‼️急尋水獺公仔‼️重酬$10,000‼️
本人誠意尋回一隻對我非常重要嘅水獺公仔
📍 遺失時間：2026年3月26日（約下午6點）
📍 遺失地點：葵廣附近乘搭302小巴期間
（小巴車牌 FT4407）
推測係上車或乘車期間不慎遺留喺車上
本人已曾返回現場及附近尋找，但仍未有發現，有可能已被好心人拾獲
如果你有見過或拾到呢隻水獺公仔，
懇請你聯絡我，萬分感激！
📞 電話 / WhatsApp：6103 0343
🙏🏻🙏🏻多謝各位幫忙轉發 🙏🏻🙏🏻
推😞我啱啱都唔見咗我最愛嘅公仔
完全可以理解你嘅感受😭😭😭
我而家先見到你個post🫂🫂我都幫你推先😭😭我呢幾日都喊到腫晒，我隻糰糰都係我嘅精神支柱，我真係冇辦法想像接下來嘅日子冇佢嘅陪伴😔😔希望呢幾日糰糰係暫時同你隻鵝仔一齊玩緊，第時玩完就返返嚟搵我哋🥹🫂🫂🫂
我已經用盡所有我可以用嘅方法去嘗試搵佢返嚟，就嚟成個九巴都要blacklist我了....但我唔想放棄任何一絲機會😞😞結論就係應該同你一樣係俾人執咗😭😭
我完全同你一樣😞我屋企有10幾隻鵝仔 但每一隻我都會幫佢起名同埋我淨係望一眼都知佢哋嘅分別😞但唯獨是呢一隻對我嚟講係特別緊要 因為我去邊都會帶住佢
我都係，我屋企都有好多隻同款公仔😔每隻都有名，每隻一望就知邊個打邊個，但都係唯獨同糰糰感情最深😔我都會帶住佢一齊出街，佢已經陪伴咗我人生嘅一半，做咩都有佢陪，我已經當咗佢係我屋企人😔希望執咗佢嘅人會好好對待佢，我最驚係俾人抌咗落垃圾桶🫂🫂🫂我好明白你嘅感受，我而家都覺得冇咗佢人生毫無意義😔好空虛，一諗起佢就喊😭
雖然係葵興返工，但係呢排我有幫你留意個地下，希望見到佢
仲有個偏方，可以一試。試吓同上天祈求，用一樣你好鍾意嘅嘢做條件交換，比如：如果搵得返，我願意x年唔食牛（前提係你本身係好鍾意食牛肉嘅, 你唔可以用一樣你本身唔鍾意嘅嘢去交換）以表誠意
Hello我想問你當日上車揾，有冇揾過椅背同坐位之間果條縫？我試過係屋企唔見左件野（唔記得係乜但應該細過你個公仔）遍尋不獲，最後無意中係梳化椅背條縫度揾返，仲要係幾深的位置，我推測可能坐時壓住條縫會大左，攝左件野入去，起身條縫細返就夾住見唔到，連日來不停有人坐令件野越攝越入....按你唔見公仔的情況有冇可能係咁呢？
如果你真係去揾，建議你一定要帶定手套，同有心理準備揾唔揾到都好嘔心，屋企梳化條縫都好多不明垃圾，小巴咁多人坐有幾可怕我都唔想諗了，所以如果無乜可能攝入去或唔記得坐咩位就唔好冒險了
呢個就真係未試過🥲我仲記得我坐喺邊度，我試下再去搵下🥲唔該晒🙇🏻♀️
有冇Call小巴司機上次我跌咗副眼鏡，跟住小巴司機都有執到💪🏻💪🏻
有打電話俾302線夜間車長
車長話俾我上車搵，但當時個司機好惡係咁鬧我仲趕我落車，
後尾車長好好人放工時間俾我上車慢慢搵但都係搵唔到😔可能途中有人執到
當時我都要搵咗四架小巴，不過幸好我條邨一共都只有四架小巴，小巴司機都好好人俾我逐架上去打到最後一架原來係喺司機嗰度，你一定搵到的💪🏻💪🏻
不如試下係每個302小巴站牌貼尋物告示呀🥲 有機會係啲小朋友覺得得意攞咗又無上網見到🤧
我有沿着302線盡量每個站都有貼，但係好快俾人拆咗🥲
upppp 樓主真係好想搵得返 今日落樓下全部都係呢個公仔嘅街招
多謝你有留意到🥲想問你大概喺邊區見到仲有啲街招？因為荃灣有啲街招好快俾人拆咗🥲我未必可以每日檢查到其他街招有冇俾人拆到
其實淘寶嗰啲係假貨嚟🥹就算係真貨，都取代唔到呢隻陪咗我十年嘅好朋友🥹不過都多謝你🙇🏻♀️
又係嘅，我都有一隻公仔陪咗我12年，如果唔見咗我都非常傷心，加油我相信有心就一定可以搵到隻公仔