📌 “我每天都洗澡，衣服
共 32 條紀錄
“我每天都洗澡，衣服也被媽媽燙得整整齊齊，但同學都覺得我很臭”
同學們不會主動跟我說話,如果我不交功課或不上學,他們就會跟其他同學說Wendy又沒有交功課,又沒有上課 (我聽到）
有時他們會直接訓斥我,而我也會接直接說關你什麼事?
還有些同學在我經過時會掩鼻示意我很臭,有些同學也會直接說我臭,如果碰到我的時候會厭惡地說“我不小心碰到 wendy我要消毒”
我的鄰座如果我不小心把書或手碰到他的桌子(過界）,他也會責備我。
有一次常識科老師教我們關於個人衛生,所以問/統計我們每隔幾天洗一次澡
老師問誰每天洗一次澡請舉手的時候, 我舉了手,而同學們說 wendy應該隔2-3天才洗一次澡
而那位老師有聽到不過無視。
可是事實是, 媽媽每天都會幫我洗衣服然後燙整齊再加上我每天都會洗澡。如果我真臭的話，媽媽應該罵到我上天。
*我有印象我有反駁過，可惜忘掉反駁了什麼😂 正正因為反抗過, 我對這些事並不是很介懷以及印象比較淡, 我相信這些人就算我不是少數族裔他們也會這樣對待某個弱勢同學
我只是剛好是那位弱勢同學
我會繼續分享我嘅經歷 ：）
兩個post 好明顯睇到，係香港嘅教育系統缺乏多元文化教育同意識，啲學校同老師唔只無sense，亦無接受過相關培訓
我係八十後，由細到大都係間主流學校入面第一個甚至唯一一個非華裔。我細個無遇過呢啲咁離譜嘅待遇，反而同啲後生啲嘅傾開先知而家校園意識咁低，甚至師長帶頭種族歧視。
其他人對自己有奇異目光嘅印象，我好模糊，只記得老師會提醒大家係一樣、無分別，眼見嘅唔同亦無分高低。
到高小時，有老師甚至會講笑咁話我「同化」得有啲極端，搞到佢哋無辦法體驗一個多元文化嘅校園。
我反而記起有位華裔同學，成日同老師講喺班同學身上聞到腥味，老師就發現佢屋企食全素，無乜機會接觸肉，所以感覺會好強烈。
佢特登向全班解釋情況，等大家知道每人身上都有不同體味，每人感受亦會唔同，但雙方都唔應該咁樣而對對方有負面睇法，又或令自己因為咁而受困擾。因為青春期呢啲情況會更常見。
記得自此之後，啲同學對素食同學體諒多咗、會飲多啲水先接近佢😂；嗰位素食同學亦明白咗，體味「臭」可能係自己主觀觀感影響
2004年後好多主流學校為避殺校而開門收非華裔，但坦白講好多都無心做好呢方面嘅功夫，反令好多學生痛苦
咁多年嚟都無乜正視過校園欺凌，作為大人真係感到好失敗。
香港嘅變化（又或退化）之大，其實係無聲無息，但大家習以為常
我唔講非華裔，淨係簡單講「融合教育」
以前嘅特殊教育老師係一個專有職位，對特定教育需要有專業嘅認識同培訓。印象中聽啲老師講，以前嘅資歷架構係分開，佢哋唔洗理其他行政嘢
但自從回歸後乜都改一餐，搞融合教育表面上「融合」，其實係掟晒啲學生入公海，啲文法中學老師就無相關培訓，可以讀多個文憑升職以顯示自己對呢樣嘢有基本認識，但工作上又係兩邊嘢做晒
至於非華裔，2004年開始又係突然「開門」畀佢哋可以參與電腦派位，單丁入主流學校嘅就「你死你事」；主流學校唔想被殺而大舉收佢哋嘅，話就話有資助，但人哋只係為生存需要，點會做多學下點教佢哋？
講教育理念？有教無類？
香港依然有好老師獨力掙扎，但學校早就只係講求紀律一致嘅工廠，學生要倒模咁，稍有不同都係「麻煩」…唔好話學生欺凌，啲教職員職場欺凌，學校都係視若無睹，甚至有人死喺學校都唔會報警寧願call St.John…
要佢哋承認校園欺凌、種族歧視本身已經難，喺今時今日嘅環境，咁多人唔用腦盲撐歧視，要學校做嘢係天方夜譚
我記得以前小學都係俾啲老師呀，同埋啲同學都蝦得好犀利。
去到中學，我以為情況會改善啊，點知我入到冇耐呢我記得一次我行緊樓梯上去，我掂住咗個扶手，跟住上面有條女咁啱行緊落去，佢見到我有掂過呢個扶手，佢即刻勁大力揈開自己隻手🤓
即係佢覺得呢啲嘢我有掂過，佢有機會接觸到我有接觸嘅嘢，然後好污糟，然之後就揈開咗自己隻手🤓呢個女仔係同我一樣籃球隊嘅，我係冇得再去玩呢個我喜歡嘅運動，因為基本上佢哋唔鍾意掂到我，唔會俾機會我同佢哋一齊練
再題外話多少少，因為小學嗰陣呢係連啲老師都真係勁對我有偏見啦
即係嗰陣時我已經係籃球隊，我都覺得我遇到不公，真係以為去到中學會唔同啲，我都唔知點解我會咁樣妄想，好記得學界嘅時候見到以前小學嘅籃球隊隊員啦，咁佢本身打得好叻，然之後我記得喺個更衣室裏面佢係有潤我，點解我嘅實力係冇增長因為根本冇得打 我頂你個肺
後續就係呢，我係一下子突然間停咗打波啦，停晒所有運動啦
我一個暑假好似肥咗成10 kg呀
我開始淨係鍾意留喺屋企瘋狂煲台劇韓劇日劇
對唔住，攞咗你個平台講自己啲嘢，不過真係有感而發
唔緊要，隨便講即管講!
