《富爸爸窮爸爸》入面提過一個好殘酷嘅底層邏輯：
窮人同富人最大嘅分別，在於對「俾錢」嘅定義。

「窮人思維」永遠係防守型。
佢哋將所有俾出去嘅錢，都當做「支出」或者「負債」。交租、出糧、廣告費，全部都想壓縮到最低，慳得一蚊得一蚊，因為佢哋極度恐懼失去手上僅有嘅資源。

但「富人思維」係進攻型。
佢哋用錢去買「資產」。一個設定精準、識得 24 小時自動幫你搵客嘅 Facebook 廣告，其實就係一項為你帶嚟現金流嘅資產。

有個做母嬰產品嘅老闆娘，盤生意其實做得有聲有色，
但每次一傾到要加廣告 Budget，佢就好似割肉咁痛。

佢死守住一條心理底線：
「Chloe，每日 $1500 廣告費已經係我極限，可唔可以再慳啲？」

我直接反問佢：
「如果你今日入 $10 落部汽水機，跌出嚟嘅唔係汽水，而係 $50 蚊，你仲會唔會限住自己，每日只係入 $10？」

點解你會覺得每日 $1500 好貴、好驚蝕？
因為你根本「計唔到回報」。
你冇裝 Pixel，冇計清楚獲客成本（CPA），更唔知自己嘅廣告回報率（ROAS）。
當你唔知呢 $1500 究竟換咗幾多張單返嚟，你每日撳掣落廣告，感覺就好似掟錢落海，當然會驚。
有得賺，因為仲係好彩，唔識計數，唔識Sacle Up，唔識逆境生存。

一個真正有「富人思維」嘅老闆，當佢計掂咗條「保本線」，知道入 $1 可以穩定賺返 $5 嗰陣，佢根本唔會諗點樣慳嗰 $1500，佢會恨不得借錢都要將 Budget 加大 100 倍！

跳出底層嘅「洗費思維」，進入老闆嘅「投資思維」。
生意，係靠賺返嚟，從來唔係靠慳返嚟。