📌 「識咗八年嘅大學同學
共 57 條紀錄
「識咗八年嘅大學同學結婚，去高級酒店擺酒。我封咗 $1200 人情，覺得算係咁。點知兩日後，佢 WhatsApp 我：『喂，我哋嗰晚圍起每人成本要 $1800 㗎，你封得 $1200，搞到我要倒貼你食飯... 你可唔可以 PayMe 返個差價畀我？』我望住個 msg 呆咗五分鐘。如果你係我，你會直接 Block 佢，定係畀錢當買斷段關係？」
去飲做人情係睇交情，唔係睇佢邊度擺酒，去邊度擺酒係佢自己嘅選擇，佢自己選擇高級酒店，冇理由要賓客同佢地埋單，咁如果有啲賓客俾超過$2000，佢地係咪要退返錢俾人
你答佢： 為咗去飲你呢餐，要額外用咗2仟裝身，你下次唔好去咁高級地方擺酒喇！ 嗰千五差額你想PayMe 定入數？
而家啲人其實搞錯曬成件事，結婚嘅目的係乜嘢，大龍鳳係你自己搞，其實你可以好簡單求其擺幾圍，點解你嘅高興要其他人幫你埋單，請飲嘅意義，係請其他人嚟睇你人生重要嘅時刻，唔理乜嘢原因，出席都算係一種祝福，唔係用錢去衡量，我知實有啲撚屌話你結婚試下收少啲人請，唔好意思我結婚果時就係冇計
回返佢我覺得我同你嘅交情只值$500，麻煩你payme返$700比我。
5星酒店，$900我封過，$8800我都封過，呢個係睇交情既。我無請我其中一個以前補習學生&家長，因為個身份好似唔係好適合，我完左師生關係都仲有同妹妹聯絡，個家長只係從呀女口中知我邊日結婚係邊擺。結婚當日有個陌生男人送上厚禮，講佢係乜乜總個秘書，知我結婚代老闆黎送禮影張相交差佢就走左，返屋企打開發現係一條鑽石頸鏈，我查返證書號碼，剩係粒石都幾萬。所以禮呢樣野，真係好睇個人係你心中值幾多
我會吊柒佢先block佢，你冇錢學咩人係酒店擺？去jollibe擺算啦
$1200真係少左啲～～$2000或以上先合理～～
我會出ig story,幫佢發揚光大🤣🤣🤣👍
擺明冇朋友做
n年前，我又係去大學同學擺酒
我本身想親手俾封人情佢本人
佢話驚唔見左
叫我同其他fd俾入門口d招待嘅姊妹+我地簽名
我咪同幾個fd俾佢地
過左幾日，擺酒嘅同學話無收到我封嘅人情？！
我當時喺門口有影下相
咁岩影到佢d姊妹
話親手俾左邊位
我以為佢d姊妹落左格
後來DKLM佢話搵返我封嘅人情😡
話唔記得左我中文名
以為係其他同姓親戚俾
淨係記得我英文名
之後都無來往👋🏻
😅如果你係未婚戈話，有一招：橫掂我以後結婚，你都要俾人情嘅。不如咁喇，你俾返1200我。😂大家都無蚀
好心啦,成日上D垃圾AI 文🤦♂️
（不過下面都係AI 嚟😏）
呢個故仔（大學同學要求補 $600 差價）本身就係近期喺社交媒體（例如 Threads 或 Facebook）流傳嘅熱話或「創作文」。
你比我呢段文字嘅特徵，完全符合網上「廢文」或者「食花生」創作嘅套路：
衝突位極端：識咗 8 年、高級酒店、要求補差價、用 PayMe 找數。
數據精確：$1200 人情、$1800 成本、剛好差 $600。
情緒煽動：令人睇到好火滾，好想留言討論「Block 唔 Block 佢」。
喺網絡文化入面，呢類文通常係用嚟測試 AI 嘅反應，或者係由某啲 Page/帳號為咗流量而寫嘅「故仔」。
戇鳩
我不嬲唔會理乜野叫公價人情
你擺幾錢關我乜事
公價邊個定？乜野叫公價？
擺幾錢就要人課金比你搭棚做show
呢啲人絕交啦，直接block得
我有次去飲舊同學果餐，只係喺酒樓擺酒，我封咗$300人情，然後佢信息我，咁少嘅，可唔可以補多$500？我立即呆咗
我試過幫人做大衿，唔係專業，幫下手，我係新娘長輩，由下午2點幫手幫到夜晚11點，男女家親戚一封利是都冇俾我，都算，我以為去幫手唔使俾人情，正常都當請我食餐飯，點知第二日收到新娘whatsapp問我係咪玩得太開心唔記得俾人情？我俾返500蚊佢就冇再聯絡
我見識過公務員封300 去酒樓做人情。佢話原因係，職務關係不可過 500 否則要上報🤣🤣
我會直接同佢講， 我去飲係替你開心， 並唔係去津貼你擺酒， 你冇本事就唔好去擺酒。
