📌 「爸爸話，深水埗唔適
共 76 條紀錄
「爸爸話，深水埗唔適合住人。我話，咁係取決於你點樣定義生活。」
當我決定買呢層 40 年舊樓時，身邊無幾個人支持。
「舊區好亂」、「樓齡太大難按揭」、「爭少少錢點解唔買新樓」
但當我睇到啲新樓示範單位，個廁所細到…
我係度諗，比幾百萬黎買樓，供成30年，仲要連身都轉唔到？
對比起樓齡問題，我更加擔心點樣係咁細既空間生存…
我知道阿爸係擔心我，
但我更擔心自己活在一個大家都覺得啱，但我自己唔鐘意嘅屋殼裡。
你地覺得，買樓係買「人地既眼光」，定係買「自己既舒服」？
#日式裝修 #深水埗日常 #裝修中 #美學堅持
如果你深水埗舊樓都係買到300呎，不如唔好買住啦....
以為你比較緊市區新樓300呎 vs 舊樓 600呎...
🥹初級大人表示暫時能力真係只買到間舊窩居 唔買住準備結婚又無地方住…
己經買左冇辦法。 不過過來人經驗，我寧願去大西北買新樓500呎，都唔會買市區單幢舊樓300呎。。
自己住左入去勁多麻煩, 地方唔夠大唔夠家庭住，轉手搵下手又困難。。
真心建議你唔好花大錢去搞，有機會快快轉手
P.S. 舊年由市區20年300呎舊樓轉大西北600呎新樓，月供一樣。
原因：1）舊樓成日維修住左4年頂唔住
2）300呎只有一房唔夠2個人長住（相見好同住難...連冷靜既空間都冇
3）依家市區同新界比，收工只係早30min 返屋企，其實冇咩分別
多謝你嘅建議🥺我地都係打算2個人住唔要小朋友 而家呢度都好彩有2房間隔
維修我都好擔心（未大維😓
同埋我地2個工作既地方係步行距離可以到到
應該最起碼都住10年以上 所以都想裝得靚仔舒服啲🥺
其實深水埗真係好住，環境好似好街市 feel，但係其實入邊唔同街有唔同嘢食，超多，超好味。越去得多深水埗，就越鍾意。我鍾意舊樓多個新樓，我鍾意室內空間大，新樓單位細都趴街。買樓想買個安樂窩唔係想買個咁細空間，價錢又貴。
雖然我而家都剩係買到300零呎🥹但好彩格局都四正 我都打算多啲發掘下有咩好食😙
呢D先係大人買,我理得投資價錢CP值,我中意同住得爽就得
我會寧願買偏遠啲住新界區，買大啲
起碼係新樓，好似洪水橋之前嗰個滙都～當時我親人話劈價最平400幾萬兩房四百幾呎買入，有會所有泳池，佢哋住嗰邊觀塘返工～收入有限擔心供得樓有小朋友未必再儲到錢換樓就算儲得到錢未必再有入息去供多層，所以唔想煩寧願一鋪過，打算長住就買新界區嘅新樓，佢哋話寧願每日早啲起身返工，依家啱啱結婚，準備緊小朋友～
例子：層樓40歲，準備有BB再加生埋出嚟大概三年時間～咁層樓已經4X歲～到小朋友讀中學嘅時候層樓已經60歲，到差唔多供供完層樓嘅時候，已經發覺層樓可能已經70歲😞到時可能已經差唔多退休，都唔知仲有冇能力去換樓或者係買嗰層新小小樓，70歲樓齡仲敢諗下家接手？已經係危樓。
買新寧願遠少少計埋備孕到小朋友30歲嘅時候層樓都係3十幾歲！
（我親人話：已經賣晒㗎喇，買都係買二手，依家已經升左小小到500萬多啲，嚟緊北部都會區大力發展佢哋都話睇好呢區，現時除咗交通唔係話方便同埋開放式廚房之外，其餘居住環境，景觀，空氣都係好好，而且聽佢哋講住得好開心，起碼周圍都係新嘅設施，走廊大堂光猛新淨，樓下亦都有食店附近有街市巴士站）
住過深水埗幾年，現在搬了入屯門，可以同你講，深水埗非常好住，衣食住行樣樣好，交通方便，總之半夜你就唔好無啦啦行去通州街公園附近，有人問你借錢你叫佢自己去警署，那些人真係一個仙都唔好畀佢！
舊樓積實用，裝修得靚都可以住得好舒服既，市容呢啲就差少少，但深水埗個位置方便嘅。
認同！但裝修又係一個好大既決定😣都好大壓力 買完樓又比一筆裝修
係架，如果二手樓靚裝真係比多30至40個真係無所謂，至少筆裝修費可以計劃去mortgage fee到，相對 cash flow壓力無咁大
首先恭喜你做業主。層樓係你自己嘅，只要自己覺得舒服就可以，實在唔需要理會其他人嘅眼光。
多謝你🥹 不過有時聽到人地問 點解簡咁舊呀？都會質疑自己到底買得啱唔啱
買落自己住幾十年嘅話
