$150/小時嘅鐘點，你覺得合理定偏貴？

新姐姐4月先到，朋友介紹咗個 $150/小時嘅鐘點。每星期1次，每次3個鐘。

我診所請 EN（登記護士）都係 $120-$150/小時。如果鐘點收 $150，應該好專業啦。我俾佢做咗4次。

幾個位我接受唔到：

1. 一嚟問我：「你整咗我對手套去邊？」我冇掂過，反問佢：「你會唔會自己搵下先？」最後原來係佢自己失憶。

2. 露台門水痕好誇張。佢：「抹咗好耐」，但抹得耐唔等於抹得好。佢：「搵唔到乾布」我：「點解唔問？」

3. 冇吸床。一丁細丁同我瞓，床上一定有毛。頭3次都有吸，第4次突然唔吸。咁重要嘅位，點解漏？

4. 冇手尾。清潔完永遠有嘢冇收好，毛巾、吸塵機棍周圍放。

5. 洗完嘢唔見咗。一丁隻糧杯，前姐姐 mark 低個位俾我認。佢洗完之後唔知係咪當垃圾掉咗，搵唔返。

請鐘點，如果連基本都未做好，咁俾嘅錢，只係買佢「嚟過」。

做老闆咁多年，我明請人唔係一請就啱。你請十個，可能得一個真係做到你要求。但對鐘點，點解我會期望佢一嚟就做得好？原來我對佢哋嘅期望唔一致。呢個，值得我反思。

有冇「請咗先唔會踩雷」嘅方法可以分享下？

150/一星期一次，得3個鍾，你想人做到幾多野，呢下你真係我唔撐你

7、8年前已經$150個鐘，交通費另計，上下晝要包午餐。

我覺得第1點問你整左佢手套去邊都幾無禮貌。

其實佢係質問我？係咁話你嗰對係黃色，我嗰對你整左喺邊？我果刻係「我都冇旭過你啲嘢，你自己放喺邊你唔記得？你已經黎左第4 次」

香港地sharp醒嘅人堅唔多，就算跨國企業嘅員工都唔係每個都smart，有時調整自己心態去諗~若果醒已經升咗做管理層啦，frontline員工必不完美係事實，最理想就係佢嘅不完美只在於管理技巧，所以做前綫服務時仍然完美！但同意你觀點，呢個價錢畀唔到相應嘅基本服務水平，換人換agent...無懸念！

如果唔係一丁細丁驚陌生人，我一定換咗。
其實都唔易搵🥺

Next time, the interview panel members must have錢一丁and錢細丁. They both act as the subject matter experts, whereas you are the Hiring Manager.🤣🤣🤣

True. If they don’t pass, I’m not hiring.
一丁負責嚴肅，細丁負責直覺。兩個都過唔到，我信佢哋多過信你😂

一般清潔計，貴。我出呢個價只會係要同我執屋入箱/拆箱，向搬屋前後出呢個價。平日 130 一個鐘係正常價

即係高咗$20蚊左右。多謝你嘅資訊。

唔理平貴，咁態度唔好用啦

因為我2 隻貓怕陌生人，所以用短期斜就唔想成日換人。應該要用多1 次，等長工姐姐黎

咁無法啦

遇到好，真係好難。
通常就會一路搵落去，平時搵開嗰個每個星期都full晒，得返星期日下晝有時間。

好似好難搵咁。

建議用ERB樂活一站揾鐘點，有規範啲，佢哋會記錄返鐘點嘅表現（如果個鐘點有問題，會入黑名單），又有人跟進你個case，價錢可能唔係特別平，但係有咩問題有人幫到你處理，安心啲

多謝你嘅建議，我上網搵一搵🧡🙏🏻

我請緊$130個鐘，每次黎3個鐘，唔上窗台話驚跌落街，但出露台又會擔椅企高抹窗，唔掂所有布類，淨係洗廚房廁所拖地抹表面清狗毛，最初我響度都做足3個鐘先走，而家放間屋俾佢，搏我唔知次次2個半鐘就走，夠3個鐘先同我講收工，唔係佢對我隻狗好我都想轉人，fb gp而家d人通常開價100-120個鐘

