📌 @tamjai_sa
共 59 條紀錄
@tamjai_samgor 啲阿姐同一對手套做齊收錢抹枱出餐
其實不如唔好帶 🤣 可能佢哋徒手feel到污糟都仲會洗吓手
戴咗手套儀式感以為好乾淨仲衰
有班人講到做餐飲就係咁 我做咗咁多年餐飲都知掂完污糟野要洗手 問題係你有無concept要做好衛生 食安好重要 ☺️
嗱！問題嚟啦 。
1.有好多人都屌，點解啲員工唔戴手套？
2.當佢戴手套嘅時候，就會一對手套走天下 。
強制性二揀一，你會點揀？
😂😂
客：點解你地一對手套做咁多野 ？好污糟禍
公司：點解今個月用左咁多手套架？下個月減數 減唔到出警告
客：點解你地唔帶手套
公司： 你比人投訴唔帶手套禍 我希望無下次
上司：換乜撚野手套丫 冧哂檔比客屌喇 你換咁多手套都換撚左半粒鐘 你再換換撚埋你丫
無限loop
佢哋戴手套只係為咗保護佢隻手🥴
好多做飲食業嘅都冇乾淨污糟concept㗎🌝
有食物安全衛生concept 嘅人，會畀佢哋嫌三嫌四
「就你事多」
「唔使咁麻煩」
「又唔係你食」
「出街食嘢係咁㗎啦」
「大菌食細菌」
你都痴痴地，香港飲食業都係一個人同時做幾個位，就算冇手套都唔會掂一樣嘢行返入去洗一次手，再出嚟掂一樣嘢，又行返入去洗一次手 ，咁潔癖自己返屋企煮啦，你阿媽喺屋企煮嘢隻手咪又係周圍摸。
做過餐飲都知，帶手套絕大部分情況都只係為佐唔整污糟自己對手😂所以我一直都話出得街食嘢就一定要有眼不見為淨同大菌食細菌既心態，因為就算你見得到既地方有幾乾淨同食既餐廳有幾高級都好，你都永遠唔會知道廚房入面發生緊咩
可唔可以唔好成日鬧員工，有冇諗過係好多年前呢d 唔同工作都係由幾位員工去做，根本係公司cut人搞到一個人要乜都做晒，收銀得收銀咪咩事都冇囉
咁都叫鬧？ 衛生意識就應該要培養 。 我一個人solo企coffee shop要煮野食出餐收錢抹枱都係咁做 。 問題係肯唔肯做，知唔知要做
帶咗手套唔使整污糟雙手。
點解樓主覺得不如唔好帶？
去燒味檔攞住件叉燒，斬比入盒包裝，收錢，找錢比你….next….
咁有冇問題
情況多數都係咁
部分員工會戴手套工作而部分唔戴
之後有客投訴冇戴手套唔衛生
之後公司規定一定要戴手套工作
之後員工發現污糟就換新手套
之後公司發現成本高咗 唔畀換手套/規定一人一日用幾多對
之後員工唯有一對手套走天涯/戴住手套洗手(套)
綜上所述
戴手套嘅意義係…
A 員工唔想整污糟自己對手
B 公司為咗應付客人而推出政策
C 確保客人食物 用具衛生乾淨
D 以上皆是
講真 其實冇戴手套嘅
可能更乾淨😂😂😂
「我都係遵守公司規矩啫」😂
公司規矩太死板 員工就冇得變通
而且佢可能有戴住手套洗手呢😆
我哋唔知啫🫣🫣
其實做得收銀真係唔好掂食物！除非佢會換手套，不過香港地真係好難做到～
有樣嘢想開心“些牙”吓
小店主未轉行前係“美❤️”集團做西餐
本身就唔太鍾意集手黏立立咁
再加埋公司太有錢
所以基本上每做完一樣嘢就扔佢一對手套
差唔多一日一盒
後來膠層發現我呢種保持衛生嘅行為
就捉咗我去溫馨提示一吓
我用樓主一樣理由嚟反提示佢哋一吓
佢哋無言.......我又繼續咁衛生嘅行動
直頭佢哋頂我唔順私下淨係對我做間outlet落memo
可以唔一定帶手套做嘢為止🤣🤣🤣
想講.....大公司做嘢就係咁砍腳指避沙蟲咁死板
阿姐又唔敢好似我咁調皮反抗
咪唯有客人硬食
呢個要置頂 其實講到尾係高層啲政策問題
你估人地真係冇常識嘅咩
打份工啫 冇搞到食物中毒就唔會理㗎啦
見過好多帶住手套入廁所，去完出嚟係帶住手套連手都無手，都吾知咩心態
尋日去茶記個啊姐又係帶住呢啲手套拎碗湯比我隻手指公浸咗落去，轉頭同一隻手喺地下執垃圾，碗湯即刻唔飲🤮
啲on9人投訴人唔帶手套，佢哋真係唔知一對手套走全日🤣🤣
一日限一對手套你知唔知？冇咁得閒又除又戴，去厠所都有限制你唔知？戴手套都可以洗手，仲乾淨，不如限制員工處理食物前唔理有冇手套必須梘液洗手
「戴手套都可以洗手」，係，起碼唔會洗爛手先。如果唔比員工戴手套，佢哋洗爛手，到時又會有班人沖出嚟話用爛手做嘢好核突。
仲有啲酒樓傳菜阿姐，手套明顯已經帶到變形，手指部份長期帶著鬆弛，傳菜時成隻手套手指部份插曬入啲菜度，佢都冇感覺，因為感受唔到熱嘛！如果唔帶手套，佢知道手指插入湯度會燙傷，所以小心好多，試過呢次，我以後唔幫襯呢間酒樓，每個餸送到嚟都係洗完手套。🤮
所以公司policy係食安方面真係唔掂 @tamjai_samgor .
