《中產與大媽的平衡時空》
喺香港，有一種生物叫「中產」，佢哋每日返工準時過鬧鐘，交稅多過交租，以為自己係社會棟樑。點知有日，個中產衰咗貪心，收咗人幾萬蚊回佣想換部新 iMac。結果？未開機，ICAC 已經帶埋早餐上門，法官大人仲要義正辭嚴：「你係社會專業人士，受過高等教育，幾萬蚊都要貪，簡直損害香港誠信！」幾個月後，佢就喺石壁監獄思考人生，層樓斷供，全家喊到斷氣。
與此同時，另一個時空嘅主角係「健碩大媽」。
大媽喺深水埗住緊公屋，每日生活就係飲茶、行街、打麻雀。佢係「綜援魔術師」，每年申領十幾萬津貼，名義上係「隻手痛、腳痛、心口痛」嘅傷殘人士，實質上喺茶樓同人搶點心時身手敏捷過葉問。
中產貪幾萬，係「嚴重誠信缺失」；大媽坑十幾萬，係「基層生活艱難」。
大媽嘅戶口永遠係零，因為現金全部放晒喺床底，或者係大陸買咗兩層樓收緊租。每次社署職員上門查核，大媽就發揮奧斯卡影后級演技，著件穿窿衫，頭髮亂糟糟，聲淚俱下咁講：「我一個女人仔，無依無靠，呢幾千蚊係救命錢呀！」
喺香港，有一種生物叫「中產」，佢哋每日返工準時過鬧鐘，交稅多過交租，以為自己係社會棟樑。點知有日，個中產衰咗貪心，收咗人幾萬蚊回佣想換部新 iMac。結果？未開機，ICAC 已經帶埋早餐上門，法官大人仲要義正辭嚴：「你係社會專業人士，受過高等教育，幾萬蚊都要貪，簡直損害香港誠信！」幾個月後，佢就喺石壁監獄思考人生，層樓斷供，全家喊到斷氣。
與此同時，另一個時空嘅主角係「健碩大媽」。
大媽喺深水埗住緊公屋，每日生活就係飲茶、行街、打麻雀。佢係「綜援魔術師」，每年申領十幾萬津貼，名義上係「隻手痛、腳痛、心口痛」嘅傷殘人士，實質上喺茶樓同人搶點心時身手敏捷過葉問。
中產貪幾萬，係「嚴重誠信缺失」；大媽坑十幾萬，係「基層生活艱難」。
大媽嘅戶口永遠係零，因為現金全部放晒喺床底，或者係大陸買咗兩層樓收緊租。每次社署職員上門查核，大媽就發揮奧斯卡影后級演技，著件穿窿衫，頭髮亂糟糟，聲淚俱下咁講：「我一個女人仔，無依無靠，呢幾千蚊係救命錢呀！」