📌 《藝術圈嘅殘酷十年》
共 39 條紀錄
《藝術圈嘅殘酷十年》
尋晚去完 Art Basel，香檳、名流、幾百萬上落嘅名畫。我望住啲作品，心入面嘆咗口氣。眼前嘅 Art Basel，係「倖存者偏差」嘅極致。每一個爆紅嘅藝術家腳下，係一萬個轉行做咗保險、做咗裝修嘅「前藝術家」。
藝術圈唔係童話，事實係一個比華爾街更殘酷嘅「贏家通吃」市場。想入行？先要問自己一條問題：「如果未來 10 年，你一件藝術作品都賣唔出、無人識你仲要日日燒錢，你仲頂唔頂得順？」
如果猶豫，我勸你及早離場。
觀點一：未有收入嘅 Biotech 初創
好多人以為畫畫好似煮碟飯，有人買就收錢。錯啦。做真正嘅藝術家，其實係做「Deep Tech R&D」。頭十年，你只係喺實驗室試錯，搵屬於自己嘅視覺語言，呢個就係你嘅 Core Tech。畢業頭五年，係死亡率最高嘅Valley of Death。同學開始買樓結婚去旅行，但你仲喺匿喺工廈劏房聞緊天拿水味。
藝術家嘅生涯曲線從來唔係線性，而係指數級。前面 90% 大部分人都係平嘅（零收入），最後 10% 先突然爆升。所以如果你無「守寡十年」嘅心理準備，一般人根本玩唔起。
觀點二：畫廊唔係伯樂
後生仔成日怨無人賞識。醒吓啦，畫廊唔係慈善機構，佢哋係風險投資人 (VC)。佢哋簽藝術家，投資嘅唔係佢哋張畫，係佢哋嘅「職業預期壽命」。藏家買畫係買資產，資產最怕變廢紙。如果藝術家兩年後頂唔順轉行，啲畫就會價值歸零。
所以畫廊除咗睇才華，更睇重「穩定性」同「持貨能力」。當一個藝術家窮到燶，會唔會為五斗米畫行貨爛價拋售自己作品？如果藝術家表現得好 Desperate，急住賣畫開飯，畫廊一定唔敢簽 — 因為呢個藝術家已經係一間隨時清盤嘅初創公司。
藝術圈最殘酷嘅悖論：你越唔志在錢，啲錢先會追住你。
觀點三：戒甩「懷才不遇」嘅毒素
好多人中咗「梵高毒」，覺得藝術家一定要窮同痛苦，作品先有靈魂。Bullshit啦。貧窮只會令人短視、焦慮、同為生存妥協。
最實際嘅建議：搵份養得起你自己嘅正職。卡夫卡做保險，Jeff Koons 做過華爾街 Broker。呢份正職，就係你嘅後盾。有穩定 Cash Flow，藝術家先有創作自由，唔使為交租賤賣靈魂。你可以好囂張咁同個市場講：「我畫畫為自己，你鍾意就買，唔買就罷。」呢個就係藝術上嘅 "F*ck you money"。
藝術係一場比拼「命硬」嘅馬拉松
好多藝術家一夜暴富嘅新聞，令大眾以為成功靠運氣同才華。實情係，最後跑出嚟嗰個，未必畫得最靚，但一定係最「命硬」。
睇完呢篇文有冇覺得心灰意冷？恭喜你，可以慳返十年青春，早日轉行過得舒舒服服。但如果你明知前面係火坑，十年無人問津都覺得「我唔理，我就係要畫。」咁我都恭喜你。只有呢種瘋子，先有資格笑到最後。
世上無人欠你一個掌聲。成為大師前，先學識喺黑暗中獨舞。做好坐十年冷板櫈嘅覺悟，然後，攞返起支筆繼續再畫啦🎨
好多人呢半年inbox 問我，如果諗住學多啲，學深啲，再睇遠啲，有冇得 keep 住 update？我為咗將主動權攞返喺自己手，我喺特登開咗個【五分之一杯咖啡 join 一個月，一杯咖啡 join一年】嘅「內部通訊」名單，而家限時Free Trial 7日。當大家交個朋友，請我飲杯咖啡，未來有更多獨家更新俾大家，等大家行少啲冤枉路👇
https://buymeacoffee.com/finplayer_ceo
暫時Threads上第一篇香港人寫而又真係明白藝術經濟的 👏🏻
你呢啲咪就係叫貧窮限制想像力，呢個世界大把玩藝術嘅人根本就唔需要搵食，有無限錢滾錢，特別係上到Art Basel呢啲舞台，佢哋表演緊嘅唔係畫畫藝術，而係「吸錢藝術」
我去Art Basel當去東莞金魚缸
入面雞多過人
你有料入去派張卡片俾個小紅書女