就只須顧慮自己居住需求就OK啦
例如：間隔闊落
其他人俾意見最後又唔係佢住
同啲三姑六婆意見一樣聽吓算
多謝你點醒我！有時都成日loop到底呢個決定啱唔啱會唔會後悔🥲
開心,不過比我未必會改日系,如果budget 唔多,我會做返港台復古風,即係就住佢有既痕跡去改,不過anyway, 住得大住得舒服比同樣既錢買個300呎垃圾新樓爽得多
不過日系最大支出就係舖過新既地,但你而家呢個平口柚木都係90年代風,少一間沒一間的,我90年代既私樓就係呢個地板
佗寂要好有紀律既人先得🤣
https://www.youtube.com/watch?v=f5H-KuMerrU&list=LL&index=11&t=1553s
呢個style都好靚！其實我本來都覺得個地板好靚想keep
但裝修公司話重新拉過啲水電既話 keep地板要走線天花
所以都會重鋪 咁就可以有多啲自己諗法😆
本身都係好多野既人 所以個裝修都好多野要諗 收納容量呀～靚唔靚呀～
40年樓，除非你冇需要或意欲再換樓，如果唔係根本係好低既resale value同龐大潛在維修保養費，但如果單睇睇間隔價錢配套，呢個價位買到樓主既舒適，都係好事黎👍🏼
新樓黑廁開廚工作平台都好kick，雖然會所好正，出入好氣派好威威🤣但諗落俾多成一球嚟緊嗰幾廿年淨係for enjoy個會所？同樣budget買舊樓可以住大啲，間隔又好。
然而，屋企人就覺得樓齡>30年買唔落手，住落無耐就要俾錢大維修唔抵🥲
係呀 會ff可以約fd去會所玩
但其實講緊個個月要比成最少4蚊尺管理費😓
ff +1, 但諗深一層一年約得幾多次gathering姐🤣管理費4-5蚊起跳不特止，每年通脹再加😔
點會有
之前隔離仲有白粉友添
成地針筒
之後差佬爆門拉曬佢哋
第一個買左舊樓最頂
落雨漏水 、夏天超熱
第二個買左無耐石屎wall跌左成舊落黎
哇咁得人驚！但係佢哋有冇重新全爆裝修過？
因為我上一手都住左20年都驚啲水喉電線老化
所以留左啲預算全爆大裝
舊樓係真係多啲野煩 唔似新樓拎包入住🥺
暫時鄰居都未撞見 唔知遲吓裝修會唔會打搞到佢地好不滿😓😓
牆角漏水、鋼筋發脹、水渠問題、蛇蟲鼠蟻呢啲真係日常嚟
小弟曾經住港島唐樓，已經係當年condition比較好，外牆唔需要翻新
如果石屎剝落真係大單嘢
所以uncle其實錯唔晒，只係佢講得唔詳細
其實決定買呢層樓既時候都嘈過幾鑊🥹
耐何筆直得咁多…死啦深水埗咪仲多呢啲昆蟲野？
ching當年點應對 教我兩招🥲
如果係幾十年樓，之前大維修咗未？如果到你維修夾錢洗多幾十蚊🙈
我有親戚傻吓傻吓灣仔舊樓，買完先知道要夾錢大維修，淨係換lift都要每戶10幾萬，仲有其他錢要俾🙈
銀包君瑟瑟發抖…好彩暫停未有通告幾時大維 但真係要儲定錢🥹
金玉其外 敗絮其中🥲我只係想要個負擔得起既安樂窩😭
住過女人街，波鞋街，山東街，其實夜晚我間中靜過住喺天橋側邊，又超方便，又有幾多人知？
如果係呢啲地段我又真係無考慮過🤯但係交通方便真係好緊要 唔近地鐵靠巴士出入 一塞車就遲到了～
🥹香港人真係好陰功 比咁多錢買間屋仲要臭嘅 無奈到可笑💔
你買嘅係單楝式，2房1廳，10層高嗰款？做完大維修未？
我覺得買二手樓無問題，美孚新邨都好舊，但都大把人買
同意！睇樓時都有考慮美孚新村 但都係budget 問題連睇都無資格睇😢（我個銀包👛
樓宇唔係股票，擺得耐會折舊，混凝土鋼筋預期壽命少於100年，保養唔好嘅話壽命更低，到時漏水石屎剝落，你就唔會話舒服
希望我60年內儲夠錢換到樓…其實未住都有啲石屎剝落gg
就係囉，到時你都係換新樓，新樓間隔係唔好，但不代表舊樓好喎
好好彩我買呢度都方方正正 如果有錢既話我都會簡啲大啲既新樓（？ 其實都係錢問題🥲
深水埗方便，不過治安係問題，入夜街邊都會有D無業遊民聚集，不時發生兇案，醫局街果邊當街賣毒品，又有色情理髪店！道友搶刧生事，深水埗幾間公廁都有老同性戀者聚集，滋擾正常男性，甚至非禮，一樓一鳳是比以前少了！總之你買得深水埗梗係喜歡同適合，但覺得你並不了解深水埗😅