我果個1340 開始，1555 佢幫我洗個廁所（只係廁所）唔係溶缸，冇拖地果啲咁大陣仗。其實7-8 分鐘乜都抹完，我叫姐姐幫我換埋床單先走。佢話 趕唔切？其實換床單，被套要幾耐，1640 前完唔到？然後佢唔換1625 坐喺度示意做完，然後先斯斯然出去倒垃圾。根本1640 前一定換到床單，係唔幫我換😖

$150 貴啊， 除非佢真係當你屋企係佢屋企咁清， 但真係好難遇到。
我依家都係請鐘點， $120 ，但佢只肯做3-3.5小時一次🙈⋯⋯ 我都諗緊轉唔轉好， 佢次次都趕頭趕命咁， 我想佢做得深層細緻啲。
我已經同佢講過，做長d 時間都可以， 我唔介意比多啲，咁你咪唔洗趕去下一家。
我又懶再試多個鐘點，所以繼續住先……

我都覺得應該係$120/小時左右。其實我冇咩比佢做，又唔洗煑飯、煲湯、又唔使洗衫晾衫燙衫、又唔使抹窗、又唔係次次換床單、拖地、又冇要佢洗浴缸（只係洗廁所）。然後成日同我講佢睇唔到，咁睇唔到你咪帶眼鏡攞。我都會用多1-2 次，唔𨍭喇，等長工姐姐黎。

浴缸都唔洗洗😮⋯⋯ 我之前果個好好嘅鐘點姐姐， 佢直頭捽埋浴室雲石牆壁，無水垢， 又幫我解決洗手盆邊膠邊發霉。 都唔洗$150 。
所以話鐘點/工人姐姐價錢係反映唔到工作能力。
加油👏忍多陣～長工姐姐好快嚟。㊗️你搵到個好姐姐，聽教聽話，做事上心細緻。

我唔需要佢洗，我已經比好小嘢佢做。佢每次黎都失憶咁

150一小時咁平？我姨做開都收二百一小時！姨都做咗十多年！

咁你阿姨好叻

本身俾呢個價請人，其實都係想買個唔使煩
點知而家唔單止要跟住做，仲要受埋氣。
最麻煩係佢仲未必覺得自己有問題…呢啲真係難受。
搞到好似佢唔係嚟清潔，係嚟佈置密室逃脫畀你搵線索😅
請鐘點有時真係幾似開盲盒。

仲有，佢講嘢好大聲，已經提左佢一丁細丁好敏感，大聲佢哋會驚，但佢仍然係咁大聲。平時如果陌生人黎屋企，比嘢食一丁細丁後，佢兩兄弟係會放下戒心。唯獨是呢個姨姨，黎咗4 次，餵哂野食，兩個仔都係驚到Lei 埋唔出黎甚至唔食野。好肯定，呢位姨姨個vibes 唔啱一丁，細丁😕

原來仲有咁多細節未講…你已經算好輕手😂
換轉係我，第二次應該已經🔥
最攰係唔止做唔好，仲要受氣 + 自己執手尾，呢啲真係頂唔順。

如果係咁不如團隊做？包月應該唔會太貴，幾個人一齊清潔仲會快d...

