📌 「拎走笑氣，停咗無痛
共 49 條紀錄
「拎走笑氣，停咗無痛。媽媽一陣陣痛嚟嘅時候就要吸一啖氣，用力將bb推出嚟！」主要幫我接生果位姑娘睇落相當有經驗。
「準備！push!」啲姑娘好好中氣。
佢哋睇數據比我本人更清楚我係咪陣痛緊，痴撚線，我根本就覺得無唔痛嘅時候！
「笑氣加無痛搞到佢無力生。唔洗驚，抖下，一陣我哋再嚟多次！」
wtf, 我覺得我用咗力架啦！係等緊嘅期間，佢哋要老公幫我抹下汗。點知，來回幾次之後，都仲未生得出。
「媽媽，姐係好似屙屎咁！你幻想💭下點屙屎。」姑娘講嘅隻隻字我都明，但做唔做到又係另一件事。
突然間，有個好熟悉嘅姑娘入咗嚟，揸住我隻手：「我陪你生！唔洗驚！」
係我產檢主要跟開果位姑娘👼🏻🥹
不過，我唔係驚，係做唔到🫠，我終於講到第一句：「可唔可以幫我吸出嚟？」
全部姑娘都話：「唔好！你得架！比啲意志💪🏻」
屌！我無啊！
「烏冬媽咪，烏冬都同你一齊努力緊架！我哋已經見到佢個頭仔啦！好多頭髮啊！」產檢姑娘咁講完，老公就真係伸個頭埋去望。
接生果位姑娘就講：「爸爸，你不如都係去返後面陪太太？」
老公話：「我唔驚，你比我望下⋯」
「唔係，始終都唔好睇⋯」姑娘擔心會影響日後夫妻感情。
「姑娘，我第一次可以係搖滾區睇生仔，真係唔可以錯過。我哋只會生呢個女，你比我睇吓啦！」佢講完，姑娘真係移過啲比個位佢。
再push一次之後，全部姑娘講：「見到啦！好多頭髮，卡實個頭仔就出到嚟啦！」
老公眼濕濕🥹咁講：「真係！好多頭髮，好似你咁！加油啊。」
又再搞咗好耐都係唔得，佢哋又拎咗個架，架上面掛住條毛巾，好似古裝劇生仔咁，比你扯住條巾發力生仔。
每一round佢哋都讚我有進步，但係我都係生唔到。
我覺得我就識扯毛巾發力之際，佢哋建讚轉返最初姿勢生。
又聽到其他姑娘同產檢姑娘講：「喂！你收得工架啦喎，我陪佢啦！你收工啦！」
阻人收工咁大件事？我拍下產檢姑娘：「你快啲收工啦！」
佢答我：「收工好閒，陪你緊要啲！」佢眼神好堅定。
我🥹：「多謝」
姑娘問：「我剪少少🤏🏻幫你生好無？」
我輕輕點頭，呢個時候你叫我比埋副身家你都得啊！😂
然後我都無再等陣痛，總之有力就試吓生。
「頂住啊老婆！見到愈黎愈多頭髮啦！」搖滾區係唔同啲。
「媽媽，你心跳去到百六，有無見暈？」成間房啲姑娘忽然好緊張。
我用準備緊下次用力，好快答：「我無嘢，bb有無事？」
「bb無事！」
咁okay啦！
最後，荒亂中有個姑娘衝咗入嚟講：「搞咩搞咁耐仲未生到！」
佢見我用緊力想生，果位姑娘即刻用佢神之手係我肚上面推bb出嚟。
屌！原來萬年便秘屙得出係咁嘅感覺🤩
好快就聽到bb喊得好大聲，仲放埋係我身上面skin to skin。
啲姑娘問：「爸爸剪唔剪臍帶？」
老公好興奮🥰：「剪！」
就係咁佢獲得一個剪臍帶嘅機會。
全部人都一齊讚美我嘅努力，我哋兩公婆都衷心咁講句：「辛苦晒大家🥺」
接生姑娘話：「明年今日返嚟再生多個仔，湊個好字。」
我哋兩公婆都猶有餘悸：「no thanks.」
事後，我同老公講返：「頂你！個女無乜頭髮你又話好多！」
佢答我：「屌！其實佢哋話見到頭髮果下，我剩係見到佢個頭頂嘅十分之一，我都好撚驚我個bb頭得咁多多，不過佢哋鼓勵你，我唯有大大力鼓勵埋一份。唔執輸嘛！一陣你話唔生點算！」
大大力多謝返瑪麗產科所有姑娘嘅幫忙🫡無你哋，我應該都搞不撚掂。
仲要阻到產檢姑娘收工，真係深感抱歉😞所以你有得補鐘🥹
