📌 《Agoda 收咗錢
共 53 條紀錄
《Agoda 收咗錢去到酒店竟然話冇房：折解「幽靈訂單」背後龐大吸血產業鏈！》
近年去旅行，好多香港人都遇到一個極度崩潰嘅情況：喺 Agoda 訂好晒酒店、收到 Confirmation Email、甚至信用卡已經扣咗錢，點知拖住個篋去到日本或者台灣嘅酒店櫃檯，前台姐姐竟然同你講：「Sorry，我哋系統冇你個 Booking 紀錄喎。」
早排連森美去大阪都中過伏，大半夜流落街頭 。點解一間全球最大嘅 OTA（Online Travel Agency），會搞到個朵臭晒，成日被人話「走數」？
好多人以為係 Agoda 個系統有 Bug，或者酒店自己超賣（Overbooking）。但呢個絕對唔係單純嘅 Technical Error，而係一條隱藏喺訂房系統背後，極度混亂兼且互相推卸責任嘅「灰色產業鏈」。
今日，我袋錢入大家袋，同大家揭開呢個「幽靈訂單」嘅三大致命漏洞。
漏洞一：第三方「代理轉售」
大家以為你喺 Agoda 撳個掣訂房，筆錢就直接交去間酒店？錯啦。Agoda 嘅房源通常來自兩個渠道：第一種係「直連房源」（酒店直接俾房 Agoda 賣），呢種通常冇問題。第二種，亦係出事最多嘅，叫做「第三方代理房源（B2B Provider）」。
有啲第三方旅行社（俗稱「拆家」或者「艇仔」），會用超低價向酒店先攞一大批房。然後，呢班拆家會未經授權，將呢批房放上 Agoda、Trip. com 呢啲大平台轉售賺差價 。
你以為你同 Agoda 交易，其實你嘅 Order 係：你 ➔ Agoda ➔ 第三方代理 A ➔ 第三方代理 B ➔ 酒店。呢個「俄羅斯套娃」式嘅傳遞過程，只要中間有個代理個系統輕微甩轆（例如人手入漏資料、或者個拆家其實根本未 hold 實間房），去到酒店個 PMS（物業管理系統）度，你個名就會直接人間蒸發 。
最慘係，當你企喺櫃檯發脾氣，酒店只會同你講：「我哋真係冇你個名喎。」因為間房可能係用咗某個「代理公司」嘅名義去 Hold ，而你，就變成咗被遺棄嘅孤兒。
漏洞二：超賣（Overbooking）嘅零成本博弈
酒店業界有一個公開嘅秘密：超賣係常態。假設一間酒店得 100 間房，佢通常會喺各個平台放出 105 間房，因為佢博實有幾個客會臨時 No Show 或者 Cancel。如果好彩，酒店就賺到盡。但如果 105 個客全部出現點算？呢個時候，酒店就要「踢客」。
如果酒店要踢客，佢會踢邊個？
1. 踢經自己官網訂房嘅客？絕對唔會，因為利潤最高。
2. 踢大旅行團？唔會，得罪唔起。
3. 踢經 OTA（例如 Agoda 第三方代理）買「最平特價房」嘅客？中！
酒店會將個波推俾平台：「係個平台超賣，唔關我事。」 而 Agoda 客服又會推返俾酒店或者代理。呢種「零成本博弈」，令到買特價房嘅客，永遠成為風險最高嘅犧牲品。
漏洞三：免責條款下嘅霸王條約
點解 Agoda 夠膽成日走數？因為法律上，佢哋幾乎立於不敗之地。你去睇下佢哋嗰水蛇春咁長嘅 T&C，入面通常寫明：「平台只係提供中介服務，唔保證最終住宿提供」。當你發現冇房，你打去 Agoda 客服 ，佢哋標準嘅 SOP 係：
1. 叫你等（因為佢哋要慢慢聯絡返背後嗰個第三方代理）。
2. 提出退款（甚至只係退 Agoda 積分）。
3. 賠少少差價，叫你自己臨急臨忙搵過第二間 。
對於平台嚟講，退錢俾你，單 Transaction 就完，佢哋冇損失。但對你嚟講，大半夜拖住成家大細喺異地流落街頭，嗰種精神折磨同臨場捱貴房嘅成本，Agoda 係絕對唔會包底嘅。
