📌 《中產煉獄：英基幼稚
共 77 條紀錄
《中產煉獄：英基幼稚園之巔峰之戰》
喺香港，有一種窮，叫「家庭月入得 45 萬」。
林主任行出嚟，全身上下都散發住一股「我好焦慮」嘅貴氣。佢嘅工作係「牽線」，專業啲講叫「教育顧問」，白話啲講就係「英基版獵頭」。幫人搭吓線，20 萬就入袋，呢啲就係中產嘅「血汗錢」。
呢個「貴婦求學團」真係臥虎藏龍：有高盛美林嘅前精英、有岩土工程師、仲有紅十字會副經理。佢哋嘅 CV 拎出嚟可以救國，但佢哋嘅人生目標只有一個：送個仔入英基。
陳官睇住份背景綜述，都忍唔住流咗兩滴同情淚。朱工程師好慘，老公係基金合夥人，本身應該係人生勝利組，點知全家除咗銀紙，就係剩返抑鬱症。原來喺香港，做工程師唔係要計地基壓力，係要計點樣頂住個仔入唔到 ESF 嘅心理壓力。
最勵志係蔡小姐，審訊期間都仲要懷孕。呢種「生命影響生命」嘅精神，話畀大家知：就算老母要坐監，細佬都一定要贏喺起跑線！就算法庭見，胎教都唔可以斷！
呢場案話畀我哋聽，香港中產嘅食物鏈係咁樣嘅：
投行才女 > 基金合夥人 > 岩土工程師 > 紅十字會經理 > 抑鬱症 > 焦慮症 > 入到英基嘅細路。
月入 45 萬又點？
咪又係要為咗個幼稚園學位搞到好似《破毒強人》咁。你以為佢哋行賄係為咗利益？唔係呀，佢哋係為咗「醫病」呀！因為入唔到英基，佢哋全家都會抑鬱；入到咗之後，就輪到我哋呢啲普通市民睇到抑鬱。
呢啲就係香港頂層嘅悲哀：住幾千呎豪宅，揸波子，但連幫個仔報間幼稚園都要好似特務交收咁。 辛苦晒喇各位貴婦，入去抖吓啦，裏面唔使交學費，亦都冇英基位爭，絕對係治癒抑鬱嘅最佳良藥。
#英基之巔
#月入45萬的窮人
#中產煉獄
#教育瘋人院
#贏在監獄前
#貴婦求學團
#抑鬱症貴氣
#獵頭式行賄
#香港教育生態
#豪宅裏的特務
背景
英基國際幼稚園（烏溪沙）收生貪污案於 2026年3月31日 在區域法院（由西九龍裁判法院暫代）作出判刑。
判決結果
本案共有 14 名被告（包括 13 名家長及 1 名中間人商人）被裁定罪名成立，分別被判處 監禁 8 至 14 個月。
案件重點與法官判詞摘要
區域法院暫委法官 陳慧敏 在判詞中強調了以下幾點：
罪行性質嚴重：法官指出貪污賄賂屬嚴重罪行，本港學位資源有限，被告的行為破壞了入學制度的公平性。
拒絕以「父母心」為由減刑：對於辯方求情稱此舉是「難為天下父母心」，法官反問行賄是否正確方法，並強調「父母心」不能成為貪污的辯解。
不考慮緩刑：法官明確表示，為了維護制度公正，必須判處具阻嚇性的監禁刑罰，緩刑並非恰當選擇。
懷孕不構成減刑因素：被告中包括一名孕婦，法官指出懷孕並非減刑理由。
案情背景
涉案人物：英基烏溪沙幼稚園前行政主任 林珍妮（認罪並擔任污點證人）與 13 名家長及一名商人。
賄賂金額：涉及賄款總額約 110 萬港元，個別家長支付金額介乎 2 萬至 20 萬港元不等。
目的：確保子女能「插隊」獲得該校的 K1 學位。
屌個八婆，引人行賄重反過來做污點證人，有冇咁撚賤？
林珍妮早前已承認 9 項串謀使代理人接受利益罪。由於她轉為污點證人指證其他被告，其判刑已定於 2026 年 4 月 20 日進行。
案件背景：林珍妮被指於 2018 年至 2021 年期間，收受多名家長共約 110 萬港元賄款，協助 12 名學童「插隊」優先入學。
同案被告判刑：
2026 年 3 月 31 日，西九龍裁判法院（暫代區域法院）已對同案的 13 名家長及 1 名中間人作出判刑。
13 名家長：分別被判處監禁 8 至 11 個月。
1 名中間人（蕭裕邦）：因罪責較重，被判監禁 14 個月。
法官在判刑時強調，此類賄賂行為嚴重破壞入學制度的公平性，動搖香港廉潔基石，必須判處阻嚇性刑罰。 ：（
我唔明有得呢啲背景
入唔到esf咪去第二度讀都俾得起有餘
不解
其實正正常常肯俾時間操下都會入到。明顯係hand off父母，平常唔操個細路，個細路應該明顯incompetent 入IS，先要搞咁大壇大龍鳳
入Esf都要咁做，可想而知佢地班小朋友有幾唔掂，有機會係ADHD或者自閉症d friend, 又或者英文oral超級差
所以可以想像佢地班仔女有幾incompetent 先要出到呢招去求入學
I don’t think that’s a nice thing to say about the children. 2 or 3 year old children should not be judged whether they have competence. They might not fit what the school is looking for, sure, but the parents shouldn’t have resolved to bribery, period. Anyways, the children are innocent.
