題，無叫家長揾專業人士幫手，而走去咁樣教個小朋友。
收皮啦，賺完人錢先扮愧疚
我嗰陣個鋼琴老師唔單止好似你咁狂鬧人，仲會攞藤條fit我對手，而家真係是但一個識彈琴嘅人都可以做鋼琴老師
如果你為左錢放棄左你嘅主張，咁你嘅主張就唔係主張，只係價錢到位你就會妥協。我唔想站係道德高地，好多人為生存一樣有個價，呢個係現實。
個學生多得你唔小啊，咁樣鬧個學生拎個冠軍返來會開心咩，你以前學琴係咪咁樣畀老師教出嚟㗎？學音樂最緊要係開心啊，你咁樣係會搞到個學生有機會以後討厭音樂😮💨人哋得3歲咋唔好搞人啦
個小朋友遲緩
所以家長要搵樣野黎安慰自己個小朋友唔蠢、個小朋友好叻可以好有成就...
個家長根本唔信自己小朋友出問題，長期咁迫落去遲早多一個jamp 
3歲其實學乜鬼野琴丫，搞下認知對佢仲好
係認知！唔係認字
屋企無得練，唔識陪佢練，唔緊要，一星期過嚟學7日，每堂上半個鐘，上下晝上一堂，一日上兩堂，每堂收佢$300
個家長講極唔明，你咪同個家長講：個細路就好似佢哋咁，點極唔明
btw, 家長嘅期望唔係自己嘅教學目標，就無謂接呢位學生
家長似乎為咗考小學而鋪路，我覺得作為老師你可以直接同佢講，認為小朋友需要去評估一下！始終你面對過咁多個小朋友，你好心水清邊一啲小朋友資質比較高，邊一啲好明顯滯後。
你為左個三歲去報比賽鬧個小朋友
你覺得自己有ptsd
好合理
HK environment sounds pretty crazy. No piano at home and request competition result!!!
I would have required the parents to observe the lesson and see how slow her son is and hopefully get him help. But if the parents didn’t even see the need it him practicing at home. Probably not gonna show.
睇到想喊，3歲咋陰功俾個惡老師係咁鬧，當然佢老母有咁嘅要求都好癲，但你為咁達到目的咁樣虐待個小朋友，你係出手嗰個，你都係惡魔。