以後都唔會聯絡呢位同學。
根本佢由頭到尾都只係搵你戥腳+夾錢幫佢做show,仲朋乜L野友丫！我敢肯定之後佢除非再你着數，否則一定不會再同你聯絡。
已讀不回+block ok
其實你人生真係差幾百蚊咩？都唔明點解要咁計校人情，而家又高鐵又飛機，唔想去就直頭一早話唔去1200都慳返。中國人社會長期都係人情關係，如果你大學同學係醫生律師，你會俾1200？
講個笑話比大家聽，有人結婚會用excel計人地比幾錢人情
其實係有必要，一定要mark低特別大份嘅人情，將來要做返俾佢/佢子女
試過有個暗戀咗好耐嘅女仔（同佢熟到好似閨蜜咁），有日佢突然間WhatsApp我話，佢要結婚搞婚禮，叫我留個時間去見證重要時刻，佢話人情可以唔俾唔係重點，重點係人到，因為佢覺得我好重要，但我個刻已經好Hurt，我WhatsApp唔作任何回應，到幾日後，佢再WhatsApp問我個日得唔得，我直接講大話要返工唔得閒，然後特登係佢婚禮個幾日去幾日旅行散心逃避現實，好彩佢最後個婚禮係搞唔成，因為收到風話佢哋分咗手。
其實係個局
騙你出席做新郎
你走咗 未搞唔成
🤣😝
首先問佢係唔係真係要咁計
如果係，就列條數俾佢睇：
佢餐飯成本 $1800
當日你俾咗 $1200
你時薪 $500（自己填番，我只是估計）
你當日坐咗幾多粒鐘，假設係3小時
即係佢仲欠你 $900
問下佢想 PayMe 定 FPS又或者Apple Pay 都得
老實講！結婚係想比四大長老、親友、朋友為自己高興！
有朋友同居十年，全世界都以為不會結，到決定結，由策劃、安排、擺酒全部嘢，每一個人都好似做緊自己既婚禮咁，大家都好開心，仲講明不設回禮禮物和禮金自行係捐出一個機構，大家隨便。最後人人都捐款不少，捐款機構仲回信和感謝牌給對新婚夫婦！
他們結婚四十多年非常幸福，我覺得可能就是因為得到更多祝福所至！
如果好似你朋友咁，人人都咀咒佢。為咩呢？
通常結婚生仔就會暴露一個人嘅本性, 請人飲, 如果對方肯出席, 就算佢無做人情, 自己作為主人家都會好開心, 擺酒預左請人食, 無錢就吾好擺酒啦！呢D朋友, 吾好補錢比佢, 直接block 左佢, 我寧願無朋友, 都吾想同呢個人做朋友
反而會諗，自己結婚會唔會請佢？ 如果唔會，其實可以唔覆。
咁唔通佢去半島酒店擺，我要封3000蚊？我會同佢講你唔好預我啦，因為你唔係請飲，係要大家夾錢同你慶祝，我呢個月好手緊，唔好意思囉！
我收過一張高級上司俾我嘅支票做人情，先唔好講價錢，個名都寫錯🤣 笑下就算
放上網 開佢名 貼佢相 Block7佢 打後十年唱衰到盡
我諗做齊呢五部曲條氣先會順啲
我結婚有諗不收人情！人地肯黎已經係最大的人情，舟車勞動食完很晚你估好願黎？！
我當年擺酒，試過收$300人情。
亦都知係邊個，發現個一刻有d嬲，因為當時大家關係都幾好，都算幾fd。但冷靜諗深一層，對方百忙抽空去飲我個餐，祝福我，平時又對我咁好，唔想最後為錢傷感情。
同埋叫人補返差價真係有d KAM! 結婚擺酒係喜事，洗既係開心錢買回憶！唔好搞到要其他人幫你埋單找數。
人情之外 ... 仲有冇祝賀禮物
就算冇 都冇所謂 一生一次
朋友和你分享喜悅無價
PS 希望 主人家知道...除了人情, 其實出席宴會的人士仲有很多無形的cost要付出的🙈
無禮物呀！件事都過左成15年🤪當時人，到依家都唔知我知道佢比$300人情。
呢十幾年佢仍然對我好，大家keep住fd!
感恩🙏
👍所以一個數字 並不能代表什麼
友谊亦不是計較之間會產生出來的
太計較嘅人真係唔會有朋友㗎
開口問人拎返個差價，咁cheap仲係朋友？千祈唔好俾返佢，疏遠佢就算
諗下同佢有幾frd先，人情都係隨心，唔覺得因為係個場地問題就要幫佢找數，好心窮就唔好充大頭鬼啦！
為咗唔想蝕本可以去到幾盡？叫佢冇錢唔好結婚，叫人補差價真係好肉酸！
我係你就咁回佢：等你下次結婚一次過補返$1800人情俾你，然後block 咗佢！
係群發payme個record, 通知已俾番佢，所以有見證，費事口同鼻駁