📌 $300 的舞台劇，
共 66 條紀錄
$300 的舞台劇，我現在不會看了
早前有一位網民表示：「舞台劇憑什麼收取 $300 的門票？」獲得林日曦回應：「沒有憑什麼，因為他們賺取的收入十分卑微。」然後獲得網民大量讚好。
對此，我是很有保留。進出劇院多年後，真覺得有為數不少的舞台劇「憑什麼收取 $300」，而此句後半部還有一段：「憑什麼收取 $300？演員不但沒有記好台詞，演出也生硬，劇本還跟糞便一樣。」
這便是我近年不再看舞台劇的原因。十套舞台劇，九套伏。以 $300 作為單位的話，看十套，我便需要 $3000 的成本，才能看到一套覺得好看的舞台劇。這樣的成本，對一般人來說實在太大。
$300 一個娛樂，對於港人來說不貴，也不便宜。以香港平均時薪換算，基本上是用 3 至 4 小時的工作時間換取回來。而觀看舞台劇還需要時間成本。老實說，舞台界確實要跟觀眾交代：你們憑什麼收觀眾 $300？因為那是你的好朋友？你的伴侶？還是跟你一起在演藝學院畢業的同學？
「Call 飛」是業界常見的推廣方式，也是一直阻礙舞台發展的致命傷，將好端端的舞台劇變成畀面派對。但凡有份演出的演員，都變成那些新手保險經紀一樣，親朋戚友賣一圈，接著是不太熟的朋友，然後是追求者。中伏的朋友又對舞台劇產生偏見。只要你有一個舞台劇朋友，他便會像一個不停擺酒派帖的重婚慣犯，又像一個失敗的不死推銷員，一直 call 票，直到身邊朋友敬而遠之，這真是我見過最差勁的推廣方式，比 BNI 還要差勁。
除此之外，演藝學院內的政治角力，也足以將舞台界送入墳墓，看現在院長的嘴臉，2026年了，你還相信現在的演藝學院能培育優秀的藝術家，那麼$300的糞劇，你值得擁有。
另一個問題，舞台劇界營運幾十年，到了今天，仍然像一位長期領取綜援的傷殘長者。不靠施捨便無法生存。我曾經也是施捨的一員。也曾試過在沙田看過一套 $3xx 的原創劇，故事以不同年齡的女演員代表同一個女生，多人分飾一角。聽起來有趣，但在其中一名演員花了十五分鐘讀出一段冗長又沒有意義、關於角色𠝹手的獨白後，我便決定提早離場。自從那天開始，但凡有人邀請我看舞台劇，我也必定問他一個問題：這一套有什麼好看？
假如回答是「撐場」，我會請他吃飯當撐場，假如答不出來便不會去。時間成本是人類最大的成本。我不願意將這種珍貴的資源，放在別人的夢想之上。那不值得，因為我也是演員，也有自己的夢想。
鬧了很多，我並不是那些只會抱怨的怨婦。一直堅持「ban 橋要畀橋」，單純指出問題，對業界幫助不大。因此我認為舞台劇必須有另一種的生存方式。
一 別再用成本價作為訂價
既然對劇團的劇目有信心，可以用「自由定價」吸引觀眾。先用自由定價的好奇心吸引觀眾，一方面沒有了 $300 的門檻，另一方面在宣傳上亦具備話題。有研究顯示，自由定價後，大部分人願意付出比原價更高的費用。說到底，反正大家收入有限，不如破釜沉舟嘗試新的手段。像現在的網絡一樣，好看便有人課金，不好看的話，免費也厭浪費時間。想寫一個劇本自濁，便不要用觀眾錢買紙巾。
二 善用社交平台
舞台人跟電影人一樣，對社交平台的宣傳概念仍然十分薄弱。幾十年了，仍然相信「有麝自然香」，這種想法已經過時。已經有數據證明，藝術最需要的不是天份，而是推廣。早幾年《小薯茄》的舞台劇能夠售罄，正是因為善用社交平台的推廣能力。建立劇團自身的 IP，吸引新觀眾是唯一出路。
三 別再 Call 飛
畀面派對是舞台界最失敗的地方。你的朋友/前輩，礙於情義不想告訴你演出難看，才會說「幾自然」、「咬字幾好」。這些讚美背後，其實只是禮貌。只有真正陌生的觀眾，評價才相對客觀，而 Call 飛只會令陌生觀眾更少。