神之手同接生姑娘都好重要❗️多謝🙏🏻
但由於本人唔係生仔嘅好材料，如無意外都唔會再係產房見😂
願大家安好❣️
希望瑪麗產房嘅姑娘睇到啦💛
如果你老公睇個下話： 嘩姑娘呃我都無頭髮嘅
就更精彩
我生時，助產士都係不斷同我講「痾屎」嘅力，於是我發現自己唔識痾屎😭 我聽到啲姑娘講「佢唔識」🫠 我真係get唔到，姑娘話我用錯力 。建議就快生得嘅媽媽留意吓自己痾屎時點用力
多謝你花時間寫晒成個過程出嚟!! 我嚟緊都會喺瑪麗生，只夠膽睇文字描述，唔敢睇啲好raw嘅片。。。多少少心理準備無咁驚 🥶 (已經提咗老公正確着袍方法 😂)
老公真係好掂，雖然都多少有d 7😂我果時因為個b大隻，醫生問我要吾要試下生，我一口拒絕左，然後就直接推左入去🔪，除左打完無痛個下巴開始到條頸下面一直震之外，基本吾痛但係feel到俾人係度呢度按果度拉個b出來
我都係係瑪麗生
睇你篇文，仿佛見到七個月前既自己🤣
我生咗半個鐘都只係見到阿仔個頭頂
跟住佢地又係拎咗個架出黎，話係生仔神器🤣
到我開始識用力，佢地本身話吸出黎
佢地set好哂架步之後，我就有種想屙屎既感覺
然後用力多2次就生咗啦❤️
本身我17:00已經開哂
但醫生話bb未夠低，想等佢低啲先
結果我5點同姑娘講熄無痛
痛到7點先開始生🤦🏻♀️
啲助產生學生勁搏命幫我打氣😂
本身間房連埋醫生得4個人
去到後尾間房有8、9個人🤣
你好叻啊❤️
頂你地兩公婆同d姑娘都好正
點解生仔故事可以寫到咁好笑😆😆😆
祝福你地同阿女
身體健康事事順利呀！
雖然真係好笑
但講真，個爸爸真係好有勇氣，真係分分鐘有陰影架
瑪麗產房啲姑娘同助產士真係勁好🥹
產後病房啲姑娘都係好好👍
嘩！生仔嘅記憶返晒嚟！！！
你好勁，仲記得咁多，我唔知係咪無痛+笑氣太勁，我有少少斷片。。。
搖滾區睇接生真係好有喜感😆！老公俾足滿滿支持🫶辛苦媽媽了～恭喜bb順利出世☺️相信你哋一定係個充滿歡樂嘅家庭❤️
多謝你咁生動有趣嘅文字分享🫶 生動到有聲咁🤣🤣🤣
見其他post同我自己其他fd話東區都幾好
不過我唔會幫大家試😂😂😂
我係威爾斯生的
我係痛左17個鐘
入到產房淨係靠笑氣
差唔多痛到暈
臨生姑娘拎條毛巾幫我抹下臉
仲要人手穿水
又剪過下面同教我點樣用力生
生完返上產後房我仲要發燒
生完第一、二日傷口好痛
唉，一生難忘
瑪麗既產前病房同產房助產士全部都150分！佢地係好人到你唔相信自己係公家醫院 😂
瑪麗產科is the best🥰🥰🥰我仲好記得幫我生個midwife 叫張姑娘❤️❤️❤️
我要開刀，細女仲玩臍帶纏頸，我老公好想剪臍帶都冇😂佢話阿女繞實自己唔比佢剪，信佢唔過咁😂
我都係瑪麗生，有個姑娘講野好急，成日講聽我講陣間痛陣時用力。其他姑娘好後生，好溫柔
我都係瑪麗生，生個陣有無痛但冇笑氣，又係姑娘交更個陣生😂😬
點解我會感動到眼濕濕㗎🥹🥹🥹
好似陪住你生女咁！你好叻呀！！！
完全同意！唔明白點解佢俾我更清楚我嚟果段陣痛未😂😂
恭喜🎉
我三個都係瑪麗生，產房環境+姑娘真係好好👍🏼
當年我痛左一日一夜，生左呀女之後姑娘問我仲生唔生多個，我好堅決話唔生，姑娘話好多人生完都咁講，過年幾兩年又見到佢入黎生架喇🤭但我真係嚇怕左，就係得一個寶貝女😆
我都有用birth bar, 佢俾條布我拉個下，我明明好痛但都心諗咁似啲古代女人生仔咁😂
我果陣唔係一開始就打無痛，都係生唔出，之後先打無痛再剪咗一刀先生到，果陣好驚焗親個仔