It's the fact that they are incompetent to enroll to ESF so their parents need to put their last resort for this. Admitting of incompetence is not anything not nice to anyone, it is just a fact that both the kids and parents have to face and resolve their own wayout. 乜野人做番乜野事，覺得對小朋友not nice because you are not dare to tell the truth
讀英基不如讀一二線直私好好學下中文，平靚正，好多都係龍。唔需要妖魔化local school, 事實上好多龍校都較少功課讀得唔辛苦。相反isch老母好多都好chur, 特別係英基老母，又想isch但又要keep中文結果狂補/自補中文
我一向推崇，香港讀傳統中小學
之後中三送英國寄宿
英國寄宿，先係傳統精英嘅培養地
學一套戲話齋 。 點解一定要去名校做二等生 就唔可以去其他學校做優等生。
點解一定要入英基？點解一定要入果間英基？迷信金錢可以解決一切，呢個係基因，早啲受夠教訓係好事
話唔定懷孕只係想博同情, 希望睇在個胚胎份上, 唔洗判入獄😒
Spy x family d情節其實係真的，只不過個過程不怎麼優雅
同好 🙌🙌🙌 大把under the table啦
其實呢啲家庭，父母背景咁好，加上正常地訓練下小朋友，考直私綽綽有餘，要走i school 路線，咪堂堂正正wait ESF 囉，一係比多啲錢讀其他….搞到咁依家咁真係好諷刺。
真係呀 。。 我見到話有個家庭月入成45萬都唔捨得俾50萬買bond換快證呀陰公
你睇threads 都見啦，「冇一千萬都唔好生仔」嘅論調唔少見㗎。
真心想知
我係2022-23年附近聽朋友講, 肯去東涌讀就會得,
係果年好多hk人去左英國? 定呢家好多大6人來爭?
點解無啦啦變左咁神校咁?
都真係平, 好有人性, 但果堆貪污父母都唔會俾唔到其他IS的學費 , 我就唔明做咩要咁貴買ESF!
英基其實响國際學校嚟講係咩tier?
唔係top不如讀返傳統top名校，反正屋企點都夠$栽培同大啲去留學，d真巨富仔女都係咁啦
今次真係羸在起跑線，有幾多個父母其中一方係監躉，打敗了99.9%同齡學生👍
其實終於班小朋友有冇入到英基？啲小朋友都好慘，好無辜😌
非常難以理解，有錢，小朋友搵間輕鬆d local快樂學校讀到小學或者初中，再去外國讀麼得咯，到時中英文都得（英文最多課外補下），好過果d讀i—school土生土長香港人一口洋腔洋調粵語，中文程度睇唔明茶餐廳menu。
有時見果d香港細路因為讀國際學校讀到講廣東話都唔咸唔淡就覺得醜怪
真係神化左英基，為子女我明，但為英基真唔明！
專業人士😂😂
父母一開始便其身不正，讀什麼名校，高尚職業，品行卻0分，社會有這個些所謂精英，可悲😓
其實成日見到啲大陸中介話經佢哋apply 有幾多幾多個學生入咗英基. 都唔知係咪又係咁
披露了其中一名涉案家長（某基金合夥人）的家庭月收入高達 45 萬港元 。 然而，即便擁有如此高薪，他們仍願意花費 20 萬港元 賄賂幼稚園主任，只求買到一個入學面試機會或學位「45 萬」這個數字之所以成為焦點，是因為在法庭審訊期間，披露了其中一名涉案家長（某基金合夥人）的家庭月收入高達 45 萬港元 。 然而，即便擁有如此高薪，他們仍願意花費 20 萬港元 賄賂幼稚園主任，只求買到一個入學面試機會或學位
CLS, 月入450,000又使乜爭英基？就算要買幾十萬Bond都唔會有壓力。
其實係貪心想慳得就慳，諗住唔想幾廿萬買英基公司bond
債券，即係借錢俾辦學團體（大多數應該冇利息），當子女離校或畢業可以取回本金，有些可轉讓，有些不能，似你去銀行做定期存款
紅包效應，真香港人應該唔會咁蠢，ESF只係二線吃之冇味棄之可惜
好想知貴婦係獄中生仔。。拎出世紙個時。。點同個仔講
唔好話為細路，係為自己面子。。。講到地位咁高，一樣走枱底數，阿叻就無樣叻，但有一句就好啱，佢話呢啲唔係慘，係叫唔好彩。。。（呢句係佢當日話郭富城嘅澳洲之旅）
有啲人已經將犯法變成習慣：
買飛買黃牛
泊車泊雙黃線
飲茶俾錢經理打尖
所以入學俾十零萬
只係正常操作
完全唔知自己有犯法—＞全部唔認罪
如果世上沒有什麼家族財富傳承 大家有著相同起跑線的話～根本沒人會在乎朋友同學有何背景～但人性就係會希望下一代延續自己的優勢⋯⋯錯在太愛