《宏福苑聽證會爆大鑊：大家一齊見證「地區保護傘」有幾嘔心》
宏福苑無情大火，燒毀千幾個家庭，燒出咗承建商宏業嘅無法無天，但更令人心寒嘅，係火災後獨立委員會聽證會揭露出來嘅「地區權力遊戲」。
呢幾日聽證會，終於將焦點對準咗一個名字：前法團顧問、民建聯大埔區議員黃碧嬌。如果你以為呢單只係一宗「維修意外」，就太天真。聽證會上居民陸續爆出嚟嘅證供，完全係一齣精心策劃嘅「奪權、圍標、收割老人家」嘅醜陋三部曲劇本 。
第一部曲：「離奇代付訟費」的奪權劇本
聽證會爆出最令人嘩然嘅一幕，係發生喺十九年前一宗法團官司。當時有居民無啦啦入稟控告法團主席貪污，結果敗訴。但前法團司庫喺聽證會上直指：呢位敗訴居民要賠嘅三萬元堂費，竟然係由黃碧嬌代為支付！
你諗吓，一個區議員，點解要無端端幫一名控告法團主席嘅人出律師費？呢筆錢背後嘅邏輯係咩？居民強烈質疑，呢個根本就係處心積慮嘅「奪權」劇本 —— 透過支持反對人士搞亂原本法團，然後再安插自己勢力入局，黃最終順利坐上「法團顧問」個位，再掌控整個屋苑嘅話語權 。呢種為咗權力而喺背後操控小業主嘅手段，真係極度嘔心。
第二部曲：「欺凌長者」的授權票收割機
到咗大維修招標，真正嘅肉戲嚟喇。
宏志閣居民王女士作供時，講咗一句令全場心酸嘅說話：「大維修招標過程好黑暗，好多居民覺得造價太貴想反對，但形容自己係『任人宰割』。」
點解反對無效？因為有人手握大量「授權票」。王女士直接點名，黃碧嬌不時透過義工，甚至利用老人家去買餸嘅時間，喺街市瘋狂向業主索取授權書 。佢點樣攞？「好多老人家都怕事簽俾佢」。佢利用長者對地區人士嘅恐懼同服從心理去盡情收割授權票，呢個已經唔係服務社區，而係「情緒勒索」。
更恐怖嘅係，聽證會爆出有居民嘅身份被盜用作「假授權」。咁呢個已經唔係道德問題，更涉嫌偽造文件嘅刑事罪行。一個過億嘅維修工程，就喺呢堆充滿水分嘅授權票下被強行通過，最終交咗俾「宏業」呢間奪命承建商。
第三部曲：「眼淚與潛水」的公關戲碼
火災發生之後，黃碧嬌喺大埔區議會開會時，發言一度哽咽落淚，話收到居民問「幾時俾返間屋佢哋」，促請政府快啲安置 。
表面上好關心街坊，但當獨立委員會要求佢交代維修期嘅細節時，佢做咗咩？
3 月中，當傳媒問佢有冇被傳召，佢拋低三隻字：「未收到」，然後話已經交俾律師處理，完全冇明言會唔會配合出席聽證會 。與此同時，代表委員會嘅資深大律師杜淦堃已經表明，已向黃碧嬌索取證供 。
出事之前，喺街市攞授權票嗰時就咁落力；出事之後，要上證人台交代真相嗰時就交俾律師、玩潛水。呢啲就係所謂「地區服務」啦？
網上好多人鬧承建商宏業貪婪、偷工減料，導致防火設備失效 。宏業兩名董事侯華健及何建業甚至拒絕出席聽證會提供口頭證供 。佢哋抵死。
但係，係邊個幫呢班無良承建商大開中門？係邊個利用制度漏洞，將小業主嘅權益雙手奉上？
如果當初無嘔心嘅奪權手段、如果無嗰啲利用老人家怕事心理收割返嚟嘅授權票，宏福苑嘅居民使唔使捱貴價維修？使唔使因為非阻燃物料而家破人亡？
過去幾日聽證會只揭開咗第一層遮羞布。大家一定要金睛火眼𥄫實，再睇吓呢把「地區保護傘」，最後點樣喺陽光之下無所遁形🔥
十年前左右，我老爺間屋所在屋苑都出現圍標，中標之後，屋苑大部分人告法團同承辦商，咁有個律師出黎大大聲話有得打，咁老爺等成班街坊咪照跟律師講咁做，結果搞咗幾年，官司敗訴，律師費照俾，敗訴要賠原本間中標公司嘅全費同損失，每戶夾差唔多廿萬，但咩都無做過，之後又要話搵人做大維修又要再夾錢🤦🏻♀️🤦🏻♀️老人家邊有咁多錢，咪又係仔女夾😂😂（當時又係有議員話幫手😂同埋個律師都伏伏地😂）
成日話要提防提子，民建聯其實就係最大騙子。班老嘢又信佢地，結果搞到輕則冇咗個家，重則命都冇埋。
一早叫佢地唔好貪蛇齋餅糭，唔聽!! 而家現眼報啦
其實自從強制樓宇維修，類似宏福苑既圍標，貪污，收賄、不擇手段拎業主授權標，可謂比比皆是，所以完全唔會覺得奇怪.
咪就係林鄭呢條八婆做出嚟，然後民X聯班友跟住做，結果有次立垃會咪引嚟呢句說話：
係你地批嫁！！！
無一個係無辜架！！！
當年邊個要攪強制大維修？
佢袋咗幾多
佢背後嘅大老細係邊個
成條食物鏈喺點
再落到去淫賤聯。又袋咗幾多
單單都億億聲大茶飯
咁多年全部都無事
幾諗爽丫
到依家死咗168人
都可以唔洗出席個調查會
實行你有你扮工
我有我繼續
你吹得我漲咩
另外, 如果係整個過程裏面, 黃碧嬌既工作好明顯就係將佢背後既利益集團安置入去呢個圍標計劃之內, 並保證無人能夠反抗, 結合黑社會, 政府部門, 一齊完成呢個搶居民錢既計劃, 當然要有中共背景既民建聯推波助欄啦.
希望世上真係有怨魂索命！法律唔制裁佢地，佢地唯有靠自己！邊個有份害成佢地，心知肚明，大家都好清楚！
首先要好多謝CEO樓主, 將咁繁瑣既文字轉化為大家都明白既資料.
正常人都諗到有關部門其中一個必須做嘅方向係查核黃碧嬌甚至其家人嘅現金流以證其清白！
香港應該有大量業主立案法團有DAB 身影，多年嚟撈唔少油水。各位業主小心