俾得多錢唔代表high quality

就係

因為你覺得貴...覺得$150/hr要做到某個標準, 所有野你心中有把呎, 覺得佢做到咁唔值

你只可以換人再試, 或者直接搵個平嘅比較下

其實我係買菜唔知價果種人，因為不嬲都冇用鐘點。係有人介紹比我，然後呢位姐姐話「我收$150/小時㗎喎」言談之間我feel 到佢意思即係「我個價係over market rate少少」。其實，只要做得唔錯，差10,20 蚊唔緊要。唔係話貴一定好，平少少一定唔好。只係既然佢覺得自己係slightly over market rate, 正常人會覺得即係佢應該唔錯。但係原來唔係而巳。

$150唔係貴又唔係平，你依個價錢可以試多幾個比較吓。
但即使做得好態度都好緊要，試過有個做得幾好，$160/hr 時間好full, 但講嘢都串, 成日話自己唔滿意就唔接，遠多一個站都請佢唔郁，又串人出唔起錢。
依啲鐘點做得幾好都唔會要，冇理由我俾錢仲要俾說話我聽

算啦，長工姐姐6 號到，由佢啦🙃

我朋友做都係130-150一個鐘。但佢唔憂做。。。因爲成日係客搵佢多。。通常熟客介紹，好客都唔會走。好多時間夾到長做，唔好佢就唔做。。。同埋西客好多咖。。。試過諗住熟客介紹接多單，，，嘩，入到去間屋係垃圾屋黎。即時走。。。。

就係 宜家啲鐘點唔憂做。我諗$130-150 係合理。

試做一兩次先，每次先俾$

係每次比。宜家唔易搵香港鐘點。

係架

嘥氣 😎

😄

其實你請個菲傭外傭又唔啱心水
本地又唔啱
會唔會係你對人要求太高呢？雖然人家係受你人工
但都唔會係機械式咁完美
由你講嗰句150蚊一個鐘, “應該好專業啦”
咁你就繼續去搵, 搵100個梗有一個專業嘅

同理我想問下你係咪處女座？
不如檢討左自己先

我試過4個，無個啱心水，我都出緊$130/鐘

原來真係一個好鐘點咁難求

真係，其中一個經典，撞爆隻門、洗爛個抽油煙機，搞到冷氣機漏水

市價130差唔多
有家政牌可能會再貴啲啲
然後做嘢咁差應該即炒

自己做其實都唔完美, 所以買d靚電器自己快手做咗就算. 當做運動

算啦，頂多1 個禮拜新姐姐到🙂‍↔️

而家乜工都減哂人工。

我地醫務中心住院福利都cut 咗

我之前用160都係麻麻
Fb搵左位$110 反而仲好😂

可唔介紹🙏🏻

佢住上水，你近嗎？如遠佢唔去😂

咁佢應該唔去喇😞

佢用質問既語氣去問你對手套去咗邊？若果係都幾冇禮貌🙄

因為佢語氣係幾肯定係我攞左佢，其實係佢自己擺咗佢清潔劑隔離

最憎呢啲自己失憶就話人哋拎佢野既人

宜家準備打比佢，都要叫佢黎多次

冇一個好方法，依家啲人都係好求其😑

最頂唔信，當我話呢度未吸，嗰度未抹，佢答：「我睇唔到😖」。佢有眼鏡又唔帶！咁我咪話「你睇唔到點解唔帶眼鏡？」真係好忟！

要學識放低，市場上面大部分都係呢種人，之後新姐姐都有可能係，所以唔好太勞氣。
清潔方面只可以佢做天一半，你做地一半，因為佢哋嘅標準係我哋香港人唔同🫠

係貴，我請陪月嚟做保母+煮嘢+基本清潔都係收我135/h，所以佢咁嘅表現係對唔住佢個價錢，即炒！

原來$150 真係偏高，頭先有位朋友話佢阿姨收開$200 per hour. 果個應該exceptional case.

可能你朋友個姨姨係真係值呢個價錢👍🏻👍🏻 

係其中一個留言者嘅姨姨😎，真犀利

依家聽講鐘點係好搶手，近幾年個時薪高咗好多，現在個價係真係拍得住你請嘅登記護士
150蚊一個鐘係合理範圍中的偏高價，不過睇返妳形容係質素偏差，而妳對清潔方面應該有好高要求，佢真係唔適合打你工
聽日就4月啦，希望新姐姐會同妳夾得好

→ →最基本的工作情況！☝️☝️

題外話
兩隻貓咪好可愛😍

踩雷,哄大陸