藝術若只靠資助，不打開市場、不面向世界，無論你有多大的天賦，在這片文化沙漠中，仍然難以綻放。
如果見到劇圈中人在backdrop 前打咭出post 講句「Good show」，必定係俾面派對，伏伏伏伏伏
舞台劇的確是越來越貴，現實是：只有極小數的劇團可以有政府資助，一個舞台劇不是你看到的幾個演員那麼簡單，你看souvenir programme 都一大堆職員才能成就一個劇。你看戲三小時，別人可能是半年的心血，不要只是看自己重，看別人輕。
我不只是觀眾，十多年間台前幕後都做過了。當中很多是無償甚至是貼錢，然後我沒有看自己很重，也是經歷了十多年後才得出這個感想。
所以別人的半年是心血，觀眾的三百元又不是錢嗎？
但同一套理論
可以套用各行各業
冇人投入 冇人入行 成個行業冇左
在香港一部電影可能$60左右就可以看，不同的電影院院線甚至可能有自己的每星期固定優惠日。反而舞台劇要幾百甚至過千元，有人會想：為什麼進劇場看劇，比進電影院看電影還貴呢？因為舞台劇是現場演出節目，電影是投影機放映節目，後者可以同時在不同的電影院同時放映，一天內可以上映很多場次，落畫之後也可以在付費的平台上架。但舞台劇辛苦排練幾個月，入台佈置彩排演出一星期，一天最多演兩場，觀眾只有演出時間才看得到，可以售出的票比電影少，可以選擇看的場次也少，但是劇團為了只演幾場的劇，投資過百萬元的成本（大製作），細心計算一下，一張$300的票，售票率可能要超過七八成才有回本的希望。你可以質疑一齣戲像冀便，但你的感受是主觀的，製作成本與售票難度是客觀的，希望這則留言可以幫助你了解更多。
我的感受是主觀的，也是來自我十年間，為數不多亦不少，參與舞台工作的經驗、學習與行內人交流後的感想，所以我不理解，你告訴我一些很早已經知道的現實，並且有的部分數據更有偏差，這不全面的「客觀」是有什麼意思？你可以詳細說明一下，你本人的主觀感想嗎？
師兄有理有據 中肯客觀 有建設性 值得一讚👍🏻👍🏻
一場舞台劇點止$300
上次睇彭秀慧，六百幾中間位
悶足我兩個鐘
雖然我自己唔係睇開舞台劇，但有睇過嘅我都覺得好精彩，唔會話100分，但都會覺得不枉此行
你應該係會有固定入場嘅劇迷，我嘗試分析下你嘅諗法，同埋少少建議🙏🏻：
你會覺得有時入場睇嘅劇係質素低下，以致認為不值門票價，而你講可能睇咗10套先有一套先好睇；所以我首先諗：你如果睇到覺得演員做得好嘅戲，應該坐底有高少少嘅水準，其次就係個劇情符合口味、劇本引人入勝、燈光舞台效果服裝嘅呈現我會建議如果有睇開覺得好睇嘅舞台劇嘅人腳可以嘗試入場，因為演員班底應該係最顯著影響舞台劇嘅元素之一，似乎可以有效降低你覺得睇到伏嘅機會
另外明明我都冇睇舞台劇習慣都打咁大段comment，係因為舞台劇喺香港確係少眾啲嘅文化體裁，現場台前幕後即時表現能力嘅要求好高，又學你話齋好似做唔起呀，要好多人去資助籌旗，即係都有佢一定嘅挑戰性同難度
雖然湊數行為係有啲難睇，但嗰啲堅持要做舞台劇嘅人係一班好堅毅嘅藝術家，見到個本來睇開舞台劇嘅人話唔再支持就有啲可惜，或者不快嘅經歷多到人好失望，相信冇人想俾錢睇爛劇所以好理解，以上少少嘅建議希望你唔會完全放棄呢個興趣，然後可以睇到你覺得好睇嘅戲
我感受到你嘅善意，我係咩都唔重要，可惜我對業界嘅理解，完全睇唔到你所謂嘅堅毅藝術家，大部分人只係抱殘守缺，不思進取，得過且過嘅藝術家。
做生意，真金白銀拎出嚟，生意唔好都諗出路，捱到最後一日，依一種，叫堅毅，舞台界，拎藝術綜援，日日呻窮，年年拎綜援，依啲叫不思進取。
政治打壓係一件事，山頭文化，各有各做又係另一件事，我無放棄依個藝術，都無諗住放棄，所以我提出改善嘅建議，我分享、交流、學習，依種就係我對表演藝術嘅愛。呻窮呻慘一啲用都冇，有錢就搵解決方法先有機會變好。