我覺得會咁樣對人嘅人，佢本身人緣都應該好差，又或者佢自己個人或者環境本身都好Toxic.
你個case應該比我更加容易研究得深入啲, 因為我嗰陣時年紀太細個記憶冇你咁深刻。
正正常常其實係唔會咁
我中學時被欺負是因為背了個Hello Kitty全紅書包。被人笑足了整整1年白痴妹。仲要喺我張椅子上倒墨水。我是純種香港人。所以我覺得人們欺負人通常係欺善怕惡。然後因為你是外族就會比人多一個理由攻擊。
冇錯，非常同意! 當我好強勢咁樣開始反抗，佢就冇再咁樣做 我都會繼續分享落去 (不過應該要用好多時間去分享)
回應返你，佢哋就覺得你屋企一定係日撚日煮咖喱，其實冇囉真係冇囉
但係你講唔過佢哋啲偏見㗎，
同你一樣樣囉，其實事實上我阿媽係我哋每日朝頭早都一定要沖好晒涼啦，執好晒所有儀容啦，燙好晒衫啦 ，一日完咗啲衫咁多奏摺 都會俾我阿媽鬧死囉，但係阻止唔到佢哋㗎膚色深過佢哋就係污糟㗎啦，就係臭㗎啦
抱抱你
我港喱（華人），其實港喱華人思想其實無咩機會改變，與其想迎合香港華人（我覺得唔係咩高級嘅民族），仲不如想做咩就做咩，我見到有啲南亞人account會想通過譴責其他南亞黎想講自己好守香港規矩，我覺得唔應該咁做，相反應該等香港華人怕自己
好黑仔，我班frd&同學最多笑我係恐怖分子就算（well可能其實冇錯，大個之後知道自己取向算極端果批）
我覺得男仔係唔同啲, 男仔打完交就會friend返
女仔唔係, 女仔比較複雜啲
香港人嘅心底裏面始終都係討厭「唔同」
我中學嗰陣時都係俾人咁對待
只係因為我個鼻比其他人生得高大，好惡意咁笑我醜樣，笑我去咗隆鼻，一齊揾波去掟到我個鼻爆炸。。。幾難聽都講得出
本身係女同學開始先
男同學又好八公咁跟住啲女同學排斥我
唔肯同我講嘢
其中一個喺公立醫院做緊醫生，唔敢想像自己睇醫生會見到佢。。。仲有好個都做咗律師、老師，所謂嘅社會精英以前就係會咁🙄
所以我嘅容貌焦慮好嚴重，就算畢咗業好多年都係
我男朋友係巴基斯坦人，由細到大都係主流學校
佢話佢細個俾人笑最勁係幼稚園嗰陣時，因為911
但佢又好豁達咁唔係太理人講乜
所以我覺得係學校同家教嘅問題, 老師聽到係有責任去教導/ 引到學生。不過多數老師都怕麻煩
Sorry, 真心不吐不快，佢del左 comment我都要講。
笑死, 我仲諗住慢慢同佢磨, 點知你一句K.O 😂😂
真係嬲嬲地，我段嘢都打錯晒字🙈
但真係嬲囉，有乜理由Blame the victim ，同埋都唔剩喺因為南亞裔種族歧視問題，有人會欺凌高矮肥瘦、笑人家庭背景。
唔通細粒嘅比人蝦叫佢長高啲食多啲飯快高長大咁呀？！
欺凌嘅人其實都喺學校無人教，啲學生唔知喺錯，呢樣喺大人老師嘅責任嚟！
晚餐 白飯 菜心 雞胸肉, 牛餐 奶茶 炒蛋 加面包或煎薄餅 (唔太鍾意食巴基野, 就算媽煮都唔食, 太濃 太油）
我校都有類似情況,女同學A也是被說有病毒，説她沒洗手，但我發現她有洗手。
所以我認為如果你有認真洗澡，那他們就是在製造麻煩。
我個人認為小朋友都有分本質好壞, 同埋校園欺凌真係好難釐清成件事 (太複雜, 太瑣碎, 又唔連貫唔連續) 
所以如果遇到學校氛圍比較差既學校, 真係好難處理
侮辱性大傷害性強。辛苦您了。你的童年比我還要痛苦。
呢個只係我人生被欺負排擠嘅一小部份 😂😂
都未開始講同鄉 😂