我之前做學校飯堂，唔會戴手套，係每次收完錢洗手，所以真係洗到手都爛😅
所有 waiter 嘅手套都係用嚟保護佢自己雙手
根本就係病毒、細菌、不當物質嘅溫藏
我已經冇去食好幾年喇，即係由取消「禁堂食」之後都冇咩去啲餐廳，寧願日日外賣兩餸飯、親眼望住佢手套整污咗邊嚿餸就掉咗佢
一般堂食反而望唔到啲 waiter 幾時掂過你啲嘢
我一直覺得帶手套仲污糟過唔帶 , 帶左手套，對手污糟左自己都感覺唔到，唔帶手套自覺對手濕漉漉、污糟左都會即刻洗手。你哋得閒留意只做外賣食肆,特別是（x記飽點）手套開工帶到收工🤣
因為一個人可能做幾個位，加上有時忙，本身做緊1，下一秒去做2，跟住無啦啦又做3，轉個頭又返去做1，邊得閒換嚟換去。
可以換手套嘅，另外想講啲手套除咗有時好難戴得番。
或者佢都會沖一沖隻手套先掂其他嘢。
最後，只可以講冇辦法。
熱敏紙（塑化劑）浸湯
指插湯 碗地拖抹枱
班阿姐真係咩都做得出
見過荃灣某間山西刀削麵店，個男師傅40-45歲左右，戴手套搓麵團麵粉，我見住佢入去廁所，5分鐘出返黎，對手套仍然有好多麵粉😃～ 🤷🏼♂️
不過都好睇佢舖頭環境 如果佢地出面冇洗手盤都真係冇辦法做到每次洗手🥲下下入去洗手又要比人鬧 不過都唔排除有啲人係真污糟🫠
我之前返過啲阿姐就係咁，我帶得太耐出手汗我就會換，叫我對手套唔好抌，攤吓佢乾左陣間用返😵💫😵💫佢真係全日淨係兩對手套，揼完紙皮，執完地下啲嘢又掂啲嘢食
我見過戴住去廁所，我望左下，佢本來想走，但見我望到然後戴住手套去洗手
無錯，所以去麥記一定唔會叫佢送餐，啲阿姐帶同一對手套送餐同執垃圾，仲要係成隻手放入垃圾桶壓低啲垃圾。
試過睇住個店員一對勞工手套整格仔餅（倒漿），抹檯，擒高抹冷氣糟（就響餅機正上方），再徒手撕個格仔餅出嚟（因為個餅底同個模痴埋咗）。
“你唔係諗住就咁俾呢塊我丫嘛？”
"我而家再整過俾你丫！"
唔駛啦唔該。
其實出得街食嘢，講衛生嘅，就只不過係掩耳盜鈴，以前喺五星級酒店做的時候，見到廚房佬跌咗件牛扒落地下，水都唔沖一下，又放返落個plan度繼續煎，之後問返個客好唔好食，個客都話好好食。😂😂
又見過啲廚房佬去完廁所唔洗手，但原來佢返到自己崗位，佢又會在自己的崗位的洗手盆清潔雙手。
其實好多嘢都係睇個人衛生，早排見過有服務員，在地上執了一些垃圾，之後都見到水壩裏便洗手，他出來的時候手套是濕的。
有朋友之前間餐廳規定，員工一日只可以用兩對手套。雖然就冇話真係會Mark低佢拎咗幾多，但每次行去拎手套，經理都會咆哮，喂喂喂你又換手套？
老實講出邊好多都係咁 冇得避
上次食大x樂有啲燒味師傅都係一對手套走天下 唯有眼不見為淨😂
我喺葵芳新都會個女廁嗰度見到個着住乜乜冰室嘅阿姐對藍色手套跌咗落地下拍兩拍之後袋返個褲袋度。。。🤭
收銀/執枱/抺枱可以用一對手套… 送餐䱷不應該了！
上次係旺角洗衣街間麵包鋪買雞批，佢甩唔到殼，就用佢帶住嚟抹嘢、收錢嘅手套反轉個雞批用食指頂住戥佢出嚟，之後我係map留言，一次都無再買過。