所以當你明白咗呢個遊戲規則，下次訂房請緊記以下三步，保護自己：
1. 查房源本尊：喺訂房網見到超平價錢，先對比下酒店官網。如果官網已經爆滿，但 Agoda 仲有平房，99% 係「第三方代理」放出嚟嘅幽靈房，千祈唔好貪平。
2. Double Confirm 係鐵律：訂完房，收到 Agoda Email 唔算數。出發前一個星期，一定要 Send Email 或者打電話去酒店前台，提供你個英文全名同 Booking Reference，要酒店親口確認「Yes, we have your booking」。如果酒店話冇，即刻追殺平台，唔好等到去到當地先搞。
3. 保留最後防線：如果真係去到酒店先發現中伏，唔好盲目接受客服嘅「退款」。要求酒店白紙黑字寫明「因為咩原因無法提供房間」，然後要求 Agoda 賠償你「當晚臨時訂另一間同級酒店嘅差價」。
做生意，信唔過把口，只信白紙黑字。喺資本遊戲入面，太過天真嘅消費者，注定要大半夜喺街頭吹風。
好多人呢半年inbox 問我，如果諗住學多啲，學深啲，再睇遠啲，有冇得 keep 住 update？
我為咗將主動權攞返喺自己手，我喺 Buy Me a Coffee 特登開咗個【五分之一杯咖啡 join 一個月，一杯咖啡 join一年】嘅「內部通訊」名單，而家限時Free Trial 7日。當大家交個朋友，請我飲杯咖啡，留個位，㩒下面條 link，入嚟我個「內部名單」！我係喺入面分享更多獨家做生意知識俾大家，等大家行少啲冤枉路👇
https://buymeacoffee.com/finplayer_ceo
用Agoda唔係唔得既，但自己都要守好尾門 。
我上年十一月去日本都經Agoda訂左4間酒店。都係逐間Email比哂所有Agoda Details酒店去confirm lock實間房 。
好在相安無事 。
點解篇文個flow咁似ChatGPT嘅？
『今日，我為你揭開ABC呢個「XYZ」嘅N個致命漏洞。』
我一直都用 trip.com, 之前試過去哈爾濱凌晨先落機，訂果間酒店寫話24小時前枱，點知去到我連個前枱都揾唔到，電話亦完全揾唔到酒店職員，嬲嬲地就差評 trip.com，結果 trip.com即刻幫我揾附近酒店仲打電話去confirm係咪可以即時入住，另一間酒店仲要貴啲既都唔洗我比差價，結果間酒店係住得好舒服房又大又免費自助洗衫同免費接送至高鐵站🥹
我自己用 trip.com用到鑽石級，因為出左問題至少有人工客服即時處理，之前試過用Expedia， Booking.com都試過出事，完全揾唔到客服亦退唔返錢比我，Agoda就直頭唔會選擇，啲價錢係最唔抵既
Agoda 正垃圾！ Trip.com反而跟得最好，有事即刻應機跟進。
已經慣咗手勢一book完agoda即刻補個email去酒店 收到酒店回覆確認先當自己真係book到
身為使用Agoda 及飯店管理系統的業者，我可以100%跟你說，Agoda 的系統有Bug. 但他們從不承認。這在業內不是秘密，發生超多次。我在Facebook 上亦有解釋過。
其實booking.com, Expedia, Agoda, Hotel.com 係同一集團。Trip.com, Ctrip.com同永安旅遊都係另外一間公司。選擇唔多
前某大集團酒店front desk小薯路過，
酒店角度心底係睇唔起平台app book既客.