成本分分鐘低鳩過你去三湘坐女
做藝術家在才華以外，視乎有無好的畫廊/ 經紀人在背後支持和捧起來。而這些畫廊/經紀人往往是上流社會的名媛，eg, 藝倡畫廊的金董建平（董建華之妹）、Pearl Lam Galleries 的林明珠（ 林伯欣之女）
星期四那晚睇完， 除了藝術品， 見到好多穿晚裝性感嘅女士，都是另類風景😜
現在的環境的確比九十年代差很多…我自己本身是Schoeni Art Gallery 出生亦promote 過剛剛畢業的藝術家…如Yue Minjun岳敏君。他很幸運一出道就給文少勵看上不用苦等十年。
10年冷板凳算好了。有好多人都窮一世，還是在畫。藝術家有一種風骨係唔理出邊嘅世界點樣轉，佢仍然活在佢自己嘅世界中，呢個先係真正嘅藝術家。
世界己經變得只要「娛樂」 對大部份人來講 藝術只係娛樂既其中一種
藝術既本質 已經無乜人深究
什麼思想 概念 引導性 連帶性 表現力 都好像被變成可帶過的囉嗦
我相信 真正的藝術家 並非只係活係自己既世界 宜係相信自己 相信藝術 可以係思想上 讓世界變好 讓思想因作品互通 在互通的螺旋 令大家思想升華
但可惜 呢啲好似都被 所謂的 社交媒體 所帶引 扣鎖在娛樂之中 令「人」慢慢失去 了：人 才是自己的主人 這回事
「自由」 只是去「懶」的口號
「正義」 只是「揾笨」的引提
「愛」 只是「互相利用」的語法
等等.......
頂到10年都唔代表掂....
我有期有去過下呢D
會聽到行內人點SELL 個客:
買邊張邊張, 邊個紅緊, 你買完呢就俾幾多錢我, 我幫你將你呢張畫拎去邊到邊到擺展, 再點搵人寫好佢個報導, 咁個畫我地有個倉幫你擺, 咁一個ROUND 幾多年, 你呢張會點升值...
唔馬到呢D AGENT 幫你大力搵客
個客點用錢推你上去?
我果下覺得真係好難單用實力上位...
個世界真係離唔開錢///
你講art Basel 但一幅畫都都冇提過，藝術的而且確唔係我哋凡夫俗子咁容易理解，如果要為五斗米嘅話就真係諗都唔好諗做藝術家啦。。你講得啱。 所以玩得藝術嘅人，應該都係有個強勁嘅後盾！ 藝術天賦反而唔係重點。。
有Intention但係可以表達到令凡夫俗子都理解到嘅藝術咁就頂呱呱啦。 有美感，而唔係令人驚恐嘅，真心有好多藝術品睇落真係有一種令人驚恐嘅感覺。
藝術家同搭雞棚道理一樣，有一個有財力/名氯嘅人吹奏，一傳十十傳百，你就升價萬倍，到時你隨手畫兩筆都係價值連城，而且果兩筆你可以講到個故事幾動聽都得
Actually 好多現代藝術家背後都有「嗲地」同「媽咪」支持，所以行呢條路無番咁上下家庭背景都搞唔掂
依個觀點同道理，亦可以應用係其他藝術行業，尤其娛樂圈，演員，歌手，模特兒，攝影師等。
基本上好多人都係窮一世都未必出到線🥲🥲 一命二運三風水，除左實力，前幾個因素先係主宰…
香港地土壤根本就唔係搞藝術
要住喺香港藝術生活
注定係困難。
所有大城市對藝術工作者都唔係友善
有冇諗過，有啲現代人好似好大覺悟嘅道理，其實比起古代人都不及。
不如查吓歷史，無論係中國還是歐洲，以前嘅藝術家係點生活？點解佢哋可以做到「藝術家」？
有幾多人覺得由普通人努力下，就會得到回報，好似線性咁樣入門、升級、成名。如果解決唔到溫飽問題，第一步已經係發夢。
我想問你係點樣知道呢啲資訊
你係自己做藝術家
定係身邊識有人做藝術家
古時畫家都要搵老細金主課金 有d仲衰走埋先有人欣賞
其他都同意，除左用vangogh做例子🥲佢係幸運架
都是生意啦，大家都觉得畜牧行业的交易会很low，其实艺术销售机构的行业也很low啦，都是在卖货，区别不过是艺术家更会社交。
而家好多人用「藝術」洗黑錢！嗰班所謂嘅名人望住件 (唔知真定假嘅) 藝術作品打卡，以為自己好有藝術品味，真係笑咗！
#認真便輸了 🤭