百貨應百客, 一路唱歌一路食飽都有人願意課千幾蚊入場
香港地$300真係食餐好少少都無咗
同意，我同老細傾人工，唔會話自己好慘，係展示自己價值。
勉強會睇下香港話劇團同埋中英劇團啲音樂劇，其他不了。雖然同上海音樂劇市場比，佢哋整體唱功真係差幾皮，偶爾先至得一兩位演員係ok！當我做慈善囉！🚬
其實你寫食評會好啲，大部分人會同你一齊屌鳩餐廳/飲食業
但舞台劇自帶光環，和應你既人會少好多
我寫關注的議題，不是為了別人和應。只有兩個原因
1） 我想寫
2）引起大眾關注議題
看完文章後，不一定要和應我，有令不同人思考議題本質或引起討論便達到撰文目的。
👉🏻👈🏻 冇睇開本地劇場人士弱弱問一句其實平時都冇留意開有咩劇/演員，樓主可否介紹吓啲好嘢？還是說賣飛貴過$300的一般質素都對得住票價？
@alicetheatrelab 藝君子劇團都不錯
真，少數怕長計。儲埋啲錢去Broadway或者West End睇會值回票價好多好多
亦鼓勵大家去日本搵吓話劇睇，抵到喊，係平時睇日劇個D著名演員喺你面前做戲呀大佬，都係港紙3百幾。
雖然Overall嚟講日本啲話劇係無香港收得咁貴，但6000 yen睇唔睇到星級cast?
三浦透子演Prima Facie，獨腳戲用埋下北澤啲小劇場都收5500-6500yen
日本睇劇應該絕大部分無英文字幕，同埋熱門嗰啲應該好難買到飛，莫講搶飛，連註冊Pia, eplus都有困難
300零唔係300元正。
可以試下download 票通執平飛，咁你咁想睇熱門表演，咁就要有D撲飛攻略。利申：去日本睇過好多次劇、下北澤。
第一次去日本睇劇係2006年，去咗已拆嘅青山劇場睇
咁多年嚟都係覺得去日本睇演出唔太海外friendly，對比紐約倫敦。日本嘅票價都20-30年嚟無乜大變動，唔似香港咁以倍數咁加
家陣可能好少少，四季寶塚應該開放咗海外購票，又或者Harry Porter咁連Klook都有得賣（遊客向）
除非冷門到去睇小劇場，嗰啲就去Corich book，當日精算，反而好方便
so far呢幾年睇左唔少舞台劇
無咩中伏 可能我揀嘅都係好劇團同劇作家 風車草 莊梅岩呢啲
唯一一次中伏係林奕華嘅劇
第一次睇到係不斷見到有人離場cls
不過舞台劇飛越來越貴係真
好多都980左近 細劇場可能都要680
林日㬢果句明顯情緒先行。
廚師收入多少同個餅好唔好食無關。為佢外，要麼叫佢提升技術，要麼叫佢轉行。
咁要㨂嚟睇嘅
睇一般觀眾feedback，避開某啲劇團或者人，㨂rerun嘅製作減少中伏機會
但家陣香港睇套話劇應該唔止300蚊🥲
你要睇有製作有cast有出名編劇導演嘅
最近賣飛嗰套山頂賣480
路過見到 想回應一下 重點唔係幾多行內人識睇會買飛 而係幾多路人粉 會買飛
就好似我唔睇開 ballet 都會知道有套野叫 nut cracker 同 swan lake
作為一個 “路人” 對於舞台劇的知識 就係有上viutv 果幾個藝人
一般路人 係唔會分你 舞台劇 歌劇 畫劇
個題目 同 starring 吸引就有人會買飛
其實舞台劇的確係無人做科普，所以一般人覺得舞台劇有D好曲高和寡，但實際上係好多劇眼高手低，問題並不在於觀眾身上，係在於無諗過要進步嘅劇場問題。
唔喜歡睇便唔好睇，你覺得唔好睇唔代表其他人唔鍾意，真係唔好既表演，市場自然會淘汰佢。事實上，我覺得好多舞台劇都好好睇。
百幾蚊套戲都唔多想比時成本嘅時候，三百幾蚊真係諗了再諗。食塊牛扒好似重有價值。
300已經好平，低過睇演唱會，有三分之一去咗場租，仲有佈景，後台人員，創作，演員要綵排幾個月，基本上只係賺少少演出費。
我寧願想交税起大白象天橋，都唔想D税交落去比中產做神打然後圍爐自high