踢客是常態
第二 9成瀨野  Booking出問題
話自己book咗，但係我哋呢邊見唔到個名嘅九成都係Agoda. （樓主嘅文章解釋左原因）
相對地Booking.com之類比較少出事。
唔係好明平台app有咩睇唔起？揾同book酒店方便d咁解
因為連鎖式酒店集團玩自己嘅 loyalty programs，追嘅係自己 member compliment instead of 平台 comment，所以會優先 please 自己啲 member 客，OTA 訂房 somehow 真係 don't give a damn 🙂↕️
感覺hotels.com穩陣啲，touch wood book過咁多次從來無甩過，但其實係咪都一樣？
Booking.com 都用咗成10年了
相安無事，好多時都會直接收到由酒店傳過嚟嘅訊息 、同埋酒店都會自己跟進返對話
就算有需要臨時取消Booking，好多時都好快處理到，通常第二日就已經收到退款
其實用Agoda冇問題，但前提係要check清楚佢俾你張收據抬頭係邊度出
好多時候會見到agent公司，簡單處理完Booking之後，直接搵返住宿嘅官網客服
叫佢哋confirm一次你嘅訂單，其實就搞掂
除非一直唔覆嘅話，就可以叫Agoda再三確認俾返由酒店方正式發出嘅確認通知，先好出發如果，超過兩日冇回覆嘅話就直接取消比較好，唔建議拖到冇免費取消先嚟玩啲咁嘅嘢😀
用了Adoga好多年, 歐洲亞洲都有用, 從來未出過事! 點到唔想&唔會用中國產trip.com, 一來是網絡安全, 其次係以本傷人,養套殺生意模式, 到最後, 損失都是消費者. 另一個人選擇係 booking.com
我最近俾 trip. com cut左間房，明明book左取消
冇房都未係最嚴重…
試過訂一個平台去到先發現間旅館原來不存在…（即係擺d假相上去騙人…竟然,仲要在香港發生！）
好彩幫親戚訂後, 提早去踩點望一望間野…廢事親戚到步唔識路…
最後平台係有退錢既..不過, 如果係旅客,人生地不熟, 剛剛落機, 勁攰先發現訂左間幽靈旅館…果下仲驚嚇…🤦🏻♀️
試過send email日本酒店想確認但兩次都唔覆，好彩最後冇問題
撲街公司嚟㗎，總部喺馬來西亞，冇人識講廣東話，行家產公司。
咩理由都好啦，日本上哂新聞都已經話Agoda啲房成日有問題。
啲人仲要老馮book完唔去同酒店confirm嘅話咁就自己責任了🤭
當你以為得agoda係咁，結果bookxng都係咁，之前我又係用佢訂賓館，去到又係賓館話冇房，打去bookxng佢又係冇賠錢，以後都blacklist果類平台，去旅行社訂無咁嬲
用Agoda 有乜問題？Send email去同酒店confirm唔係基本嘢？
我上次去韓國先奶完野，個櫃檯哥哥同我喺度確認咗個幾鐘都係冇，玩死人。
本身諗住投訴搞大件事，但係最後Agoda二話不說賠返Grand Hyatt俾我，我先算數。
agoda 係會收走差評，評分也不可信，將酒店寫到天花龍鳳，我啱啱就係想預約商務旅館，簡介也是寫提供自助入住。 結果係約炮賓館，給錯誤資訊真係好過份，這些是怎confirm 也避免不了的。也希望直接預訂，但像我這次的住宿是選在桃園的中壢，他們對國際預訂也好像不太熟悉，就是沒當地電話也很難預約了，真希望有可靠的平台，折扣是一會事，更希望是有能處理好連絡，付錢的可靠中介呢。
每次經Agoda 訂房後都會再send email同酒店confirm,暫時冇中過伏.
我去之前一定send email 每間酒店，confirm Agoda booking! 每次都無甩！ 可能我一早full paid 哂！
我以為喺哩啲平台訂房流程係：「①對返官網價錢，②揀平啲嗰個方法訂，③e-mail 或電話去酒店本尊confirm」係常識嚟⋯⋯？
乜咁多人唔會咁做㗎？
我唯一一次甩單就係荃灣西如心 不過佢地前台打返去訂房部 等多幾分鐘都係俾返間房我 去日本緊係民宿啦airbnb空間大過酒店好多又有得煮野食
要揀，有D住宿真係主要只用兩三個平台來收客，就可以。Agoda唔係唔可以用，如果好平的話好難會唔揀吧？但自己最好都用email confirm agoda ge booking先。
點解係收到Agoda confirmation 之後唔直接同酒店confirm再而書面（電郵）confirm？
我通常機票同酒店房都係agoda book, 偶然會airbnb，通常long stay。不過是的我會寫email給酒店double confirm，機票也會用airline的apps double confirm，所以到現在也沒有問題
Agoda我訂過有幾十次，我每次confirm完Booking之後都會send email俾酒店再確認酒店有否收到我的Booking，暫時未試過問題！
唔關Agoda事
你上網經任何第三方平台訂酒店，都要再補多個msg/email confirm一次booking
租車都係
我自己十幾年黎次次出國都係agoda 訂房，可能我時運高未試過無房。
（不過可能因為我每次落訂都有跟酒店 confirm 房間細節同訂單）
唯一一次出事係訂左阿里山上既酒店，但去到咁啱打風封山上唔到去，
Agoda 客服大概花左一個上晝就免費畀左間台中酒店我地住。
（因為嘉義果陣橫風橫雨無咩可以做，當下就提出改行程去隔離天氣好啲既台中玩）
所以未來都應該會繼續用agoda
我之前睇過同呢篇9成似嘅 post, 幾個月前同屋企人去旅行當然唔可以甩轆, Agoda book 完再 email 酒店 confirm, 點知酒店真係話有我個名但 booking reference no. 唔同, 我再同 Agoda app confirm 返個 booking no. 再覆返酒店去 secure 間房. 貪平就要自己做多少少